Jeremaya 14:22 - Yennu Gbouŋ Mɔɔr

²² Tingbana na sɔɔ kaa ki saa fit tur saaki. Sanpaak mɔŋ kan fit te saak n baa. Ti teen ti dindann fin ti Yomdaanɔ Yennu nie, kimaan fine tuun linba na kura.

Jeremaya 14:22 Iomraidhean Croise

1 Kpanbara 17:1

Yennu sɔkinii nba sann tee Elaija, ki u nyii Tisbe, Gilead yent ni na, din pak kpanbar Ahab a, “Israel teeb Yomdaanɔ Yennu nba fo, ki n jiantirɔ na sann ni, n piaka nan marin koo saak kan baa bina ŋanlee koo ŋantaa, nan maa tan saa yet ki saak n baa.”

1 Kpanbara 17:14

Kimaan Israel teeb Yomdaanɔ Yennu yet a, ‘Yon na kan gbenn yonfaŋmaŋ na ni, koo kpan na kan gbenn kpasirik na ni kaawa, ki min Yennu n tur saaki.’ ”

1 Kpanbara 18:1

Yonkoonin na bina ŋantaa ni, ki Yennu yet Elaija a, “Saant ki wann a mɔŋ kpanbar Ahab, ki n saa tun saak.”

1 Kpanbara 8:36

faa be yendɔuŋ ni na, a gbiint bi miaru, ki nyik chab bi kpanbar yanbɔmm nan ŋamm Israel teeb yanbɔmm, ki wannib ki bii tuun linba ŋan. Li poor po ki fin Yennu n te ki saak n baa a tingbouŋ na paak, tingbouŋ nba ki a tur a niib ki li yɔɔ tee bi faar na.

JOB labaar 28:26

yoo nba ki Yennu din senn sennu ki tur saak, nan satianii nba sii tɔkii siaminba na;

JOB labaar 5:10

U te saak baa tiŋ na paak, ki bia maant kpaant nyun.

Yaŋ 130:5

N guu Yennu sommire nan n par kur, ki bia teen u maan yada.

Yaŋ 135:7

Ŋɔɔe te ki sayuŋ nyi durinya kpiŋ po ki tikii, ki te ki sanyikintii be sayuŋ ni, ki te wouŋ nyi u boor ki da.

Yaŋ 147:8

Ŋɔɔe te sanpagbant baak sanpaapo; ŋɔɔe te saak baa tingbouŋ na paak, ki te mɔɔt pia kunkona paak.

Yaŋ 25:21

N toonŋana nan n barmɔnii binbeŋ n tinnin, kimaan n dindann kur be a paake.

Yaŋ 25:3

Sɔɔ ki be ki sii mɔk dindann a paak ki tan di fei. Binba tee mɔyêtuk damm na, ŋamme saa di fei.

Yaŋ 27:14

Teent Yennu yada, cheen a par, kii wakii. Teent Yennu yada.

Aisaya 30:18

Ŋaan Yennu lek guue a wun tini ninbaauk. U teen siir a wun tini ninbaauk, kimaan u yɔɔ tuun linba tooke. Parpeenn be daansiab nba teen Yennu yada na paak.

Aisaya 30:23

Yi-i bur bonbuburit, Yennu saa te ki saak n baa, ki lin kpaat ki nan bonchiann ki yin jaan, ki i bonkobit bia sii mɔk mɔɔt ki ŋman.

Aisaya 41:29

Tingbana na kur ki mɔk nyɔɔti, bi kan fit teen siari; tingbana na tee butimme, bi kaa pansiaki.”

Jeremaya 10:12

Yennu jii u yiikooe ki nan tingbouŋ na, ki jii u subinii ki nan durinya na, ki tant sanpaak.

Jeremaya 10:13

U tur mɔbe, ki nyun nba be sanpagbouŋ liik po na fu. Ŋɔɔe te ki sanpagbant nyi siar kur po ki lakii. Ŋɔɔe te ki sanyikintii nyikintir, ki wonpaaruk nyi u boore ki da.

