Jeremaya 14:18 - Yennu Gbouŋ Mɔɔr

¹⁸ Mi-i kɔɔ muuk, n tuu la jab nba ki bi kpiib tɔb ni na gbanante, ki mi-i saan doi ni, man la ki niib kpenn kon. Yennu sɔkiniinba nan mannteeb na tuun toona, ŋaan bi ki mi baa tuun linba.”

Jeremaya 14:18 Iomraidhean Croise

Aisaya 22:2

Doo na kur be fuut nie, ki gbee nan fuur nan kpinkpammuk. I jab nba kpo tɔb na ni din ki kɔn kaa ki tan kpo.

Aisaya 28:7

Sɔkiniinba nan mannteeb na mɔŋ yib bonchiann, ki jat baantire. Bi nyuu daan booru booru bonchiann, ki ji be ŋmatir nie. Sɔkiniinba na yib halii, ki ji ki fit bant yirintu nba ki Yennu wantib na paak, ki mannteeb na mun yib halii, ki ji ki fit bu maan nba ki niib baat nann na.

Jeremaya 2:8

Mannteeb na ki boi a, ‘Yennu be lia?’ N tiɔŋ mannteeb ki bannin. Doo diara kɔn nanime, ki n sɔkiniinba piak tingbann nba tee Baal na sann ni, ki jiantir yenbis.

Jeremaya 23:21

Ki Yennu yet a, “N ki tun sɔkiniinba na, ŋaan ki bi chiar saan, ki n bia ki turib mɔmaan, ŋaan ki bi piak n sann ni.

Jeremaya 5:31

Yennu sɔkiniinba na fa faak kɔɔe; ki mannteeb na tuun nan sɔkiniinba nba wannib biaŋinba na, ki n niib ki mɔk siar ki saa paki. Ŋaan li joontu yoo-i baar, bi tan saa teen nlee?”

Jeremaya 6:13

Nijaana nan tarii kur loon bin tɔkin sɔnbiite ki la likirii, ki n sɔkiniinba nan mannteeb ŋmaab niib na.

Jeremaya 6:25

Ti kan nyi doo kpiŋ, koo ki somm sɔnii ni, kimaan ti datai be nan jatiate, ki ninmɔnn be siar kur po.”

Jeremaya 8:10

Li paak, n saa jii bi kpaant na ki tur nigamme ki bii yen, ki jii bi poob na ki tur jagamm. Tarii nan nijaana kur loon bin tɔkin sɔnbiite ki la likirii. Mannteeb nan n sɔkiniinba gbaa ŋmaab niib nae.

Fabinii 1:20

“Yennu, gotir n par nba be daamii ni ki tonin biaŋinba. N par biir bonchiann, n toonbiit paak. Nikpinu be sɔnjot ni, ki kuun be diit ni gbaa.

Fabinii 2:19

A tuu fiir nyiɔk kur kii fabin kii teen Yennu. A loot a par, ki barimɔ ki wuu mɔk ninbatinu a waas nba kpenn kon sɔnjot ni lokir kur po na paak.

Fabinii 4:9

Binba din kpo tɔb ni na yar din sɔ ki gar binba din ki laat jeet ki fɔi, ki tan kpenn kon li poor po na.

Esekiel 7:15

Kunkɔna be sɔnjot ni, ki yiarii nan kon be ŋei ni. Ki wunba kar doo na kpiŋ, u saa kpo kunkɔnn na ni, ki wunba be doo na ni, yiarii nan kon saa kpiu.

Amos 4:6

“Mine tee daanɔ nba te ki kon baa i doi ni, ŋaan ki i lek ki jen min Yennu boori.

Maika 3:11

Doo na tɔɔndamm tee fobit damme, ki mannteeb na want sennu na ki gaan paauk, ki sɔkiniinba na fiitir woonin ni maan, ki gaan likirii li paak, ŋaan ki bi kura yaa Yennu be namm, ki yeen a, “Bonbiir kan baariti. Yennu be nant.”

Sennu 28:36

“Yennu saa jii yimm nan i kpanbar ki yaat saan nani tingaŋ ni, siaminba ki yimm koo i yeejamm ki ban kɔɔ. Leŋe ki i saa sii jiantir yennii nba ki bi jii daat nan tana ki namir na.

Sennu 28:64

“Yennu saa yati digbana kur po, tingbouŋ na paak, ki leŋe ki i saa sii jiantir yennii nba ki bi jii daat nan tana ki nan, yennii nba ki yimm koo i yeejamm ki ban jiantir.

2 Piita 2:3

Bi sii mɔk nianchiɔŋ, ki sii kpanni ki ŋmabi. Yoo nba din gar na Yennu poŋ din yet a bi tee biitdamme, ŋaan li kan yukir ki u saa dat bi tuba.