Jeremaya 13:20 - Yennu Gbouŋ Mɔɔr

²⁰ Jerusalem, gotir. A dataie nyii gaŋ po ki siik na. Niib nba ki bi teenib a nuu ni na be lia? A niib nba ki a dont a mɔŋ bi paak na be lia?

Jeremaya 13:20 Iomraidhean Croise

Barjokit 14:28

Bat niib nba yab biaŋinbae want u naan paŋ nba tee; bi-i kaa, u kii tee sɔɔ.

Jeremaya 1:14

Ki u yetin a, “Biiru saa daa gaŋ po ki sik binba kur be tiŋ na ni paak,

Jeremaya 1:15

kimaan n yi binba be gaŋ po na kur a bin baar. Bi kpanbara saa maa bi naan binbinta Jerusalem tammɔi ni, ki lint li joonjot, ki bia lint Juda dolia.

Jeremaya 10:22

Gbiintir, maan baara, ŋmatir be digbann nba be gaŋ po na ni bonchiann. Li jab saa te ki Juda doi n kpant langbent, ki mɔbɔie sii be leŋ.”

Jeremaya 13:17

Li-i tee ki i kan gbiint, n saa bɔr buiwa, kimaan i yuwannu paak. N saa bui bonchiann, ki n ninnyuut tan sii puube, kimaan baa yaat nan Yennu niib ki teemm yommii na paak.

Jeremaya 23:2

Linba ki Israel teeb Yomdaanɔ Yennu pake na, ki jiin doo diara nba bo tee bii gorii u niib na po a, “I ki gorii n niibi. I yatibe ki ber nyinnib. Mɔtana n saa dat i tuba, biit nba ki i tun na paak.

Jeremaya 6:22

Ki Yennu yet a, “Niib nyi gaŋ po digbann, ki baat. Digbanpaarir nba fɔk bonchiann na tee tɔb siire.

Habakuk 1:6

N yaa man tur Babilonn teeb nba tee nitont nan jatdamm na yiikooe. Bi saa lin durinya na ni, ki kɔn nyann tinlia.