Jeremaya 17:16 - Yennu Gbouŋ Mɔɔr

¹⁶ Ŋaan Yennu, n ki yet maa a baar nan biak bi paak, n ki ban sun ki daamii n baaribi. Yennu, a mi linba na, a mi maa pak linba.

Jeremaya 17:16 Iomraidhean Croise

Jeremaya 12:3

Ŋaan Yennu, a min, ki laat maa tuun linba nan maa loona biaŋinba. Berin niib na, ki bin tut saan nan pei na ki bin kpib. Ii guub nan yoo nba tan saa jaŋ nan bin kpib.

Jeremaya 13:17

Li-i tee ki i kan gbiint, n saa bɔr buiwa, kimaan i yuwannu paak. N saa bui bonchiann, ki n ninnyuut tan sii puube, kimaan baa yaat nan Yennu niib ki teemm yommii na paak.

Jeremaya 15:15

Ŋanne ki n pak a, “Yennu, a mɔk bannu. Tiat n po ki sommin. Datir binba tun bonbiir ki turin na tuba. Daa mantik mɔk sukuru namm, ki bi saa la yaak ki kpin. Tiat nan a paake ki bi sukiin.

Jeremaya 18:20

Biite tee ŋamm nyɔɔti-i? Ŋaan bi gbiir bootuko a man baa leŋ. Tiat biaŋinba ki n baar a boor ki pak sommib, nan a daa diab nan wutoori.

Jeremaya 20:7

Yennu, a kpannime, ki n set be kpinkpannii ni. A mɔk paŋ ki garin, ki nyannin. Sɔɔ kur piak maame ki jiint n po, ki bi laan yontunmuna.

Jeremaya 20:9

Ŋaan li-i tee ki n yet a, “See ki n nyik Yennu ki ji kan ban pak u sann ni,” li yoo a maan na tuu tee nan muu nae ki di n par ni. N tuu yabire maa mii diar n par ni, ŋaan n ki fit diari.

Jeremaya 9:1

N sunman ki n yur bo tee bunbunne, ki n ninbina tee ninnyuut nyuntonn, ki man bo bui n niib nba ki bi kpiib na paak, yonnu nan nyiɔk.

Amos 5:10

Ŋɔɔ Yennu yet a, “Yimm niib na, i ki loon daanɔ nba loon barmɔnii buut ni ki tee barmɔnpakirɔ na.

Toona 20:20

Ki i bia mi nan maa din mɔɔntir Yennu maan, ki wanti niib ni nan i ŋei ni na. N din paki linba kur saa sommi, ki ki nyiki, ki bia ki tenn siari,

Toona 20:27

kimaan n ki mi fɔrint nan man mɔɔnt Yennu maan maŋ kur ki wannini.

2 Korint teeb 1:12

Linba te ki ti mɔk yuugontir na tee nnae: ti dudukite wantit nan ti mɔk barmɔnpaku nan yentinu, tingbouŋ na niib boor, mantik taa daa be nani ki timm nan yimm tee weinanleeb na; Yennu sommir paake te ki ti be nna maŋ, li ki tee nisaarii yan paak kaa.

2 Korint teeb 2:17

Tɔn, ti ki tee nan binba dia Yennu mɔmaan maŋ ki li tee kpinkpouŋ ki turib na kaa, ŋaan ti piak barmɔniie, kimaan ŋɔɔ Yennu-e tunt; li paak ki ti be u tɔɔnn, ki mɔɔntir u mɔmaan Yiisa yiikoo ni.

Jeems 1:19

N naa waas, n loon yin bann linba nae; ii gbiintir yian yian ŋaan kii mi biaŋinba ki i piak, ki bia daa dont wutoor yian yian,

Jeems 3:1

N naa waas, i bonchiann daa loon yin teen Yennu maan wannteebi, kimaan i poŋ mi nan binba tee wannteeb na, bi buut tan sii paar ki gar binba ki tee wannteeb.