Jeremaya 2:21 - Yennu Gbouŋ Mɔɔr

²¹ N burae, ki a tee nan daan tiik nba ŋan, ki nyii bin nba ŋan ni na, ŋaan gotir faa ji tan tee biaŋinba na. A ji tee daan tiik nba loon lɔɔnbiite.

Jeremaya 2:21 Iomraidhean Croise

Pinpiik 18:19

N gannɔ a wun pak u waas nan u yaaboona, ki bin sak n mɔb, ki bia tun linba ŋan ki took. Bi-i tun nna, n saa tun linba kur ki n senn mɔsonn nan n saa tun ki turɔ na.”

Pinpiik 32:28

Ki jɔɔ na yetɔ a, “A sann ji kii tee Jakɔb kaa, ŋaan a sann ji sii tee Israel-e, kimaan a gbaa nan Yennu, ki bia gbaa nan nisaarii ki nyanna.”

Yaŋ 44:2

A din ber nyinn binba ki jiantira na bi tiŋ ni, ki dat bi tuba, ŋaan kaan a niib leŋ, ki te ki bi mɔkit.

Yaŋ 80:8

A nyii nan tiik nyakir Ijipt tiŋ nie, ki ber digbanlia, ki nyinnib, ŋaan bur nyakir maŋ bi tiŋ ni.

Yaŋ 80:9

A din poŋ ŋamm yiare leŋ ki burir, ki te ki li kpaat, ki li jiina mii sik, ki lat ki gbenn tiŋ na kur po.

Nyinu 15:17

A baar namme ki tan maamm a kunkonn paak, siaminba ki fin Yennu gann ki li tee a doo na, jiantu ŋasaakak nba ki a tiɔŋ maa na boor.

Aisaya 1:21

Digbann nba tuu tee digbanŋann nae ji tuun toonbiit na. Sianyoo li din gbee nan niŋamme, ŋaan mɔtana nikpiirite ji be leŋ.

Aisaya 27:2

Li daar, Yennu saa pak jiin u kpaŋamm na po a,

Aisaya 41:8

“Ŋaan yimm Israel teebe tee n toontunna, ki tee niib nba ki n gann, kii tee n yɔɔk Abraham yaaboona.

Aisaya 5:4

Siar biar ki n ki tun kpaab na niŋi-i? Bee teen ki li yêt lɔɔnŋana nba ki n bo daan na lonuwa, ŋaan lon lɔɔnmiita?

Aisaya 60:21

A niib kur sii tuun linba ŋan, ki saa yent tiŋ na yaayoo siiyoo. Mine namm ki kaamm a man fiit n yabint ki wann sɔɔ kur.

Aisaya 61:3

ki tur binba mɔ Sayɔnn na parpeenn nan kpinkpammuk, ki li kii tee parbiir kaa, a bin nyik parbiir, ŋaan kii yiin dontir yanii. Bi sii tee nan tiinii nba ki Yennu tiɔŋ burir nae, ki bi kur sii tuun linba took. Ki Yennu saa la dontir, waa tun linba paak.

Jeremaya 11:16

N tuu yib kpan tiinii nba mɔk faate, ki gbee nan lɔɔnŋana, ŋaan fuut nba tee nan satianii na niŋe ki n saa joo li tituut muu, ki gbat li yiinii.

Jeremaya 11:17

“Min Yabint Yennu-e bur Israel nan Juda, ŋaan mɔtana n dia biake ki kpaanib. Ŋamme baar nan linba na bi mɔŋ paak, kimaan baa tun biit na. Bi donn n wutoore nan baa mann maruŋ ki tur tingbann Baal na.”

Jeremaya 5:10

Saant bi daan tiinii kpaant ni ki biirib, ŋaan i daa biirib chainchain. Ii chɔɔ yiinii maŋ, kimaan bi ki tee min Yennu yab kaa.

Fabinii 4:1

Ti salinnyinyira na ji biire; ki Yenjiantu ŋasaakak na tana yat ki dɔɔ sɔnjot ni.

Esekiel 15:2

“Nisaarik, li-i tee ki bi pɔɔr daan tiik lɔɔna ki gbenni, bee tuu teen tiik na? Li ki tee nan tilia nba be muuk ni na,

Matiu 21:33

Ki Yiisa bia betib a “Gbiintir man barjouk leer. Ŋaadaansɔɔ nnae din be ki koo tilontii kpaab, ki chaan gungouŋ ki lintir, ki bia gbiir gbiouk nba ki bi tuu sii ŋmakii tiinii maŋ lɔɔna nyun leŋ, ki maa difoouk a wuu guu tiinii na; ki jii kpaab na ki teen toontunna nii ni a bii gorii. A li-i taŋi jaŋ nan pɔɔru, bin pɔɔr ki turɔ, ŋaan mun pɔɔr bi yar. Li poorpo ki u yaat saan digbansiar.

Barŋanii nba ki MAK din sɔb nae na 12:1

Li yoo ki Yiisa yimm barjouk a “Jasɔɔ din koo tilontii kpaab, ki chaan gungouŋ lintir, ki gbiir gbiouk nba ki bi tuu sii ŋmakii tiinii maŋ lɔɔna nyun leŋ; ki bia maa difoouk a wuu guu tiinii na; ki jii kpaab na ki teen toontunna nii ni a bii gorii. Li-i taŋi jaŋ nan pɔɔru, bin pɔɔr ki turɔ, ŋaan mun pɔɔr bi yar. Li poorpoe, ki u din yaat saan digbansiar.

Barŋanii nba ki LUK din sɔb nae na 20:9

Li yoo na ki Yiisa yin niib na barjouk a, “Jasɔɔ din koo tilontii kpaab, ki jii kpaab na ki teen toontunna nii ni a bii gorii, ki tan yaat saan siar po ki saa yukir.

Jɔɔnn 15:1

Yiisa din yet a, “Mine tee tilontik nan mɔnii, ki n Baa Yennu tee li ŋammtɔɔ;

Sennu 32:32

Ki bi datai na tuun ki biir nan Sodom nan Gomora teeb na, ki tee nan tilontii nba tuu lon lɔɔna ki li ton ki tee lɔbii na,

Sennu 4:37

Kimaan waa loon i yeejamm na paak ki u ganni, ki jii u panchiɔŋ ki nyinni Ijipt tiŋ ni.

Joosua 24:31

Joosua nba daa din be u manfoor ni, Israel teeb na din tuu jiantir Yennu-e. Waa bia din tan kpo ŋaan saakab biar ki tee binba din la linba kur Yennu tun ki tur ŋamm Israel teeb na, Israel teeb maŋ bia din tukin ki jiantir Yennu-e.