Jeremaya 10:6 - Yennu Gbouŋ Mɔɔr

⁶ Yennu, sɔɔ kaa ki tee nan fin na, a tee Yenjaanne, ki a sann yab, ki bia mɔk paŋ.

Jeremaya 10:6 Iomraidhean Croise

2 Samuel 7:22

Yabint Yennu, a tee Yenjaanne, sɔɔ ki be ki tee nan fin na, ki ti mi nan fin kɔɔe tee Yennu.

1 Barkperii 16:25

Ti Yennu-e tee yabint daanɔ, ki ŋan nan tin pakɔ; ki ŋan ki tii tiinɔ ki gar yennii kur,

Nehemaya 4:14

N din la nan niib na para biire; ki n yet ŋamm nan bi tɔɔndamm nan bi toontunna saakab a, “I daa tiin ti datai na jaŋmaanii. Tiat man Yennu nba tee Yenjaann, ki bia tuun bakitnauŋ toona biaŋinba, ki kɔn ki tur i doo teeb nan i waas nan i ŋaapoob nan i ŋei.”

Nehemaya 9:32

“Yennu, ti Yennu, a mantik tee Yenjaanne. A tee jaŋmaansooruk nan yiikoo daanɔe. A dia a mɔlor nba ki a din senn na nan barmɔnii. Laa nyii yoo nba ki Asiria kpanbara din dintit biak na ki tan tuu mɔtana, ti mantik dii farawa. Ti kpanbara, nan ti tɔɔndamm, nan mannteeb, nan a sɔkiniinba, nan ti yeejamm, nan ti niib na kura dii biaka. Tiat taa mantik dii fara biaŋinba.

Yaŋ 145:3

Yennu tee Yenjaanne, li ŋan ki tin donnɔ sanpaapo. U yabint na gar nisaarik bannuwa.

Yaŋ 147:5

Ti Yomdaanɔe tee Yenjaann ki mɔk paŋ, ki u yanfoon kaa bikinu.

Yaŋ 35:10

ki n saa yet Yennu nan n par kur a, “Yennu, sɔɔ ki be ki tee nan fin na, ki a nyint butimm, paŋ damm nuu ni, ki bia nyint fara damm nan nandamm binba ŋmaabib na nuu ni.”

Yaŋ 48:1

Yennu tee yabint daanɔe, ki ŋan tin dontɔ, u doo nba be u kasii kunkonn paak na ni.

Yaŋ 96:4

Yennu tee Yenjaanne ki ŋan nan tii dontirɔ bonchiann, ki turɔ baakir, ki lin gar kpanbar kur.

Nyinu 15:11

“Yennu, yenlanɔpoe tee nan fin na? Ŋmee tee nan fin nba tee kasii yaa kasii na? Ŋmee saa fit tun yaarlituk nan paŋ toona nan fin na?

Nyinu 8:10

Ki kpanbar na jiin a, “A won miar ki turin wonn.” Ŋanne ki Moses yet a, “N saa tun nan faa loon biaŋinba na, ki fan bann nan yensiar kaa ki tee nan ti Yomdaanɔ Yennu na.

Nyinu 9:14

Fi-i kii te ki bi saan, n ji kan dat a saakab nan a niib kuukɔɔ tuba kaa, ŋaan n saa dat a mɔŋ tubira, ki fan bann nan sɔɔ kaa tingbouŋ na ni ki tee nan min na.

Aisaya 12:6

Ŋaant ki wunba be Sayɔnn kur-ii hoot kii yiin, kimaan ŋamm Israel teeb kasii Yennu mɔk yiikoo, ki be u niib boor.”

Aisaya 40:18

Ti saa bikin Yennu nan ŋmee? A saa bikinɔ nlee?

Aisaya 40:25

Ti saa bikin kasii Yennu na nan ŋmee? Sɔɔ be ki tee nan ŋɔɔ na-a?

Aisaya 46:5

Ki min Yennu yet a, “I saa bikinin nan ŋmee? Sɔɔ be ki tee nan min na-a?

Aisaya 46:9

Ii tiar linba din tun sian yoowa na. Ii sak nan min kuukɔɔe tee Yennu, ki sɔɔ ji kaa ki tee nan min na.

Jeremaya 10:16

Israel teeb Yennu na ki tee nan pata maŋ na kaa, ŋɔɔe nan bona kur, ki gann Israel teeb a bii tee u tiɔŋ niib; u sanne tee Yabint Yennu.

Jeremaya 32:18

A wann a lomm nba kaa paak na ki tur niib tusaa, ŋaan a mun bia daar niib tuba, bi damm biit paak. A tee Yenjaann nba mɔk yiikooe, ki tee Yabint Yennu.

Daniel 4:3

Yennu nba fiit u bakitnauŋ toona nba ki tur niib, li yab bonchiann. Yaarlituk toona nba ki u tun na mɔk paŋ. Yennu-e tee kpanbar nan yoo nba kaa gbennu. U sii dia u niib maaru n tuu maaru.

Daniel 4:34

Bina ŋanlore gare ki min Nebukanesar gokit got sanpaapo, ki n yan jen, ki n ji pak dont yabint Yennu ki turɔ baakir nan dontir a: “Ŋɔɔe tee daanɔ nba be nan yoo nba kaa gbennu. U naan yɔɔ be-e mɔkmɔk nan mɔkmɔk.

Malakai 1:11

Niib kur nba be durinya na ni, laa nyii kpiŋ ki saa tuu kpinleek po, bi teenin baakir. Lokir kur po, bi jokit bonnunubit ki teenin, ki bia piinin maruŋ bona nba ŋan. Bi kura baakitin.

1 Korint teeb 8:6

Timm yaa boor ni ŋarin, Yen-yenɔkɔɔe be; ŋɔɔe tee ti Baa Yennu nba din nan bonsiar kur, ki u nie ki ti fo. Ki Yomdaan-yenɔkɔɔe be, ŋɔɔe tee Yiisa Masia. U paake ki bonsiar kur nan; u paake biak ki ti fo.

Sennu 32:31

Bi datai na mi nan bi mɔŋ yennii na ki mɔk paŋi, ki ki tee yenjaana nan Israel teeb Yennu na.

Sennu 33:26

Israel teeb, yensau ki tee nan i Yennu na, wunba purin sanpaapo nan u bonŋana, ki bia purin sanpagbant ni ki teen siir nan i sommir.