Jeremaya 12:1 - Yennu Gbouŋ Mɔɔr

¹ Yennu, min nan fin-i yaa ti bu, fine sii mɔk mɔnii. Ŋaan n saa boia buboit ki jiin barmɔnii maan powa. Bee teen ki yanbɔndamm mɔkitiri? Bee ki ŋmabir damm paakiti?

Jeremaya 12:1 Iomraidhean Croise

Pinpiik 18:25

A kan sak biir niŋamm nan nibiit kur yommi. Li paar nan ki a tun nna. A kan teen nna. Li-i tee ki a teen nna, niŋamm nan nibiit na kur saa di biak yomme. Li paaka. Tingbouŋ na kur barbuurɔ tee wuu tuun bona fanue.”

Esra 9:15

Timm Israel teeb Yomdaanɔ Yennu, a mɔk mɔnii ŋaan bia te ki ti mɔk manfoor. Ti fiitir ti biit ki teena, ti ki ŋan nan tin baar a tɔɔnni.”

Nehemaya 9:33

Faa dat ti tuba na, a tun fanuwa, nan taa lek tun yanbɔmm na, ŋaan fin ŋarin tuun ŋante.

JOB labaar 12:6

Ŋaan nanyukii nan binba ki mi Yennu na be parmaasir nie, ki bi yennii tee panii nba ki bi mɔk na.

JOB labaar 13:3

Min nan Yennu-e mɔk maan, li ki tee min nan yimm kaa; n loon man jii n maame ki pak nanɔ.

JOB labaar 24:12

Ki doo na ni, binba la danii nan binba kpenn na mɔ fabin sanpaapowa, ŋaan Yennu ki gbiin bi miaru.

JOB labaar 24:23

Yennu saa fit te ki u be u yamani, ŋaan ki u ninbina paa u paak yoo kur.

JOB labaar 8:17

Ki bi jiina tuu lor lint tana, ki soor tann kur kenken,

Yaŋ 116:5

Yennu tee ninbatinnɔe ki bia ŋan. Ti Yennu tee ninkpabauŋ Yennu-e.

Yaŋ 119:137

Yennu, a tee kasii daanɔe, ki a sennii ŋan.

Yaŋ 119:75

Yennu, n mi nan a sennii tee kasiie, ki a mɔk mɔnii nan faa dat n tubir na.

Yaŋ 145:17

Yennu toona kur ŋane, ki u bia mɔk ninbatinu, u toona kur ni.

Yaŋ 37:1

A daa te ki li daamiia nɔɔnbiit damm toona paaki. A daa te ki li mɔka funfunn binba tuun toonbiit na paaki.

Yaŋ 37:35

N ban la nɔɔnbiit daanɔ nba ton bonchiann, ki bia laat yiikoo nan kpek nba tuu la sinsetboor ki mɔk yiikoo biaŋinba na.

Yaŋ 51:4

N tun ki biirawa, n biir fin kuukɔɔe, ki tun linba ki a yaa li tee bonbiir na ki tura. Li paak, a mɔk mɔnii nan fan bu n buut. N kan nyiira, li-i tee ki a biirin.

Yaŋ 51:6

A kpaan mamɔmm nan barmɔniie nisaarik ni. Kɔɔnt a bannu n dudukit ni.

Yaŋ 92:7

Biit damm lek sii kpaatir nan mɔɔt nae; binba tuun toonbiit na lek sii mɔkitire, ŋaan fin Yennu tan saa biiribe fas,

Barjokit 1:32

Niib nba ki mɔk bannu tuu kpo, kimaan baa yêen yanfoon na paak. Ki niib nba tee bonliinii mun tuu boont, kimaan bi baka nba kaa bi mɔŋ po na paak.

Banntɔɔ 8:14

Linba na paak bannu paar. Gotir linba tuun tingbouŋ na ni. Yenn yoo niŋamme tuu tan gaar toonbiit damm tubdatu, ki toonbiit damm mun tuu tan gaar niŋamm paatii. N pak nan li paak bannu paar.

Aisaya 41:21

Yennu nba tee Israel teeb kpanbar na piak a: “Yimm digbana tingbana na, baat nan i maan man. Baat nan i mɔna-chinchibir nba ki i mɔk.

