Jeremaya 12:4 - Yennu Gbouŋ Mɔɔr

⁴ Li saa wei nlee ki ti tiŋ bia daa tee tinkooŋ, ki siar kur boor mɔɔt n koori? Bonkobit nan nɔɔnii kpenne, kimaan ti niib toonbiit paak, niib nba yeen a, “Yennu ki laat linba ki ti tuun na.”

Jeremaya 12:4 Iomraidhean Croise

Yaŋ 107:34

Ki u te ki koorin tiŋ kpant tinkokirik, kimaan binba kɔɔ leŋ na toonbiit paak.

Yaŋ 50:21

I tun linba na kurawa, ŋaan n ki yet siari, ki i ji dukin nan n mun tee nan yimm nae. Mɔtana, n saa yakii naniwa, ki kat wanni, i numm ni.

Aisaya 24:4

Tiŋ na kur saa koor wakit; ki durinya kur saa chɔk, ki sanpaak nan tiŋ kur saa dut.

Aisaya 24:6

Li paake ki Yennu por tingbouŋ na mɔb. Li niib di biak, biit nba ki bi tun na paake. Nichaŋ nnae biar be bi manfoor ni.

Jeremaya 12:11

Bi teenir kankoonne ki li dɔɔ yann n boor ni. Tiŋ na kur kpant kunkoouko ŋaan ki sɔɔ ki fiin li po.

Jeremaya 14:2

“Juda mɔ kpemɔniie, kimaan u doi kpenne, ki u niib dɔɔ tiŋ ni nan yanyêtuk, ki Jerusalem mɔ ki loon sommir.

Jeremaya 23:10

Tiŋ na gbee nan niib nba ki waa Yennu-e, ki be yanbɔmm binbeŋ, ki biir bi yiikoo. Yennu mɔtonte te tiŋ na mɔ kpemɔnii, ki mɔɔt koot.

Jeremaya 4:25

N la nan niib kaa, ki nɔɔnii mun bia yukir ki yaata.

Jeremaya 4:28

Tingbouŋ na saa bui kpemɔnii, ki sanpaak saa bɔnn. Yennu-e pak na, ki kan lebit u dudukiti, u soor sooruwa, ki kan ŋmat poori.

Jeremaya 5:13

Yennu sɔkiniinba na tee wouŋo, ki Yennu maan na kaa bi ni. Li paak, ŋaant linba ki bi piak na n ŋmat bi mɔŋ paak.”

Jeremaya 5:31

Yennu sɔkiniinba na fa faak kɔɔe; ki mannteeb na tuun nan sɔkiniinba nba wannib biaŋinba na, ki n niib ki mɔk siar ki saa paki. Ŋaan li joontu yoo-i baar, bi tan saa teen nlee?”

Jeremaya 7:20

Li paak, ki min Yabint Yennu saa mɔɔn n wutochiɔŋ na nna. N saa mɔɔnir nisaarii nan bonkobit nan tiinii nan jeet paak. N wutoor na sii tee nan muu nae, ki sɔɔ kan fit kpeeniri.

Jeremaya 9:10

Ki n yet a, “N saa fabin kunkona paaka, ki mɔ mɔmaatuk paak, kimaan bi koora, ki sɔɔ ji ki gaar bi ni, sɔɔ ji ki gbia nei mɔnii, ki nɔɔnii nan muuk ni bonkobit chiar yaat.”

Jeremaya 9:9

N kan dat bi tuba linba na paaki-i? Koo ki daa dont wutoor nibooru nba na paaki-i? Min Yennu-e pak na.”

Hosea 4:3

Linba na saa te ki tiŋ n koor, ki linba kur be li paak saa kpo. Li bonkobit nan li nɔɔnii, nan janii nba be nyun ni, bi kur saa kpo.”

Joel 1:18

Ki nei mɔ lin nan parbiir, ki peburuŋ mun bia di wahala, kimaan mɔɔt kaa ki bi saa ŋman.

Amos 1:2

Ki Amos yet a, “Yennu kunkɔr nyi Sayɔnn kunkonn po, ki tantir ki nyi Jerusalem po. Ki bonkobit kpinkpaar boa koor wak wak, ki mɔɔt nba be Kamel kunkonn paak na mɔnn.”

Habakuk 3:17

Daan tiinii na-i lekii kii mɔk lɔɔna, ki kpan tiinii na mun ki yinn puuku, ki tilontlia na mun bia ki loon lɔɔna, ki tiŋ na mun bia ki nan jeeti, pei kur-i lekii kpo, ki naaloor na dɔɔ koont,

Sekaria 1:12

Yennu malaka na nba gbat linba na yoo nba, ki u yet a, “Yabint Yennu, bina piinlore-e na, ki a wutoor do Jerusalem nan Juda dolia paak. Bia yooe ki a saa timm ninbaauku?”

Rom Teeb 8:22

Ti mi nan li yiar linba ki Yennu nan na kur, ki li kurii ki tan tuu mɔtana, nan poo nba tuu mɔ matyiaru ki kurii biaŋinba nae.