Jeremaya 2:2 - Yennu Gbouŋ Mɔɔr

² a man mɔɔnt maan na ki tur sɔɔ kur nba be Jerusalem a, “N tian yaa din waan fanu biaŋinba, yoo nba ki i din tee nipaauŋ na, yoo nba ki i din sint jii i mɔŋ ki turin na. I din wei n poor ki gar kunkoouk paak, tiŋ nba ki bi ki ban bur siar na ni.

Jeremaya 2:2 Iomraidhean Croise

Yaŋ 129:1

Israel tiŋ, wantit a datai nba biira biaŋinba, laa nyii a bisin niwa.

Nyinu 14:31

Israel teeb na nba la nan Yennu jii u panchiɔŋ nae ki nyann Ijipt teeb na, ki bi tin Yennu jaŋmaanii, ki ji teen ŋɔɔ Yennu nan u toontunnɔ Moses yada.

Nyinu 16:8

Yennu-e saa turi nant daajoouk ki yin ŋman, ki bia turi boroboro sanyiɔk ni, yaa loon biaŋinba, kimaan u gbat yaa nyiirɔ biaŋinbawa. I-i nyiirit yoo nba, i ki nyiir timm kaa, ŋaan i nyiir Yennu-e.”

Barjokit 1:20

Gbiintir man, yanfoon be sɔnjot nan dai ni, ki yi,

Yankpaŋii 3:11

Sayɔnn poob, baat ki tan barii kpanbar Solomonn. U yir naan fokirik nba ki u naa din yirimɔ, u pookɔɔnt daar nae, ki li tee u parpeenn nan kpinkpammuk daar na.

Yankpaŋii 3:6

Wunba nyii kunkoouk po ki tee nan munyutootir, ki puk tulaarii nan bonnunubit nba tee mir, ki tee tulaarii nba kur ki kpinkpenta kɔi na tee ŋmee?

Aisaya 58:1

Ki Yennu yet a, “Ii hoot nan paŋ. Pakin n niib Israel teeb bi biit po.

Jeremaya 11:6

Ŋanne ki Yennu pakin a, “Saant Juda doi ni, nan Jerusalem sɔnjot ni. A mɔɔnt n maan leŋ, ki pak niib na ki bin gbiint mɔlor na mɔmaan ki sakir.

Jeremaya 19:2

ki saan gar nyi Sipiar Tammɔb na ni, ki saan Hinom baauk na ni. Leŋe ki n saa mɔɔnt maan nba ki u saa turin na.

Jeremaya 2:1

Ki Yennu yetin

Jeremaya 2:6

Bi din ki gbiin n po, ŋaan mine din nyinnib Ijipt, ki somm namm kunkoouk paak, siaminba tee tinkokirik nan tanbiiuŋ nan bootit, ki tee tinkooŋ nan daŋ tiŋ nba ki sɔɔ ki kaar leŋ, ki sɔɔ bia ki somm leŋ na,

Jeremaya 3:4

“Ki mɔtana ki a piakin, a mine tee a baa, ki loona yoo nba ki a bo tee bik nawa,

Esekiel 16:22

Yoo nba ki a be ki tuun bonchonchonn toonn na, a ki ban tiar a bisin niŋ nba din tee, ki li tee yoo nba ki a din be yann ki birin matsɔn ni na.”

Esekiel 16:60

Ŋaan min ŋarin tian mɔlor nba ki n lor nana, yoo nba ki a din tee sapaamɔ nawa, li paak, n saa tura mɔsonn nba kan ban biir.

Esekiel 16:8

“Maa bia ŋamm gar a boor yoo nba, ki n la nan a jaŋ jakunta, ki n jii n chinchenn ki dɔkin a payann na, ki sat mɔb nan n saa kɔɔna. Barmɔnii, ki n lor pookɔɔnt mɔlor nana, ki a teen n yɔɔ. Linba nae ki Yabint Yennu yet.

