Jeremaya 12:9 - Yennu Gbouŋ Mɔɔr

⁹ N nigannkab na tee nan nɔɔŋ nba ki kanbiat worɔ lokir kur po nae. Yiint muuk ni bonkobit ki bin baar tan di jaamm.

Jeremaya 12:9 Iomraidhean Croise

2 Kpanbara 24:2

Ki Yennu te ki kunkɔnkɔnna bonchiann nyii Babilonn nan Siria nan Moab nan Amonn, a bin kɔn nan Jehoyakim ki biir Juda tiŋ, nan ŋɔɔ Yennu nba din te ki u toontunna nba tee sɔkiniinba pak na.

Aisaya 2:11

Yoo baat ki nisaarik parbifaant saa gbenn, ki nisaarik garuk n biir. Tɔn, Yennu kɔɔe ji saa la baakir.

Aisaya 2:12

Daar maŋ ni, Yabint Yennu saa sikin wunba kur dont u mɔŋ, nan binba tee garit damm. Yennu kɔɔe tan saa la dontir, daar maŋ ni.

Aisaya 56:9

Yennu pak digbangana niib na, a bin baar kii tee nan muuk ni bonkobit na, ki ŋman u niib.

Jeremaya 15:3

Min Yennu-e lor nan bontona ŋanna n tun ki turib. Bi saa kpib tɔbii ni, ki bɔi saa pat bi gbanant, ki nɔɔnii saa dir, ki muuk ni bonkobit saa ŋman linba biar na.

Jeremaya 2:15

Bi gaan jat u paak nan yanbɔra nae, bi kpant u tiŋ kunkoouko, ki u doi teen langbent ki dɔɔ yann.

Jeremaya 34:20

N saa jiib kubin bi datai nba loon bin kpib na, ki nɔɔnii nan muuk ni bonkobit saa di bi gbanant.

Jeremaya 7:33

Nisaarii gbanankpeena tan sii tee jeete ki tur nɔɔnii nan muuk ni bonkobit, ki sɔɔ sii kaa ki yɔɔbi.

Fabinii 1:17

“N tantir n nii, ŋaan sɔɔ kaa ki saa sommin. Yennu te ki datai nyii lokir kur po ki lekin, ki ŋmaŋitin nan n tee bon-yanne na.

Esekiel 34:5

Pei na nba ki mɔk kpaartɔɔ na paake teen ki bi yat, ki muuk ni bonkobit jiib ki teen bi jeet.

Fiitu 17:16

a yina piik nba ki n la na, ŋamm nan bonkobuk na sii nan poochonchonn na, ki fat linba kur ki u mɔk na ki nyikɔ gbananbir, ki pat u gbanant ki ŋman, ki bia joou muu,