Jeremaya 10:15

Bi ki mɔk nyɔɔt, ki tee bin yisimme. Yennu-i baar bi paak nan wutoor yoo nba, u saa biiriba.

Jeremaya 10:3

Niib maŋ jiantu tee yanne. Tiike ki bi tuu chɔɔ ki lu fɔɔr ni, ki tikpeera n jii bi pai ki kpeerir,

Jeremaya 16:19

Yennu, fine guun ki teenin paŋ, a sommitin daamii yoo. Digbana saa nyi tingbouŋ na kpinii po ki baar a boor, ki yet a, “Ti yeejamm din ki mɔk siar ki pukin faak yennii, bi din ki mɔk siar ki pukin pata nba kaa nyɔɔt po.

Jeremaya 5:12

Bi faar faake ki paan Yennu, ki yet a, “U kan teent siari. Siara biak kan baar ti paaki. Ti kan ban la kuun, koo komi.

Jeremaya 5:24

Bi ki yeen bi mɔŋ a, ‘Ŋaant ki tii tiin ti Yomdaanɔ Yennu, wunba teen naalɔuŋ, nan sakosaak li saka yoo, ki teent jaauŋ saama na.’

Jeremaya 51:16

U sennue te ki nyun nba be sanpagbant paapo na fu, ki nyi nan sanpagbant lokir kur po ki tikiir. Ŋɔɔe te ki sanyikintii nyikintir saak ni, ki te wouŋ nyi u boor ki da.

Hosea 2:7

Ki u saa wei ber u yɔɔsnba ŋaan kan baarib, ki u saa lin kpaanib ŋaan kan lab, ki ji yet a, “N saa ŋmat n sinsinn jɔɔ boore. Maa tuu be leŋ na sɔ maa be mɔtana na.”

Joel 2:23

“Sayɔnn teeb, ii mɔk parpeenn man; ii kpamm man linba ki i Yomdaanɔ Yennu tun ki turi na paak. U te kpafusaak baa ki li jaŋiti, ki te saak baa sabouŋ, ki bia baa sakoouk nan waa tuu baa biaŋinba na.

Amos 4:7

Mine soor saak ki u ki baa, yoo nba ki i bonbuburit mantik loonɔ na, ki te saak baa digban-yenn ni, ŋaan ki ki baa leer ni, ki te saak baa kpayomm ni, ŋaan ki kpaleeb koon,

Maika 5:6

Ki kunkɔnkɔnna na saa weib nan mabir ki kɔn nyann Asiria, linba tee Nimrod tiŋ na. Ki bi saa fatit Asiria teeb maŋ nuu ni, yoo nba ki bi lek ti yent.

Maika 7:7

Ŋaan min sii gorii Yennu-e. N sii guu Yennu-e nan parcheenn; ŋɔɔe saa tinnin. Yennu saa gbat n miaruwa.

Matiu 5:45

Ŋanne saa te ki i set tee i Baa Yennu nba be sanpaapo na waas, kimaan ŋɔɔe te ki yonnu do nibiit nan niŋamm paak, ki bia te saak baa nibiit nan niŋamm doi ni.

Sennu 28:12

U sii teeni saak siɔk kur, ki lin nyi u sanpagbounkpiasir nba mɔk nyun na ni, ki teen piisin i toona kur paak. Ki i saa fit kpent jeet ki tur digbana bonchiann. Ŋaan yimm kii loon siar sɔɔ boori.

Sennu 32:21

Bi patmannu nae donn n wutoor. Li mɔkin funfunn nan bi yenbis na; yensau kaa ki mɔk nyɔɔti. N saa jii digbanŋmaŋire ki donn bi wutoor, n saa jii digbanliiŋ nnae ki kɔɔmm funfunn.