Jeremaya 2:9 - Yennu Gbouŋ Mɔɔr

⁹ Li paak, min Yennu saa ŋamm pak n maan ki jiin n niib po. N saa baar nan maan ki jiin bi yaaboona po.

Jeremaya 2:9 Iomraidhean Croise

Yaŋ 50:4

Ki u saa yiin sanpaak nan tiŋ ki bin di siara, ki la waa saa bu u niib buut biaŋinba.

Nyinu 20:5

Daa gbaa patsiar boor koo ki jiantirɔ, kimaan mine tee i Yomdaanɔ Yennu, ki ki saak mii mɔk lɔɔ. N daar binba namin na tuba, nan bi waas tuba, ki saa tuu bi yaaboontaa koo bi yaaboona ŋanna ni,

Aisaya 3:13

Yennu teen siir a wun pak u maan; u teen siir a wun bu u niib buut.

Aisaya 43:26

“Ŋaant ki tin saan buut boor, baat nan i maan man. Pakin i maan, ki wann nan i mɔk mɔnii.

Jeremaya 2:29

Bee tee i daamii? Bee ki i yêtimi?

Jeremaya 2:35

ki i yeen a, ‘Ti ki tun biir. Yennu ji ki dont wutoor ti paak.’ Ŋaan min Yennu saa dat i tuba, kimaan i nɔi nan i ki tun biiti.

Hosea 12:3

Bi yeeja Jakɔb nba din be u naa poor ni yoo nba na, ki u soor u jaak lɔɔ Esɔɔ taagbinn. Waa tan teen jɔɔ yoo nba, ki u gbaa nan Yennu,

Hosea 2:2

N waas, ii kpaan i naa; u lek ji ki tee n poo, ki n mun ki tee u sɔrɔ. Ii kpaanɔ ki wun nyik bonchonchonsin.

Hosea 4:1

Yennu mɔk maan nba ki u yaa wun pak biir Israel teeb nba kɔɔ tiŋ na ni na. Israel teeb, gbiintir maan nba ki Yennu yete na, “Sɔɔ ki be tiŋ na ni ki waan fanu, koo ki mɔk lommu, niib na bia ki mi min Yennu binbeŋ nba tee.

Liifai teeb 20:5

ŋann mine saa ŋmant u paak, ki biirɔ nan u ŋaateeb kur nan binba kur kɔɔ nanɔ ki jiantir yenbik Molek na. Ki n saa nyinnib n niib ni.

Maika 6:2

Yimm jɔjaana, nan yimm nba tee tingbouŋ na fiakir nba tun be na, gbiintir Yennu buut. Yennu mɔk maan nan u niib. U yaa wun wann ŋamm Israel teeb bi biite,