Jeremaya 17:13 - Yennu Gbouŋ Mɔɔr

¹³ Yennu, fine tee Israel teeb dindann, binba yêta na kur saa di feiwa. Bi saa bot nan baa tuu sɔb sana tanbiinii ni nae, kimaan bi yêt fin Yennu nba tee bunbunn nba teen nyunŋanin nawa.

Jeremaya 17:13 Iomraidhean Croise

Yaŋ 22:4

Ti yeejamm din teen fine yada. Bi din teena yada, ki a tinnib.

Yaŋ 69:29

N be nan gbanantont nan ninbaatire; Yennu, ŋaant ki a tinnu na-ii guun.

Yaŋ 71:5

Yabint Yennu, a nie ki n mɔk dindann, ki teena yada, laa nyii n bisin niŋa.

Yaŋ 73:27

Niib nba nyik Yennu na saa kpakin yanne, u saa biir binba ki be fanu nanɔ nawa.

Yaŋ 97:7

Patmanntɔɔ kur tuu di feie; yenbis kur n gbaan ki jiant Yennu.

Barjokit 10:7

Bi saa tiar toonŋana damm po, ki li tee piisime, ŋaan li kan yukir ki bi saa tamm toonbiit damm na po.

Barjokit 14:14

Nibiit na saa la linba jaŋ namme; niŋamm saa la bi toona paauk.

Aisaya 1:28

Ŋaan u saa biir wunba kur tuun toonbiit ki yêen u mɔb, ki saa kpi wunba kur yêtɔ.

Aisaya 66:5

Gbiintir linba ki Yennu piak, yimm nba tiinɔ ki bia saak u mɔb na a: “Yaa saak n mɔb na paak, ki i nisiab nami, ki ki mɔk siara lor nani. Bi laai ki yeen a, ‘Ŋaant ki Yennu n wann u paŋ ki tinni, ki tin la kii kpamm,’ ŋaan bi mɔŋe saa di fei.

Jeremaya 14:8

Israel teeb yada kur gaa a paake, fine nyinnit biak ni. Bee ki a tee nan saamɔ na ti tiŋ ni? Bee ki a tee nan sinsommtɔɔ nba tuu dɔɔr nyɔyemmir na?

Jeremaya 17:17

A daa te ki n tiin jaŋmaanii, kimaan daamii-i baar, n tuu gur a boore.

Jeremaya 17:18

Yennu, baat nan fei binba mukisin na paak, ŋaan te ki n daa di fei. Gbeentib nan jaŋmaanchiɔŋ, ŋaan daa te ki n tiin jaŋmaanii. Baat nan biak bi paak, ki but butib.

Jeremaya 17:5

Ki Yennu yet a, “N saa biir daansɔɔ nba ŋmant u poor ki turin, ŋaan maa nirɔ paak, ki u yada be nisaarik paŋ ni na.

Jeremaya 19:4

N yaa man tun nae, kimaan niib na nyɔr nyikime, ki kɔɔn nna jakint nan baa mann maruŋ nna ki teen tingbana nba ki ŋamm koo bi yeejamm, koo Juda kpanbara din ki mi siar jiin bi po na. Bi gbeen nna nan nikaat sɔme,

Jeremaya 2:13

kimaan n niib tun biit booru munlee-e; bi ŋmant bi poor ki tur min nba teen nyunŋanin na, ŋaan gbiir gbiit nba tee bonyiant, ki nyun kan fit be leŋ.

Jeremaya 2:17

Israel digbann, fine baar nan linba na a mɔŋ paak. A yêt min a Yomdaanɔ Yennu-e, yoo nba ki n tɔk nana sɔnu maŋ ni na.

Jeremaya 50:7

Wunba lab kur tuu lekibe, ki bi datai yeen a, ‘Bi tun ki biir Yennu-e. Li paak, taa teemm linba na ki bi. Bi yeejamm din teen Yennu-e yada, ki bi mun bo sii waau nnae.’

Esekiel 13:9

N yaa man ŋmant sɔkiniinba maŋ paake, ki kan te bin ji pukin n niib po. N ji kan ban sak ki bin yiin bi mɔŋ Israel teebi, koo ki ŋmaa bi taar Israel tiŋ ni. Ki li saa te bin bann nan mine tee Yabint Yennu.

