Jeremaya 11:20 - Yennu Gbouŋ Mɔɔr

²⁰ Ŋanne ki n miar Yennu a, “Yabint Yennu, a tee barmɔnpakirɔe, ki bikii niib yan nan bi binbeŋ. N jii n maan ki teen a nuu nie. Li paak, ŋaant ki man la a wutoor niib na paak.”

Jeremaya 11:20 Iomraidhean Croise

Pinpiik 18:25

A kan sak biir niŋamm nan nibiit kur yommi. Li paar nan ki a tun nna. A kan teen nna. Li-i tee ki a teen nna, niŋamm nan nibiit na kur saa di biak yomme. Li paaka. Tingbouŋ na kur barbuurɔ tee wuu tuun bona fanue.”

2 Kpanbara 19:14

Ki kpanbar Hesekia gaar gbouŋ na toomii na boor ki karin. Li poorpo ki u saan Yenjiantu ŋasaakak ni, ki saa paan gbouŋ na Yennu tɔɔnn,

1 Barkperii 28:9

Ki Defid yet Solomonn a, “N bija Solomonn, n beera nan ii mi a baa Yennu, kii jiantirɔ nan a par munn nan a yan kur. U mi ti dudukit nan taa loon linba kur. Fi-i baar u boor, u saa gaarawa, ŋaan fi-i turɔ kpinkpaar, u saa nyikae fas fas.

1 Barkperii 29:17

N mi nan fin Yennu bikint sɔɔ kur par, ki mɔk parpeenn nan binba mɔk binbenŋaŋ. Bona nba na kur, n tura nan n par kur nan barmɔniie, ki mɔtana n jii la parpeenn nba ki niib na mɔk nan baa tura bi piinii nan bi para kur nawa.

JOB labaar 5:8

Li-i tee ki n bo tee fin, n bo saa jiant Yennu paake, ki jii n daamii ki turɔ.

Yaŋ 139:23

Yennu, fiitirin ki bann n yan ni, bikintin ki bann n dudukit nba tee.

Yaŋ 35:2

Jiin a naagbankɔŋir ki baar fatin.

Yaŋ 43:1

Yennu, want nan n ki mɔk biiti, ki bu nyinnin binba ki jiantira na ni, a fatin ki min nyi fai damm nan nibiit na ni.

Yaŋ 57:1

Tinimin ninbaauk, Yennu, tinimin ninbaauk, kimaan a niŋe ki n seek gur. A kpinkpant maasue ki n laat fatu, daamii nba tuu baarin nan laa tuu tan gar.

Yaŋ 58:10

Kasii damm sii mɔk parpeenn, li-i tee ki bi la yanbɔndamm be tubdatu ni, li yooe ki bi saa somm toonbiit damm sɔn ni.

Yaŋ 7:10

Yennu-e nyintin ninbɔŋ ni, u tint daansiab nba saak u mɔb.

Yaŋ 7:8

Yennu, fine tee nisaarii kur barbuurɔ, a bu ki sommin; a mi nan n ki mɔk biiti.

Yaŋ 7:9

A tee popeenn Yennu-e, ki bu ti para ni nan ti dudukit ni buut. Potir nɔɔntont damm binbeŋ na, ŋaan tur niŋamm na nyɔɔt.

Yaŋ 98:9

kimaan u baate a wun bu niib buut. U saa dia durinya na nan mamɔmm nan ŋante.

Jeremaya 12:1

Yennu, min nan fin-i yaa ti bu, fine sii mɔk mɔnii. Ŋaan n saa boia buboit ki jiin barmɔnii maan powa. Bee teen ki yanbɔndamm mɔkitiri? Bee ki ŋmabir damm paakiti?

Jeremaya 12:3

Ŋaan Yennu, a min, ki laat maa tuun linba nan maa loona biaŋinba. Berin niib na, ki bin tut saan nan pei na ki bin kpib. Ii guub nan yoo nba tan saa jaŋ nan bin kpib.

Jeremaya 15:15

Ŋanne ki n pak a, “Yennu, a mɔk bannu. Tiat n po ki sommin. Datir binba tun bonbiir ki turin na tuba. Daa mantik mɔk sukuru namm, ki bi saa la yaak ki kpin. Tiat nan a paake ki bi sukiin.

Jeremaya 17:10

Min Yennu-e gorii nirɔ par ni, ki bikii nirɔ yan. N pa nirɔ kur nan u binbeŋ nba tee biaŋinbae, nan waa tuun linba.”

Jeremaya 17:18

Yennu, baat nan fei binba mukisin na paak, ŋaan te ki n daa di fei. Gbeentib nan jaŋmaanchiɔŋ, ŋaan daa te ki n tiin jaŋmaanii. Baat nan biak bi paak, ki but butib.

Jeremaya 20:12

Ŋaan fin Yabint Yennu ŋarin bikii niib fanue, ki mi linba be bi para ni, nan bi dudukit ni. Li paak, ŋaant man la ki a pa bonbiir ki jiin n datai, kimaan n jii n binbeŋ ki teen a nuu nie.

Fabinii 3:58

“Yennu, ki a tan baar ki fatin, ki tinn n manfoor.

Fabinii 3:59

A kɔn n paak, ki mi baa tun bonkpeta nba ki biirin.

Fabinii 3:64

“Yennu, a dat bi tuba baa tun linba na paak.

Esekiel 11:5

Yennu Seek na yentin, ki Yennu betin a man pak mɔmaan na ki tur niib na a, “Israel teeb, min Yennu mi yaa piak linba, ki bia mi yaa lorin linba.

Toona 17:31

kimaan ŋɔɔ Yennu poŋ senn daar nba ki u saa bu tingbouŋ na ŋaateeb kur buut chib chiba. U saa te ki wunba ki u gannɔ nae n bu buut maŋ. Waa set fiinɔ kuun ni na, ki li tee nyinn ki tur sɔɔ kur a ŋɔɔe sii tee barbuurɔ.”

Filipi teeb 4:6

I daa biir i para bonsiar paaki. Yimm-ii mei Yennu linba kpaa talas turi paak. Ii mei Yennu, kii teenɔ niipoouk i para ni yoo kura, ki betɔ yaa loon linba.

2 Timoti 4:14

Aleksander, wunba kur saauk na din tumin linba bi bonchiann; Yennu saa dat u tubir, waa tun linba na paak.

1 Piita 2:23

Baa din sukiiɔ, u din ki jiin sukiti; baa din dintɔ biak na, u ki jeen sɔɔ, ŋaan jii u mɔŋ ki teen Yennu nba bu niib buut barmɔnii na nuu ni.

Fiitu 18:20

Yendɔuŋ ni teeb, nan Yennu niib, nan u sɔkiniinba, nan Yiisa toomiinba, ii mɔk parpeenn man, kimaan Yennu bu dogbeŋir maŋ buut ki biirɔ ki turiwa.

Fiitu 2:23

ki kpi u weira na kur; ki n weira na saa bann nan mine tee wunba mi niib dudukit nan bi loomm nba tee biaŋinba, ki saa tur sɔɔ kur u toona nyɔɔt nba tee biaŋinba.

1 Samuel 16:7

Ŋaan ki Yennu yet Samuel a, “A daa bikii jɔɔ na ŋant koo u fɔkinti. N ki gannɔ, kimaan n ki gani nan nisaarik na kaa. Nisaarik gorii gbanante, ŋaan min ŋarin gorii nisaarik par nie.”

1 Samuel 24:15

Yennu-e saa bu ti buut ki wann daanɔ nba biir lɔɔ. Yennu n got maan maŋ ni ki kɔn n paak, ki te man nyi a nuu ni.”