Jeremaya 2:30 - Yennu Gbouŋ Mɔɔr

³⁰ N dat i tuba, ŋaan li ki ŋamm siari. I ki sak man ŋmakiti. I tee nan yanbɔr waatik nae, ki kpii n sɔkiniinba kur.

Jeremaya 2:30 Iomraidhean Croise

1 Kpanbara 19:10

Ki u jiin a, “Yomdaanɔ, Yabint Yennu, yoo kur n jiantir fine, fin kuukɔɔe ki n jiantir, ŋaan Israel teeb na biir mɔlor nba ki a lor namm nawa, ki bit a maruŋ binbinta, ki bia kpii a sɔkiniinba. Min kɔɔe tenn, ki bi bia loon bin kpin.”

1 Kpanbara 19:14

Ki u jiin a, “Yomdaanɔ, Yabint Yennu, yoo kur n jiantir fine, fin kuukɔɔe ki n jiantir, ŋaan Israel teeb na biir mɔlor nba ki a lor namm nawa, ki bit a maruŋ binbinta, ki bia kpii a sɔkiniinba. Min kɔɔe tenn, ki bi bia loon bin kpin.”

2 Barkperii 24:21

Kpanbar Joas din lor nan niib nae, ki bi piak biir Sekaria. Ki kpanbar na tan tur yaak, ki niib na jaat Sekaria tana, Yenjiantu ŋasaakak na dindonjouk ni, ki kpiu.

2 Barkperii 28:22

Yoo nba ki kpanbar Ahas daamii din pukin na, ŋaan u lek din ŋamii tuun biite ki teen Yennu.

2 Barkperii 36:16

Bi lek din sarikit Yennu toomii nae, ki yêt u maan, ŋaan laa u sɔkiniinba na tee-e nan Yennu wutoor nba tan doo u niib paak, ki li ji ki mɔk gɔɔru.

Nehemaya 9:26

“Ŋaan a niib na din yêt a mɔbe, ki lin a poor. Bi din kpii a sɔkiniinba nba tuu teemm kpaanii na, binba beerib a bin ŋmat jen a boor na. A niib na tuu sukiiae yoo n tuu yoo.

Aisaya 1:5

Bee ki i tukin tee mɔyêtuk dammi? I loon yin la tubdatu bonchianne-e? Israel teeb, i yura poŋ gbee nan fiate, ki i para nan i yan ji kaa laafia.

Aisaya 59:3

I mɔk biit nan yaa fa fai ki mɔk kpikpiruk nan nikpinu na.

Aisaya 9:13

Israel teeb ki nyik bi toonbiiti; Yabint Yennu nba lek dat bi tuba na, ŋaan bi ki jen u boori.

Jeremaya 31:18

“N gbia ki Israel teeb piak nan parbiir a, ‘Yennu, ti tuu tee nan bonkobyiɔk nae, ŋaan a tumiit mɔsakuwa. Jenin nant, ti teen siir nan tin jen a boora, fin nba tee ti Yomdaanɔ Yennu na.

Jeremaya 46:14

“A mɔɔnt maan maŋ Ijipt doi ni, ŋanne tee Migdol nan Memfis nan Tapanes, ki yet a, ‘Teent siir man ki kɔn fat i mɔŋ. Yaa mɔk linba kur, bi saa biirir tɔb niwa.

Jeremaya 5:3

Yennu, a ninbina ki gorii ki loon mamɔmm kaa-a? A faabe, ŋaan ki li ki toŋib. A butibe, ŋaan ki bi yêt ŋmakitir. Bi chee bi parae, ki li wakii gar tann, ki yêt bin nyik bi toonbiit.

Jeremaya 7:28

A saa pakib nan bi digbann na ki sak min nba tee bi Yomdaanɔ Yennu na mɔbi, koo ki tumii yan bi tubdatu ni. Mamɔmm kpowa. Sɔɔ poŋ ji ki piak li po.

Fabinii 4:13

Ŋaan li din tan tume, kimaan Yennu sɔkiniinba nan mannteeb na din tun yanbɔmm, ki kpii binba ki tun toonbiit nawa.

Esekiel 22:24

“Nisaarik, betir Israel teeb a bi tiŋ na gbee nan toonbiite, li paak, min Yennu donn wutoor ki yaa man dat bi tubae.

Esekiel 24:13

ŋaan Jerusalem mantik gbee nan bonchonchonsin nan toonbiit nba ki n kan fit wuur ki ŋammɔe. Li saa biar ki be jakint nie, nan maa tan saa te n wutoor n baar i paak.

Daniel 9:13

Nan biaŋinba ki li sɔb Moses sennu gbouŋ ni na, biiru na kur baarita, ŋaan ti lek ki bikii a tin penn fin ti Yomdaanɔ Yennu par ki nyik ti yanbɔmm, ŋaan gbiint a barmɔnii na.

Sefania 3:2

Bi ki gbiint, koo ki gaar Yennu kpaanii. Bi ki teen Yennu yada, koo ki boiɔ sommir po.

Matiu 23:29

“Yimm sennu wannteeb nan Farisiinba nba tee kpinkpannii damm na, li sii bi turi. I maa Yennu sɔkiniinba kaat, ki jabib, ki sent, ki li tee linba saa tiar niib yentinna kuun po,

Toona 7:52

Yennu sɔkinii sɔɔ kaa ki i yeejamm ki mukisɔ. Bi bia din kpii binba poŋ sɔkint a Yennu Popeendaanɔ Masia tan saa baar nawa. Tɔn, mɔtana yimme tee damm nba nyii u poor ki bia tee u kpiira.

1 Tesalonika teeb 2:15

Ŋamm Juu teebe din kpii ti Yomdaanɔ Yiisa Masia nan Yennu sɔkiniinba, ki bia mukis timm na. Linba na paak, bi ki penn Yennu pari, ki bia tee sɔɔ kur datai.

Fiitu 16:9

Ki tonu na nba ŋamm yekitib nan muu na yoo nba, ki bi ji sukii Yennu nba mɔk biak na paŋ na sann, ŋaan bia lek ki sak bin lebit bi dudukit kii dontirɔ.