Jeremaya 20:10 - Yennu Gbouŋ Mɔɔr

¹⁰ N gbat sɔɔ kur lɔkin ki yeen a, “Jaŋmaanchiɔŋ li munn po. Ŋaant tin pootɔ ki tur doo yiikoo damm.” N yɔnanmɔnii gbaa guu man baae. Bi yeen a, “Li ki gar ti saa fit kparɔ ki nyannɔwa, ki soorɔ ki teenɔ bonbiir.”

Jeremaya 20:10 Iomraidhean Croise

1 Kpanbara 19:2

Ki poo na tur mɔb ki yet Elaija a, “Li-i tee ki li won tan baar nna yoo ki n ki teena nan faa teen sɔkiniinba biaŋinba na, ŋann ŋarin yenbis na n faa kpin.”

1 Kpanbara 21:20

Ahab nba la Elaija yoo nba ki u yet a, “N dataak, a wei baarima-a?” Ki Elaija jiin a, “Nn. Fin kpan nyinn a mɔŋ ki tuun linba bi Yennu boor kɔɔe.

1 Kpanbara 22:27

A betib ki bin kɔɔnɔ dansarik kii teenɔ jarpeenn nan nyun kuukɔɔ nan yoo nba ki n tan saa jen nan laafia.”

1 Kpanbara 22:8

Ki Ahab jiin a, “Yenɔkɔɔ biar, ŋɔɔe tee Mikaya, ki tee Imla bija, ŋaan n namɔe, kimaan u ki mi sɔkin barŋanii ki jiin n po; u yɔɔ sɔkint bonbiire ki jiin n po.” Ki Jehosafat jiin a, “A daa yeen nna.”

JOB labaar 19:19

Ki n yɔnanmɔnii goriin ninkpianii; ki binba ki n mantik lomm na yêtin;

Yaŋ 31:13

Ki n gbia ki n datai burin ki biirin lokir kur po, ki kɔɔntin jaŋmaanii, ki lorin lora n paak, a bin kpin.

Yaŋ 31:14

Yennu, fine ki n teena yada, ki yet a, “Fine tee n Yomdaanɔ.”

Yaŋ 41:10

Yennu, tinimin ninbaauk ki turin laafia, ki n saa pa jiin n datai.

Yaŋ 41:9

N yɔmɔŋ gbaa, wunba ki n teenɔ yada, ki min nan ŋɔɔ tun ki tuun saaŋmaŋ ni na nyii n poora.

Yaŋ 57:4

N datai lintima, ki naan nan yanbɔra nba so niib na, ki bi nyana tee nan kpana nan tɔrbann peenii na, ki bi jerima di nan jukbanjai na.

Barjokit 10:18

Wunba kur bɔrii naŋ tee faak daanɔe, ki wunba kur mɔɔntir sanjaauŋ tee jatuk.

Aisaya 29:21

ki bia biir binba fa fai ki biir leeb sana na, nan binba gɔi nibiit tubdatu na, nan binba fa fai ki te niŋamm ki laat bi mɔnii na.

Jeremaya 11:19

Ki n tee nan pegann nba ki bi saa nanɔ a bin kɔtɔ na, ŋaan ki n ki mi nan n paake ki bi lorin lorbiiuk na ki yeen a, “Ŋaant ki ti chɔɔ tiik na nan u lɔɔna ki lu. Ŋaant tin kpiu, ki sɔɔ ji daa mi tian u po.”

Jeremaya 11:21

Anatof teeb loon bin kpime, ki pakin nan bi saa kpin, li-i tee ki n tukin ki mɔɔntir Yennu maan na.

Jeremaya 18:18

Ŋanne ki niib na yet a, “Ŋaant man ki tin tun siar ki jiin Jeremaya po. Mannteeb sii yɔɔ be-e ki teenit tumiiu, ki subindamm yɔɔ be ki teenit kpaanii, ki Yennu sɔkiniinba yɔɔ be ki mɔɔntir Yennu maan. Ŋaant ki tin paanɔ maan, ki bia nyik waa piak linba na gbiintu.”

Jeremaya 20:3

Laa fant sanyiɔk ki Pasur te ki bi baatin yoo nba ki n pak turɔ a, “Yennu ki pur a sann Pasur kaa. Sann nba ki u tura tee, ‘Jaŋmaanchiɔŋ siar kur po.’

Jeremaya 37:13

Ŋaan maa baar Benjaminn Tammɔb yoo nba, ki jab nba be leŋ na saakɔɔ, ki u sann tee Irija, ki u baa sann tee Selemia ki u yeeja sann tee Hanania na gɔɔrin, ki yet a, “A tiin saa Babilonia jab boore na.”

Jeremaya 6:25

Ti kan nyi doo kpiŋ, koo ki somm sɔnii ni, kimaan ti datai be nan jatiate, ki ninmɔnn be siar kur po.”

Esekiel 22:9

Ki i niib na siab fa fai, ki te ki bi kpi leeb, ki i siab ŋman nant nba ki bi mannir poochianfei ni, ki siab mun ki nyik bi nianbiiuk tumu.

Daniel 6:4

Li paak te ki u saakaleeb na, nan yent saakab na koor a bin la Daniel toonkpetir yent na ni, ŋaan bi din ki fit la, kimaan Daniel din tee niŋanɔe; u din ki tun biir sɔɔ, koo ki ŋmab sɔɔ.

Barŋanii nba ki LUK din sɔb nae na 20:20

Li paak, ki bi ji waa pikiiɔ, ŋaan bia tun pikiiteeb nba kpann a bi tee popeendamme, a bin la u mɔbonkpetir, ki fit soorɔ ki teenɔ tiŋ yudaanɔ nuu ni.

Toona 24:13

Bi bia kan fit wann nan maan nba ki bi paan na tee barmɔnii.

Toona 5:33

Tɔɔndamm tituk maŋ nba gbat nna yoo nba, ki bi wutoa fiir, ki bi ji yaa bin kpi toomiinba maŋ.

Toona 7:54

Tɔɔndamm tituk na nba gbiint Stiifenn maan maŋ, ki bi donn wutoor bonchiann ki gbab mɔgbaba.