Jeremaya 2:32 - Yennu Gbouŋ Mɔɔr

³² Poopaaŋ tammit u salinbaŋ po-o, koo pooyookir tammit u chiann liant po-o? Ŋaan yimm n niib tamm n po ki li wei ki gar yoowa.

Jeremaya 2:32 Iomraidhean Croise

Pinpiik 24:22

Rebeka nba tun nna ki gbenn, ki daabir na nyinn salima tutuuta nba yaa daauk paar bonchiann ki turɔ, ki bia turɔ salima banii ŋanlee,

Pinpiik 24:30

kimaan Labann din la tutuuta nan banii na, ki bia gbat linba kur ki Rebeka pak ki jiin jɔɔ maŋ powa. Ŋanne ki u saan Abraham daabir maŋ boor, bunbunn na peŋ, ki sɔɔ ki u see nan u laagumiinba.

Pinpiik 24:53

Li poorpo, ki u nyinn tiat nan piinii nba ki bi jii salimmɔna nan salimpeena ki teen na, ki tur Rebeka. U bia din jii bona nba yaa daauk paar ki tur Labann nan u naa.

2 Samuel 1:24

“Israel poob, ii bui ki fabin Sɔɔl kuun po. Ŋɔɔe gbabini tiat nba daauk paar, ki yonni laanii nba tee salima.

Yaŋ 106:21

Bi din tamm Yennu nba din jii u panchiɔŋ toona ki nyinnib Ijipt na poe.

Yaŋ 9:17

Biit damm nan binba ki mi Yennu na ŋarin, kuume tee bi joontu.

Aisaya 17:10

Israel teeb, i tamm Yennu nba nyinti ki guui nan tanpigbouŋ na powa, ŋaan i baa tingbana kpabise, a yin jiant boorganu yenbis,

Aisaya 57:11

Ki Yennu yet a, “Tingbana na tee lanne, ki jeenti, ki te ki i fa fai, ki ji ki jiantirin nan waama? Maa tee soon nna ki li wei nae, ki i nyik ki ki baakitimi-i?

Aisaya 61:10

Jerusalem kpamm linba ki Yennu tun na paake. U tee nan pooyookir nba tuu lia tiat ki teen siir nan chiann nae. Yennu-e turɔ tinnu nan nyannu.

Jeremaya 13:10

Ŋamm biit damm na yêt bin sak n mɔbe. Bi yɔɔ tee tubkangbata nan biit damme, ki jiantir tingbana. Li paak, bi tan sii tee nan kurtajinn na nba kaa nyɔɔt nae.

Jeremaya 13:25

U yet nan a joontu sii tee nnae. Waa lor wun teena biaŋinbae na, kimaan a tamm u poe, ki waa tingbana.

Jeremaya 18:15

Ŋaan n niib tamm n powa, ki jokit bonnunubit ki teen tingbana. Bi gbiatire sɔnu nba tee bin tɔkin na ni, bi ji ki waa sɔnkperii na, ŋaan tɔkii sɔnbukii.

Jeremaya 2:11

digbansiar ki ban lebit u yenbis, nan baa lek ki tee yenmɔnii nawa. Ŋaan n niib nyik min Yennu nba tee baakir daanɔ nae, ŋaan waa yennii nba kan fit tun siar ki sommib na.

Jeremaya 2:33

I setik mi yɔɔs sooru. Poochonchonn saa fit tumii i boora.

Jeremaya 23:27

Bi dukii nan damiit nba ki bi mɔɔntir maŋe saa te ki n niib n tamm n po, nan bi yeejamm nba din tamm n po biaŋinba, ŋaan jiant tingbann Baal na.

Jeremaya 3:21

Fuur fu kunkona paak. Israel teebe mɔ ki fabin, kimaan bi tuu be yanbɔnbinbeŋe, ki tamm bi Yomdaanɔ Yennu po.

Esekiel 22:12

ki siab gaan likirii a bin kpi leeb. Ki i siab kpentir likirii ki teen i leeb Israel teeb, ŋaan paa nyɔɔt nba yab. Ki i ŋmab ki mɔkitir, ki linba mantik tee bonbiir ki gar li kur tee baa tamm min Yabint Yennu po nae.

Hosea 8:14

“Israel teeb maa ŋaŋaniie, ŋaan tamm bi naamii daanɔ po. Ki Juda teeb maa digbanjaana, ŋaan n saa tun muue, ki lin di bi ŋaŋanii nan digbanjaana maŋ ki boont.”

Sennu 32:15

“Yennu niib kpaatir nan mɔkint, ŋaan mɔk mɔyêtuk; ki gbeŋit ki nɔr nan jeet, ki nyik Yennu, bi naamii daanɔ, ki yêt bi yabint tinntɔɔ.

Fiitu 21:2

Ki n la Yennu doo nba tee Jerusalem paann na, ki li nyii Yennu boor Yendɔuŋ ni, ki siik, ki tee nan pooyookir nba tuu teen siir ki faŋit u mɔŋ ki tookit jɔɔ nba yaa wun kɔɔnɔ na.

Barbuura 8:34

ki ji ki jiantir bi Yomdaanɔ Yennu nba din fatib datai nba din lintib na nuu ni na.