Jeremaya 2:36 - Yennu Gbouŋ Mɔɔr

³⁶ I teen i mɔŋ dafur nan yaa jii i mɔŋ ki tur digbangana yennii nawa. Ijipt saa dinni fei nan Asiria nba din dinni fei nae.

Jeremaya 2:36 Iomraidhean Croise

2 Barkperii 28:16

Edom teeb din lek Juda teebe ki soor bi niib ki teemm yommii. Ŋanne kpanbar Ahas din boi Asiria kpanbar Tiglaf Pileser a wun sommɔ.

Aisaya 20:5

Binba jii bi dindann ki teen Sudann ni, ki faa parbiir Ijipt paak na yan saa yêt, ki bi dindann saa kpo.

Jeremaya 2:18

A dukii li-i tee ki a saan Ijipt ki saa nyuu Nail mɔkir ni nyun, a saa la sommlannpoe? A dukii li-i tee ki a saan Asiria ki saa nyuu Yufrates mɔkir ni nyun, a saa la sommlannpoe?

Jeremaya 2:23

A saa teen nlee ki yet nan a ki biir a mɔŋi, ki bia ki jiant tingbann nba tee Baal na? Gotir faa tun biit biaŋinba baauk na ni. Gotir faa tun linba. A tee nan muuk ni laagumii nba ki u poor sooru yoo-i baar, ki u lin tiin yann,

Jeremaya 2:33

I setik mi yɔɔs sooru. Poochonchonn saa fit tumii i boora.

Jeremaya 22:20

Yimm Jerusalem teeb, saant Lebanonn tiŋ ni ki saa hoot. Ii saa Basann tiŋ ni ki saa bui. Ii be Moab kunkonfɔkit paak, ŋaan kii hoot, kimaan bi nyann i jab kura.

Jeremaya 22:22

Wouŋo saa pebir i tɔɔndamm ki yaat namm, ki bin soor i jab ki yaat namm, ki bii tee tɔb dansarkɔɔra. Ki i doo n di fei ki la yukpiasir, kimaan biit nba ki i tun na paak.

Jeremaya 31:22

I saa taantir nlee, yimm yadkanpɔɔna damm na? N nan bonpaann nba be li kɔɔe, ki li be li kɔɔ nan poo nba tuu tekir jɔɔ na.”

Jeremaya 37:7

“Ijipt jab baat a bin tan somma, ŋaan bi saa ŋmat kuna,

Jeremaya 46:12

Digbana gbat i fei dinu powa, sɔɔ kur gbat ki i mɔ. Jayenɔ tuu gbiat u lɔɔe, ki bi banlee n kpab baa.

Fabinii 4:17

Ki ti guu sommir nba saa baar tee-e, ŋaan ki li tan ki baari, ki bia guu sommir nba saa nyi digbann nba kan fit sommit na boor.

Fabinii 5:6

Ki ti ji ti mɔŋ tur Ijipt teeb nan Asiria teeb, a lin te ki tii laat jeet, kii mɔk manfoor.

Esekiel 16:28

“A waa Asiria teeb, kimaan leeb na ki kpeent a gbanant niɔŋ. A din tee bi poochonchonn, ŋaan ki bi ki fit kpeent a gbanant niɔŋ,

Esekiel 29:7

ki bi-i denn i paak yoo nba, i tuu kɔnne ki ŋmuu bi boot ni, ki bin baa.

Hosea 10:6

Bi saa jii tingbann maŋ ki saan nann Asiria kpanbar jaann boor, ki lii tee naan baakir pukina. Israel teeb saa di fei, kimaan tingbann nba ki bi jiantir na paak.

Hosea 12:1

Toona nba kur ki Israel teeb tuun, li sanyiɔk ni ki saa tuu li daajoouk, li ki mɔk nyɔɔt, li tee biirue. Tonu nan toonbiit tumu pukiie bi sinsuuk ni. Bi mɔk lora nan Asiria teeb, ki bia so sooru nan Ijipt teeb.”

Hosea 14:3

Asiria teeb kan fit tinniti, ki tɔb taanii kan fit guuriti. Ti ji kan ban yet tingbana na nan ŋamme tee ti Yomdaanɔ. Yennu, fine mɔk ninbatinu ki teen binba ki mɔk sɔɔ ki saa boi sommir po na.”

Hosea 5:13

“Israel teeb nba tan bann nan bi be daŋ ni yoo nbae, ki Juda teeb mun la bi mɔŋ daamii. Ŋanne ki Israel teeb saan Asiria kpanbar boor, ki saa boiɔ sommir po, ŋaan u ki fit sommibi.

Hosea 7:11

Israel teeb lin yolib nan ŋman liiŋ nae. U niib sint yiin Ijipt teebe ki boi sommir po, ki bia saa Asiria teeb boor.