Esekiel 16:63

N saa nyik chaba a biit, ŋaan a saa dukin a yanbɔmm po, ki fei saa di-a, ki a kan fit yet mɔbonni.” Min Yabint Yennu-e paak na.

Esekiel 36:32

Israel teeb, n loon yin bann nan n ki tuun linba na kur i paak kaa. N loon ki yin bann ki bia di fei nan linba ki i tuun na paake. Min Yabint Yennu-e pak na.”

Daniel 12:2

Ki bi bonchiann nba dɔŋ kpo na saa fiir kuun ni. Bi siab saa la manfoor nba kaa gbennu, ki bi siab mun tan saa di fei nba kaa gbennu.

Joel 3:16

Yennu kunkɔr saa nyi Sayɔnn kunkonn paak; ki u kunkɔr n tant ki nyi Jerusalem po; ki tingbouŋ nan sanpaak n jek, ŋaan Yennu saa kɔn u niib paaka.

Sekaria 13:1

Yabint Yennu yet a, “Li yoo-i baar, nyuntonn tan saa put, ki wuur binba tee Defid yaaboona, nan Jerusalem teeb, ki bin nyi bi patjiantu, nan bi yanbɔnlia ni.

Sekaria 9:12

Jenin man, yimm yommii nba ki mɔk dindann na, ŋmatir kun i doi ni, siaminba ki fat-n-mɔŋ be na, n beerie, n saa pa piisin ki jiini, ki lin gar biak nba ki i dii na taar munlee.

Barŋanii nba ki LUK din sɔb nae na 10:20

Ŋaan i daa mɔk parpeenn nan narinbiit nba saak i mɔi na kuukɔɔ paak kaa, ŋaan kii biaki mɔk parpeenn nan baa poŋ sɔb i sana Yendɔuŋ ni na.”

Jɔɔnn 4:10

Ki Yiisa jiinɔ a, “Li-i tee ki a bo mi bakitnauŋ piinii nba ki Yennu loon wun pia na, ki bia mi maa tee wunba ki meia nyun na, a bo saa boin a n tura manfoor nyun, ki n set bo saa turawa.”

Jɔɔnn 4:14

ŋaan mi-i tur wunba n nyun na ki u nyuu, nyunnyukuru kan mi soorɔ, kimaan mi-i tur wunba n nyun na, li sii bunii manfoor nyume u ni, ki bia turɔ manfoor nba kaa gbennu.”

Toona 28:20

“Li paake ki n yiini maa n tan lai ki beti labaar na. Maa mɔɔntir Yennu Niganntɔɔ, wunba ki Juu teeb mɔk dindann u po na, ŋanne te ki bi baanin jarit na.”

1 Timoti 1:1

Min Pɔɔl tee Yiisa Masia toomiie, kimaan ti Tinntɔɔ Yennu nan Yiisa Masia, binba tee ti dindann nae turin li yiikoo;

Fiitu 20:15

Ki wunba sann din ki sɔb binba mɔk manfopaann na gbouŋ na ni, bi saa lu-u bootsunsuŋ nba ki muu gbee leŋ na nie.

Fiitu 21:6

Ki u bia yetin a “Li poŋ tuma. N tee Alfa nan Omega-e; li paak tee piinu nan joontu. Binba ki nyunnyukuru mɔkib na, n saa pib manfoor nyun nba bunii ki nyi nyuntona ni na, ki bin nyu.

Fiitu 22:1

Li yoo ki malaka na wannin mɔkir nba mɔk manfoor nyun na, ki li nyi Yennu nan Pegann na naangbouŋ na ni, ki yeen nan mianu na,

Fiitu 22:17

Tɔn, ki Yennu Seyeeŋ nan Pegann na pooyookir na yet a “Baat.” Ki wunba gbatir n mun yet a “Baat.” Ki wunba kur ki nyunnyukuru soorɔ, wun baar; ki wunba loon nyun maŋ, wun gaar yann.

Fiitu 7:17

ki Pegann nba be naangbouŋ tɔɔnn na sii guub, ki saan namm nyunbuur nba teen manfoor na boor, ki Yennu saa fiar bi ninnyuut kur.”