Jeremaya 14:20 - Yennu Gbouŋ Mɔɔr

²⁰ Yennu, ti tun biirawa. Ti fiit ti tiɔŋ biit nan ti yeejamm biita.

Jeremaya 14:20 Iomraidhean Croise

2 Samuel 12:13

Ki Defid bet Natann a, “N tun biir Yennu-wa.” Ki Natann jiin a, “Yennu nyik chabawa, a kan kpo,

2 Samuel 24:10

Ŋaan Defid nba din kan niib na ki gbenn yoo nba, u par din biire, ki u yet Yennu a, “Yennu, n biir nan maa tun linba nawa. Nyikin n biit ki chabin. N tun jatiiwa.”

JOB labaar 33:27

Ki u saa yet niwor ni a, “N tun yanbɔmma. N ki tun linba ŋani, ŋaan ki Yennu tinnin.

Yaŋ 32:5

Ki n ji kat n yanbɔmm ki wanna, n ki bɔr n toonbiiti. N dukin ki kat n yanbɔmme ki tur fin Yennu, ki a nyik chabin.

Jeremaya 14:7

N niib bui ki fabin turin a, ‘Yennu, ti para ni beerit nan ti biira, ŋaan a sommit nan faa senn mɔsonn na. Ti nyika ki li wei bonchiann, ti tun biirawa.

Jeremaya 3:13

Fin n sak nan a mɔk biit, ki sak nan a yêt a Yomdaanɔ Yennu mɔba. Fiitir a biit nan timaatik kur nyakir a jii a lomm ki tur boorganii yenniiwa, ki ki sak n mɔbi. Min Yennu-e pak na.

Jeremaya 3:25

Li tee tin dɔɔr ti fei nie, ki ti fei maŋ n piinit. Timm nan ti yeejamm yɔɔ tuun ki biir ti Yomdaanɔ Yennu-e. Ti ki ban sak u sennii.”

Jeremaya 8:14

Ki Yennu niib boi a, “Bee ki ti bia daa kari? Baat man ki tin chiar saan digbanpaara ni, ki saa kpo leŋ. Ti Yomdaanɔ Yennu-e chabit nan kuun, u turit lɔbiie a ti nyu, kimaan ti tun biirɔwa.

Fabinii 1:20

“Yennu, gotir n par nba be daamii ni ki tonin biaŋinba. N par biir bonchiann, n toonbiit paak. Nikpinu be sɔnjot ni, ki kuun be diit ni gbaa.

Fabinii 3:42

“Yennu, ti tun yanbɔmm ki biirawa, ki a ki nyik chabiti.

Fabinii 5:7

Ti yeejamme din tun biir, ŋaan bi ji kaa mɔtana, ki timme ji di wahala, biit nba ki bi tun na paak.

Daniel 9:15

“Ti Yomdaanɔ Yennu, fine jii a yiikoo ki nyinn a niib Ijipt tiŋ ni, ki li te ki a sann be nan dinna. Ti tun yanbɔmma, ti tun kpeta.

Amos 7:2

Yirintu maŋ ni, ki n la naasuut, ki bi ŋman tutumaatit nba kur be tiŋ na paak. Ŋanne ki n yet a, “Yabint Yennu, nyikinchab a niib. Bi saa teen nlee kii mɔk manfoori? Bi kann mantik waar bonchiann, ki bia tee nibutimii.”