Aisaya 48:8

N mi nan n kan ban teeni yada, kimaan i yɔɔ tee kangaarnbae, ŋanne teen ki i ki mi gbat linba na po faba, ki li maan nan waama ki kɔɔ i tuba ni.

Jeremaya 11:20

Ŋanne ki n miar Yennu a, “Yabint Yennu, a tee barmɔnpakirɔe, ki bikii niib yan nan bi binbeŋ. N jii n maan ki teen a nuu nie. Li paak, ŋaant ki man la a wutoor niib na paak.”

Jeremaya 12:6

A tiɔŋ ninjamm nba nyii a ŋaak ni na kɔɔtawa, ki taan nileeb po ki wora. Baa lek piak nan mɔmant na, ŋaan a daa teeb yada.”

Jeremaya 3:20

Ŋaan a tee nan poo chonchonn nae, a ki waan. Min Yennu-e pak na.”

Jeremaya 3:7

N dukin nan wuu tun linba na kur gbenn, u saa jen n boora, ŋaan u ki jeni, ki u niipoo Juda nba tee nan bonchonchonn na la li kura.

Jeremaya 32:16

Maa tur Baruk tiŋ daanu gbant na, ki n miar Yennu a,

Jeremaya 5:11

Israel teeb nan Juda teeb maŋ ki waan nan waama. Min Yennu-e pak na.”

Jeremaya 9:2

N sunman ki n bo mɔk binbeboore muuk ni, ki bo nyi n niib ni. Bi ki tee niŋamm kaa, bi ki waa Yennu,

Fabinii 1:18

“Ŋaan Yennu-e mɔk mɔnii, kimaan n yêt u mɔba. Gbiintir man, niib nba be lokir kur po, gotir gbanantont nba ki n be li ni. Bi soor n naasinpaauŋ nan sapaamm ki teemm yommii ki yaat namm.

Esekiel 18:25

“Ŋaan ki yimm yeen a, ‘Yennu nba tuun linba na ki took.’ Gbiintirin man, yimm Israel teeb. I dukii nan maa tuun linba nae ki ŋani-i? I binbeŋe ki ŋan.

Daniel 9:14

Fin ti Yomdaanɔ Yennu ki taantir nan fan te biiru n baariti, kimaan a tuun linba ŋane yoo kur, ŋaan ti lek ki sak a mɔb.

Daniel 9:7

Fin Yennu-e tuun linba ŋan yoo kur, ŋaan timme yɔɔ tuun ki dint ti mɔŋ fei, timm nba be Juda nan Jerusalem, nan Israel niib nba kur ki a yatib digbana nba naak nan digbanbanfɔka na, kimaan bi din tun biit ki yêtawa.

Hosea 6:7

“Ŋaan baa kpan kɔɔ tiŋ na ni, ki bi biir mɔlor nba ki n lor namm na, nan Adam nba din tun na.

Habakuk 1:4

Sennu na ki paari, ki ki mɔk nyɔɔt, ki barmɔnbuut kaa. Ki toonbiit damm laat nyannu niŋamm paak, ki barmɔnii buut ji ki bu.

Sefania 3:5

Ŋaan ki Yennu bia lek daa be doo maŋ ni, ki tuun linba took, ki ki tuun linba bi. Ki sanyiɔk kur, ki u teen u niib na bi mɔnii. Ŋaan ki leŋ niib nba ki tee popeendamm na tuun biit, ki ki tiin fei.

Malakai 2:17

I mantik ŋaan Yennu bak nan i pinpakita, ŋaan ki i bia boi a, “U bak nant nlee?” I yeen a, “Yabint Yennu dukii a toonbiit damm kur tee niŋamme, barmɔnii, u loomm,” koo ki boi a, “Yennu nba teen niib bi mɔnii na be lia?”

Malakai 3:15

Ti laat nan karinbaandamme tee binba mɔk parpeenn. Ki toonbiit damme laat nyɔɔt, ki bia dia bi toonbiit maŋ ki bikii Yennu, ŋaan ki siar ki biiribi.’ ”

Sennu 32:4

“Yennu-e tee i guutɔɔ nba yab, ki tee kasii nan barmɔnii u sɔnu kur ni. I Yomdaanɔ be fanu nan barmɔnii, ki tuun linba kur ŋan fanu.