Esekiel 23:19

Oholiba din ki nyik nna, ŋaan ŋamii ki tuun bonchonchonsin nan biaŋinba ki u din be Ijipt ki tuun na,

Esekiel 23:3

ki bi din kpant bonchonchona.

Esekiel 23:8

Waa din piin ki tuun bonchonchontoona Ijipt na, u ji din ki nyiki. Jab din dɔɔ nanɔ, ki u mɔk niɔŋ nan jab-ii ŋamii kii dɔɔ nanɔ.

Hosea 11:1

Yennu ŋamm yet a, “Yoo nba ki Israel din tee bik na, n din loonɔ, ki dat nyinnɔ Ijipt, ki u tee n bija.

Hosea 2:15

Ki n saa jiin kpaant nba tee u yar na ki turɔ, ki te Wahala Baauk na-ii tee dindann tammɔb. Leŋe ki u saa turin u yan, nan waa din be bisin ni biaŋinba na, yoo nba ki u din nyii Ijipt na.”

Hosea 2:17

N saa nyinn Baal sann u mɔb ni. Ki u ji kan ban yiin sann na ki boi sommir po.

Hosea 2:7

Ki u saa wei ber u yɔɔsnba ŋaan kan baarib, ki u saa lin kpaanib ŋaan kan lab, ki ji yet a, “N saa ŋmat n sinsinn jɔɔ boore. Maa tuu be leŋ na sɔ maa be mɔtana na.”

Hosea 8:1

Yennu yet a, “Pebin naatunn na, kimaan dataie tut siik n tiŋ na paak, nan baakaa na. N niib na biir mɔlor nba ki n lor namm na, ki bia yêt n wannu na dianuwa.

Hosea 9:10

Yennu ŋamm yet a, “Maa sint la yimm Israel teeb yoo nba, li din tee nan faa saa la tilɔɔnmana kunkoouk paak biaŋinba nae. Ki maa sint la i yeejamm, li din tee nan faa saa la kinkaŋ lɔɔnn nba mɔnn sinsinn nae. Ŋaan yaa din tan baar Peor kunkonn boor yoo nba, ki i piin jiantir tingbann Baal, ki li taabaak ni, ki i biir gar tingbann nba ki i jiantir na.

Jona 1:2

U din yetɔ a, “Saant digbangbeŋir nba ki bi yi Ninefe na, ki saa wannib bi biit. N mi bi yanbɔmm po.”

Matiu 11:15

Wunba mɔk tuba, wun gbiint.”

Barŋanii nba ki LUK din sɔb nae na 12:13

Li yoo maŋ ki jasɔɔ be nibur na ni ki yet Yiisa a “Wanntɔɔ, betir n yɔɔrɔ na ki wun bɔkit ti baa faar ki turin.”

Sennu 2:7

“Tiat nan i Yomdaanɔ Yennu teen piisin linba kur ki i tuun paak, ki goti fanu, yoo nba ki i lintir kunkoouk nba yab paak na. U din be-e nani bina piinna, ki i laat linba kur ki i loon.

Sennu 33:3

Yennu loon u niib, ki guu binba tee u yab, ki ti gbaant u tɔɔnn ki saak u sennu.

Sennu 8:2

Tiat biaŋinba ki i Yomdaanɔ Yennu ŋmakiti sɔnfoouk nba ki i tɔkin bina piinna nba gar, kunkoouk paak na, ki baar nan wahala ki bikini, ki loon lin fiit i para, ki wun bann yaa saa sak ki dia u sennu na koo yaa kan dia.

Jeems 4:4

I nyik Yennu-wa, ki waa bonliae. Li-i tee ki i tee tingbouŋ na yɔɔsnbaie, i tee Yennu dataie. I ki mi nna-a? Wunba loon wuu tee tingbouŋ na yɔɔk, li yɔɔ teen u mɔŋ Yennu dataake.

Fiitu 2:4

Ŋaan i biit tee nnae: i ji ki loonin nan yaa din sint loonin biaŋinba na.