Jeremaya 2:3 - Yennu Gbouŋ Mɔɔr

³ Israel teeb, i din tee n kuukɔɔ niibe, i din tee n kasii faare. N din te ki biak bonchiann baar wunba kur paani daŋ. Min Yennu-e pak na.”

Jeremaya 2:3 Iomraidhean Croise

Nyinu 22:29

“Ii turin i dii nan i daan nan i kpan piinii, yoo nba jaŋ nan turu. “Ii jii i bijakpera ki turin.

Nyinu 23:16

“Yoo nba ki i piin i jeet jaanu, yin teen jaanu jaamm. “Ii tuu di lanbont jaamm sakoouk, yoo nba ki i pɔ i kpaant ni tilɔɔna.

Aisaya 41:11

“Binba donn wutoor i paak na saa bann baak fei nba tee biaŋinba. Binba kɔn nani na saa kpo,

Aisaya 47:6

N wutoor din doo n niib paake, ki n diab nan bi ji ki tee n yab na, ki jiib teen a yiikoo ni, ki a ki timm ninbaauk. Ki nikpera na gbaa, ki a diab nan ninmɔnn.

Jeremaya 12:14

Ki Yennu yet a, “N mɔk siar ki saa pak tur Israel teeb kɔɔnanleeb nba biir tiŋ nba ki n tur n niib Israel teeb maŋ na. N saa nyinn nibiit maŋ bi tinii ni, nan baa tuu ŋabir bonbuburit nae, ki fat Juda teeb bi nii ni.

Jeremaya 2:4

Gbiintir Yennu maan, yimm Jakɔb yaaboona nba tee Israel teeb na.

Jeremaya 30:16

Ŋaan mɔtana n saa biir binba kur biiri na, ki bi saa soor i datai kur ki teemm yommii. Binba dinti biak na kur mun saa di biak, ki binba fiar i bona na, siab mun saa fat bi yara.

Jeremaya 50:7

Wunba lab kur tuu lekibe, ki bi datai yeen a, ‘Bi tun ki biir Yennu-e. Li paak, taa teemm linba na ki bi. Bi yeejamm din teen Yennu-e yada, ki bi mun bo sii waau nnae.’

Joel 1:3

Want i waas li po man, ki bi mun saa wann bi waas, ki bi mun tan saa wann maaru nba waa.

Amos 6:1

Li tan sii bi ki tur yimm nba be Sayɔnn, i yamani, nan yimm nba dukii nan siar kan daamii-i Samaria doo ni na, yimm nba tee nijaana ki be Israel digbanjaann na ni, ki tee binba ki niib saa i boor sommir po na.

Habakuk 1:11

Bi da nan wouŋ nae, ki saa gar. Bi paŋe tee bi yenbik.”

Sekaria 1:15

Ŋaan n wutoor doo digbanlia nba be parmaasir nan bi yamani na paak bonchiann, kimaan yoo nba ki n wutoor doo waan, n niib paak na, digbana maŋe daan te ki n niib maŋ wahala ŋamii pukii.

Sekaria 2:8

Wunba faai, u tuu min Yennu ninbinne na.” Li paak, ki Yabint Yennu tumin nan mɔɔntii nba na, a n mɔn tur booru nba tuu fiar u niib bona na a,

Nikant 18:12

“N teenii sinsinn jeŋant nba kur ki Israel teeb tuu saa baar nann binn kur ni ki teenin, ki li tuu sii tee i yar, li olif tiinii kpan nan tilɔɔna daan, nan jeet.

Rom Teeb 11:16

Li-i tee ki sinsinn boroboro na tee Yennu yarie, linba biar na mun bia tee u yare. Li-i tee ki tiik jiina tee Yennu yarie, li yiinii na mun bia tee u yare.

Rom Teeb 16:5

N bia foont Yiisaweira nba lakii ki jiantir Yennu bi ŋaak ni na. N foont n yɔŋaŋ Epanetus, wunba din tee Asia yent ni sinsinn nirɔ nba teen Masiaweirɔ na.

Efesus teeb 1:4

Yennu nba poŋ daa din ki nan tingbouŋ yoo nba naewa, ki u gannit a tii tee u niib, Yiisa Masia paak, kii tee popeendamm ki daa mɔk biit u boori.

Sennu 14:2

kimaan yimme tee i Yomdaanɔ Yennu niburchimm nba ki u gann, a yii tee u mɔŋ niib ki gar niib nba kur be tingbouŋ na ni.

Sennu 26:19

U saa te ki yin teen digbanjaann ki gar binba kur ki u namm. Ki i saa tur u sann dontir nan baakir, kii tee u tiɔŋ niib nan waa senn na.”

Sennu 7:6

kimaan i tee kasii damme ki tur i Yomdaanɔ Yennu. Ŋɔɔe ganni durinya nibooru kur ni, a yii tee u niib nba be i kɔɔ, ki gar sɔɔ kur tingbouŋ na ni.

Jeems 1:18

U mɔŋ loommo ki u teent u waas, u maan nba tee barmɔnii na paak, a tii chee u bonninnant kura.

1 Piita 2:9

Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.

Fiitu 14:4

Ŋamme tee jab nba dia bi mɔŋ fanu ki ki kɔɔn poobi, ki ki mi dɔɔ nan poo gbaa; ŋamme bia waa Pegann na ki saa siaminba kur ki u saa; ŋamme tee binba ki Yennu gannib nisaarii sinsuuk ni, a bin teen sinsinn niib nba ki ŋɔɔ Yennu nan Pegann na gaarib.