Jeremaya 15:10 - Yennu Gbouŋ Mɔɔr

¹⁰ N tee jɔɔ nba be nan parbiire. Bee ki n naa din marimi? Li tee man kɔn ki bia nɔi nan sɔɔ kure, tiŋ na ni. N ki kpent likirii sɔɔ boor, ki sɔɔ mun bia ki kpent likirii n boori, ŋaan sɔɔ kur porintirin mɔporae.

Jeremaya 15:10 Iomraidhean Croise

1 Kpanbara 21:20

Ahab nba la Elaija yoo nba ki u yet a, “N dataak, a wei baarima-a?” Ki Elaija jiin a, “Nn. Fin kpan nyinn a mɔŋ ki tuun linba bi Yennu boor kɔɔe.

1 Kpanbara 22:8

Ki Ahab jiin a, “Yenɔkɔɔ biar, ŋɔɔe tee Mikaya, ki tee Imla bija, ŋaan n namɔe, kimaan u ki mi sɔkin barŋanii ki jiin n po; u yɔɔ sɔkint bonbiire ki jiin n po.” Ki Jehosafat jiin a, “A daa yeen nna.”

Yaŋ 109:28

Bi-i porintin mɔi, ŋaan a saa teen piisime n paak. Ŋaant ki man nyann binba biirin na, ki min nba tee a daabir na n la parpeenn.

Yaŋ 15:5

Wuu kpent bont ki tur nirɔ, u ki boi nyɔɔt po. U ki saak ki bi nyar u mɔb ki u piak ki biir wunba mɔk mɔnii. Wunba tuun linba na kur, u sii yɔɔ be fanue.

Yaŋ 69:4

Binba namin ki li ki mɔk paak na yab ki gar n yur paak yuta; niib bonchiann tee n datai ki namin, ki li ki mɔk paaki, ki tee binba loon ki bin biirin, ki mianin a man jiin maa ki jan linba.

Nyinu 22:25

“Li-i tee ki a kpent likirii ki tur n niib nba ki mɔk na yenɔ, a daa tee nan binba kpentir niib likirii na, ki waau a wun paan nyɔɔti.

Barjokit 26:2

Mɔpora kan fit teen daanɔ nba ki tun biit siari. Li tee nan nɔɔnii nba tuu yuuk gaar ŋaan ki jak nae.

Jeremaya 15:20

N saa teena nan kutmɔnt maar nba mɔk paŋ nae bi boor. Bi saa kɔn nana, ŋaan kan nyanna. N sii be nana, ki saa guura, ki dia-a fanu.

Liifai teeb 25:36

I daa gaan nyɔɔt linba ki i turɔ kur paaki, kii mɔk yentinu ki te ki i lɔɔ Israel nirɔ-ii be nani.

Liifai teeb 25:37

I daa te ki u pa nyɔɔt, likirii nba ki i kpentɔ na paak, ki bia daa pukii nyɔɔt, jeet nba ki i kɔiɔ na paaki.

Habakuk 1:3

Bee ki a te ki n laat wahalboorik na? A saa teen nlee ki gorii toonbiboorik na tuumii? Biiru nan kpikpiruk lintima, ki kunkɔna nan gooruk goor lokir kur po.

Matiu 24:9

“Li yoo maŋ bi tan saa soori ki dinni biak, ki kpi-i, ki booru kur tan sii nami kimaan yaa waan na paak.

Matiu 5:44

ŋaan min ŋarin beerie nan yii loon i datai man, kii yeen wunba sukii-i na a ‘Yennu piisin-ii be a paak;’ kii tuun linba ŋan kii teen binba nami; kii mei Yennu kii teen binba dinti biak na.

Barŋanii nba ki LUK din sɔb nae na 2:34

Ki Simeonn sat Yennu piisin bi paak, ŋaan bet bik na naa Meeri a, “Nnara, Yennu nyinn bik na ki sennɔ a Israel teeb bonchiann n baa yann u paak; ki leeb bonchiann mun bia tan saa tinn u paake. Ŋɔɔe tan sii tee nyinn nba ki niib bonchiann saa pak ki biir na;

Barŋanii nba ki LUK din sɔb nae na 6:22

“Niib-i nami ki bɔkitiri, ki sukii-i ki biir i sana, kimaan yaa waa min nisaarik Bik na paak, parpeenn tee i yare.

Toona 28:22

Ŋaan ti loon ki tin bann a dudukite. Ti poŋ mi nan siar kur po, niib bonchiann piak ki biir jiantu nba ki a waa na.”