Jeremaya 2:23 - Yennu Gbouŋ Mɔɔr

²³ A saa teen nlee ki yet nan a ki biir a mɔŋi, ki bia ki jiant tingbann nba tee Baal na? Gotir faa tun biit biaŋinba baauk na ni. Gotir faa tun linba. A tee nan muuk ni laagumii nba ki u poor sooru yoo-i baar, ki u lin tiin yann,

Jeremaya 2:23 Iomraidhean Croise

Estaa 8:16

Juu teeb na din la tinnu ki mɔk kpinkpammuk, ki parpeenn be, ki bi mi nan bi la nyannuwa.

Yaŋ 36:2

kimaan u dont u mɔŋe, ki dukii nan Yennu kan bann u yanbɔmm ki biirɔ.

Yaŋ 50:21

I tun linba na kurawa, ŋaan n ki yet siari, ki i ji dukin nan n mun tee nan yimm nae. Mɔtana, n saa yakii naniwa, ki kat wanni, i numm ni.

Barjokit 28:13

Fi-i yiab a fan dɔkin a biit, a kan ban la nyannu. Katir a biit, ki nyik li tumu, ki Yennu n tina ninbaauk.

Barjokit 30:12

Nisiab dukii a ŋamme tee kasii, ŋaan ŋamme mantik mɔk biit.

Barjokit 30:20

Tɔn, poochonchonn marimae na: Wuu dɔɔ nan jaganɔ ki gbenn, u ji tuu wure, ŋaan yet a, “A la ki n tun siara kpetiri-i?”

Jeremaya 14:10

Ki Yennu pak ki jiin niib na po a, “Bi lon n boor ni yaatu bonchiann, ki bia ki fit dia bi mɔŋi. Li paak, n par ki mei bi paaki. N saa tiar biit nba ki bi tun na, ki dat bi tubawa.”

Jeremaya 16:10

“Fi-i pakib linba na kur, bi saa boia linba paak ki n lor man dinnib biak na. Bi saa boia, a bi biir bee, koo bi tun bonbilanne ki tur bi Yomdaanɔ Yennu.

Jeremaya 2:36

I teen i mɔŋ dafur nan yaa jii i mɔŋ ki tur digbangana yennii nawa. Ijipt saa dinni fei nan Asiria nba din dinni fei nae.

Jeremaya 3:2

Gotir kunkona paak. Li ki mɔk siaminba ki a ki tun nan bonchonchonn na. A kar sɔnjokpinii ki guu a yɔɔsnba, nan Arab jɔɔ nba tuu kar sɔnjokpiŋ ki guu sɔngata kunkoouk paak, a wun fat bi bona na. A biir tiŋ na nan a bonchonchonsin nawa.

Jeremaya 31:22

I saa taantir nlee, yimm yadkanpɔɔna damm na? N nan bonpaann nba be li kɔɔe, ki li be li kɔɔ nan poo nba tuu tekir jɔɔ na.”

Jeremaya 7:31

Bi maa maruŋ binbintir nba ki bi yir Tofef nae, Hinom baauk ni, a bii dia bi bonjai nan bi bonpoi kii mann mujoonu marint leŋ. N ki wannib a bin tun linba na. N poŋ ki dukin nna.

Jeremaya 9:14

Ŋaan bi teen tubkangbatae, ki jiantir tingbann Baal, nan bi baanba nba din wannib biaŋinba na.

Hosea 1:2

Yennu nba din te ki Hosea sint pak nan Israel teeb na, u din yet Hosea a, “Kɔɔnt poo; ki a poo maŋ sii tee poochonchonn, ki u saa mar waas, kimaan tiŋ na niib tee nan poochonchonn nae, ki yêt min Yennu mɔb, ŋaan jiantir tingbana.”

Barŋanii nba ki LUK din sɔb nae na 10:29

Ŋaan ki sennu wanntɔɔ na lek loon wun wann nan u ki mɔk biit ki jiin sennu na po, ki boi Yiisa a “Tɔn, ki ŋmee tee n lɔɔ?”

Rom Teeb 3:19

Tɔn, ti mi nan Yennu sennu-i yet linba, li yeen ki teen binba be li yiikoo nie, li paake ki niib kur sii muu bi mɔi, ki tingbouŋ na teeb kur be Yennu buut ni, ki u tɔɔnn, sɔɔ kaa ki mɔk mɔnii.