Jeremaya 20:12 - Yennu Gbouŋ Mɔɔr

¹² Ŋaan fin Yabint Yennu ŋarin bikii niib fanue, ki mi linba be bi para ni, nan bi dudukit ni. Li paak, ŋaant man la ki a pa bonbiir ki jiin n datai, kimaan n jii n binbeŋ ki teen a nuu nie.

Jeremaya 20:12 Iomraidhean Croise

2 Barkperii 24:22

Kpanbar Joas din tamm Sekaria baa Jehoyada toonŋana nba ki u din tun ki turɔ nawa, ŋaan te ki bi kpii Sekaria. Sekaria nba kpenn yoo nba, ki u yet a, “Yennu n la yaa tun linba na, ki dat i tuba.”

Yaŋ 11:5

U bikii niŋamm nan biitdamm kure. U ki loon tubkangbata damm na.

Yaŋ 139:23

Yennu, fiitirin ki bann n yan ni, bikintin ki bann n dudukit nba tee.

Yaŋ 17:3

A mi n dudukit, faa baar n boor nyiɔk, a bikinin fanue ki ki la yanbɔndudukit n ni.

Yaŋ 54:7

A nyinnin n daamii kura niwa, ki n la ki n datai baa.

Yaŋ 58:10

Kasii damm sii mɔk parpeenn, li-i tee ki bi la yanbɔndamm be tubdatu ni, li yooe ki bi saa somm toonbiit damm sɔn ni.

Yaŋ 59:10

Yennu loonin ki saa baar n boor, ki te ki man nyann n datai.

Yaŋ 62:8

N niib, teent Yennu yada yoo kur, ki betɔ i daamii kur, kimaan ŋɔɔe tee ti sindandiiuk.

Yaŋ 7:9

A tee popeenn Yennu-e, ki bu ti para ni nan ti dudukit ni buut. Potir nɔɔntont damm binbeŋ na, ŋaan tur niŋamm na nyɔɔt.

Yaŋ 86:4

Yennu, a te ki a daabir-ii mɔk parpeenn, kimaan n jikit n miaru ki teen fine.

Aisaya 37:14

Ki kpanbar Hesekia gaar gbouŋ na toomiinba na boor, ki karin. Li poor po ki u saan Yenjiantu ŋasaakak ni, ki saa paan gbouŋ maŋ Yennu tɔɔnn,

Aisaya 38:14

Ki n kunkɔr waab ki baŋ, ki n mɔ nan ŋmann na. Ki n ninbina bak nan sanpaapo gotu. Yennu, nyintin daamii na kur ni.

Jeremaya 11:20

Ŋanne ki n miar Yennu a, “Yabint Yennu, a tee barmɔnpakirɔe, ki bikii niib yan nan bi binbeŋ. N jii n maan ki teen a nuu nie. Li paak, ŋaant ki man la a wutoor niib na paak.”

Jeremaya 12:8

N nigannkab na kɔn nanime. Bi gaan jate n paak nan yanbɔr be fɔɔr ni na, ki n yan yêtib.

Jeremaya 17:10

Min Yennu-e gorii nirɔ par ni, ki bikii nirɔ yan. N pa nirɔ kur nan u binbeŋ nba tee biaŋinbae, nan waa tuun linba.”

Jeremaya 17:18

Yennu, baat nan fei binba mukisin na paak, ŋaan te ki n daa di fei. Gbeentib nan jaŋmaanchiɔŋ, ŋaan daa te ki n tiin jaŋmaanii. Baat nan biak bi paak, ki but butib.

1 Piita 2:23

Baa din sukiiɔ, u din ki jiin sukiti; baa din dintɔ biak na, u ki jeen sɔɔ, ŋaan jii u mɔŋ ki teen Yennu nba bu niib buut barmɔnii na nuu ni.

1 Piita 4:19

Li paak, binba di biak Yennu loomm paak na, bii tuun toonŋana, ki jii bi mɔŋ ki pet bi nantɔɔ Yennu nba tee barmɔnii daanɔ na.

Fiitu 18:20

Yendɔuŋ ni teeb, nan Yennu niib, nan u sɔkiniinba, nan Yiisa toomiinba, ii mɔk parpeenn man, kimaan Yennu bu dogbeŋir maŋ buut ki biirɔ ki turiwa.

Fiitu 2:23

ki kpi u weira na kur; ki n weira na saa bann nan mine tee wunba mi niib dudukit nan bi loomm nba tee biaŋinba, ki saa tur sɔɔ kur u toona nyɔɔt nba tee biaŋinba.

Fiitu 6:10

ki yikin sanpaapo ki yeen a, “Ti Yomdaanɔ Yennu, fin nba tee popeendaanɔ ki bia tee barmɔnii daanɔ, li saa yukir nleewa ki a tan bu tingbouŋ na niib buut ki dat bi tuba, baa kpiit na paaki?”

1 Samuel 1:15

Ki Hana jiin a, “Li ki tee nna kaa, chanbaa, n tee poo nba be parbiir nba kaa bikinu niŋe. N ki nyuu daan kaa, n mei Yennu-e ki nyint n daamii ki teenɔ.