Jeremaya 2:25 - Yennu Gbouŋ Mɔɔr

²⁵ Israel digbann, a daa chat a taa, koo ki koot a kunkɔr nan boorganii yenbis weiu. Ŋaan a tuu yet a, ‘Aaii, n kan ŋmat poor. N loon boorganii yenbis nae ki sii waab.’ ”

Jeremaya 2:25 Iomraidhean Croise

2 Barkperii 28:22

Yoo nba ki kpanbar Ahas daamii din pukin na, ŋaan u lek din ŋamii tuun biite ki teen Yennu.

2 Barkperii 28:23

U din mann maruŋ ki tur Siria tingbana nba din nyannɔ na, ki u yet a, “Siria teeb tingbana nba sommit Siria kpanbara na, mi-i munii mann maruŋ ki turibi, bi saa sommima,” ŋaan linba nae din sikin ŋɔɔ nan Israel teeb tiŋ ni.

Aisaya 2:6

Yennu, a nyɔr nyik a niib nba tee Jakɔb yaaboonawa. Tiŋ na gbee nan nyɔkii toona nba nyii yondo po nan Filistia yent nie. Niib na waa binba ki waa Yennu na kaare.

Aisaya 57:10

I bakint i mɔŋ ki lin kpaan tingbanlia, ŋaan ki ki laatib. I dukii nan i tingbanyana nae teeni paŋ, ki i ki baŋiti.

Jeremaya 13:21

A saa pak a bee, li-i tee ki niib nba ki a dukii a bi tee a yɔɔsnba na tan kɔn nyanna, ki dia-ani? Li sii yiara nan poo nba tuu yaa wun mar nae.

Jeremaya 13:22

Li-i tee ki a boi linba paak ki na kur tun ki tura, ki bi muka ki liat a tiati, li tee a toonbiit nba yabit paak nii nae.

Jeremaya 14:10

Ki Yennu pak ki jiin niib na po a, “Bi lon n boor ni yaatu bonchiann, ki bia ki fit dia bi mɔŋi. Li paak, n par ki mei bi paaki. N saa tiar biit nba ki bi tun na, ki dat bi tubawa.”

Jeremaya 18:12

Ŋaan bi saa jiin a, ‘Aaii. Bee ki ti saa lebit ti binbeŋi? Ti sii yɔɔ tee tubkangbata nan biit damm, taa loon biaŋinbae.’ ”

Jeremaya 2:31

Israel teeb, gbiintir linba ki n piak na. N tee nan kunkoouk nae ki turini-i? N bɔne ki tee nan ninbɔŋ tiŋ na-a? Bee ki i piak a i sii tuun yaa loon linbae, ki kan ban jen n boori?

Jeremaya 22:20

Yimm Jerusalem teeb, saant Lebanonn tiŋ ni ki saa hoot. Ii saa Basann tiŋ ni ki saa bui. Ii be Moab kunkonfɔkit paak, ŋaan kii hoot, kimaan bi nyann i jab kura.

Jeremaya 22:21

Yennu pak nani yoo nba ki i mɔkitir nae, ŋaan ki i yêt gbiintu. I tuun nnae i manfoor kur ni, i ki ban sak Yennu mɔbi.

Jeremaya 3:13

Fin n sak nan a mɔk biit, ki sak nan a yêt a Yomdaanɔ Yennu mɔba. Fiitir a biit nan timaatik kur nyakir a jii a lomm ki tur boorganii yenniiwa, ki ki sak n mɔbi. Min Yennu-e pak na.

Jeremaya 44:17

Ti saa tun linba kur ki ti pak nan ti saa tume. Ti saa mann ti tingbann nba tee Sanpaapo Poobat nae, ki mɔɔn daan yenpiinii ki turɔ, nan timm nan ti yeejamm, nan ti kpanbar, nan ti tɔɔndamm nba tuu tuun, Juda doi ni nan Jerusalem sɔnii ni na. Li yoo ti din mɔk jeet bonchiann, ki mɔkit, ki siar ki daamiit.

Fabinii 1:2

U tuu bui nyɔtunmunn, ki ninnyuut lɔ siik u kpianii ni, ki u yɔkperii na kur, sɔɔ ki biar ki saa maan u pari. Ki u tɔknanleeb na kur gbii u paak, ki ji tee u datai.

Fabinii 4:4

Ki bi te bi sanpantii kpenn kon nan nyunnyukuru; ki bi waas na mei jeet, ŋaan ki sɔɔ ki teemm.

Esekiel 20:32

Bi dukii nan bi sii fit be nan digbanlia nba be biaŋinba, ki jiantir pata nba ki bi jii daat nan tana ki nann na, ŋaan ŋann kan ban teeni.

Hosea 2:3

Li-i tee ki u ki nyik, n saa yokitɔe, ki wuu be payann, nan daar nba ki bi din marɔ na. N saa te ki u tee nan tinkooŋ nba ki naan jeet nae, ki te wun kpo nyunnyukuru.

Malakai 3:14

I yet a, ‘Yenweiu ki mɔk nyɔɔti. Nyɔlante ki ti saa la, li-i tee ki ti tuun waa wann linba, koo li-i tee ki ti yiab a tin wann Yabint Yennu nan ti mɔk biit nan taa tun linba.

Barŋanii nba ki LUK din sɔb nae na 15:22

Ŋaan ki u baa yet u daaba na a, ‘Teent yiama ki jii taŋant, nan baŋ, nan taasaat, ki lannɔ, ki bia pirimɔ baŋ nan taasaat na,

Barŋanii nba ki LUK din sɔb nae na 16:24

Ŋanne ki mɔkitɔɔ na yiin sanpaapo a, ‘Chanbaa Abraham, tinimin ninbaauk, ki tun Lasarus ki wun pak u niibir nyun, ki tan teen n jerinn paak ki lin maak, kimaan n di biake muu ni na.’

Rom Teeb 8:24

Ti dindanne te ki ti la tinnu. Tɔn, nirɔ-i la linba ki u bo mɔk dindann li paak na, ŋann ŋarin, li ji ki tee dindanni. Ki ŋmee ji sii mɔk dindann linba ki u poŋ lar paaki?

Sennu 28:48

Li paak, i saa tun tur i datai nba ki Yennu jikiti ki teemm nae. Ki i saa kɔŋ bont kur; kon saa soori, ki nyunnyukuru sii mɔki, ki i bia saa somm yann ki kan yoo siari. Yennu saa te ki bi diini nan yaa tan saa boont.

Sennu 32:16

Ki bi yenbis jiantu na kɔɔn Yennu funfunn, ki toonbiit nba ki bi tun na donn u wutoor.