Jeremaya 10:8 - Yennu Gbouŋ Mɔɔr

⁸ Bi kura tee jatit nan bonliiniie. Bi saa tumii bee, baa jii tiinii ki nan pata nba na boori?

Jeremaya 10:8 Iomraidhean Croise

Yaŋ 115:8

Binba maa yenbis maŋ nan binba teen yenbis maŋ yada, bi mɔŋ sii tee nan yenbis maŋ nae.

Yaŋ 135:18

Binba maa yenbis maŋ nan binba teen yenbis maŋ yada, bi mɔŋ sii tee nan yenbis maŋ nae.

Aisaya 41:29

Tingbana na kur ki mɔk nyɔɔti, bi kan fit teen siari; tingbana na tee butimme, bi kaa pansiaki.”

Aisaya 44:18

Li nibooru liisin paak ki bi ki fit bant baa tuun linba. Bi mun bi nuniie, ki nyar bi tuba, ki jiin barmɔnii po.

Aisaya 44:19

Wunba naan pata na ki mɔk yan nba ki u saa yet a, “Daat maŋ yenn nbae ki n joo muu na. N pur boroboro nan nant li muu nie, ki ŋman, ŋaan tont daat nba tenn na ki nan patir, mɔtana n ji jiantir daat maŋe.”

Jeremaya 10:14

Nisaarii laat linba na, ŋaan kaa yan, ki tee jatit. Binba naan pata na dii feie, kimaan pata nba ki bi naan na tee yanne, ki kaa manfoori.

Jeremaya 2:27

Yimm nba yaa tiike tee i baa, ki tann tee i naa na, i kur tan saa di feiwa. Linba na saa tun, kimaan yaa nyikin ŋaan yaat na paak. Li-i tee ki i be daamii ni yoo nba, i tuu yime a man baar ki tinni.

Jeremaya 3:9

ki ki tiin siara fei. U biir tiŋ nae nan waa jiantir tana nan tiinii ki li tee bonchonchonsin na.

Jeremaya 4:22

Yennu yet a, “N niib na tee bonliiniie. Bi ki mimi. Bi tee nan wajata nae ki ki mɔk bannu. Bi mi toonbiit tumue fanu, ŋaan gbar toonŋana tumu.”

Jeremaya 5:4

Ki n dukin a, “Niib na tee tariie ki kaa yan, kimaan bi ki mi Yennu sɔnii, koo waa loon bii tuun linba.

Hosea 4:12

Bi boi dakoonn kpaanii po, ki dakoonn maŋ wantib baa loon bin bann linba. Bi nyikime ki jii bi mɔŋ ki waa tingbana nan poo nba tuu kpant bonchonchonn na,

Jona 2:8

Binba jiantir pata na, bi ki laat piisin nba ki a bo sii teemm na.

Habakuk 2:18

Tingbann nyɔɔt tee bee? Tingbann tee linba ki nirɔ ŋammire, li ki beera siar see faak kuukɔɔ. Nyɔlante ki u teen wunba namɔ na, ki u maa u paaki. Tingbann kan fit pak maan gbaa.

Sekaria 10:2

Niib tuu boi pata nan ninnyɔdamme, ŋaan baa teen gatu nba tee faak nan fuute. Nisiab kpintir damiit ki want li paak, ŋaan bi boontie, par-kpaŋir nba ki bi teeni na tee yanne. Li paak, ki niib na lin ki yirib nan pei nba tuu bot na. Bi be daamii ni, kimaan bi ki mɔk tɔɔndaanɔ.