Jeremaya 10:20 - Yennu Gbouŋ Mɔɔr

²⁰ Ti ŋei kpant langbenta. Ki ŋmiit nba tuu diar na cheera. Ti waas kur yaata, ki sɔɔ ji kaa ki saa ŋamm maa ti ŋei maŋi, sɔɔ kaa ki saa lor ti mɔŋmii na.”

Jeremaya 10:20 Iomraidhean Croise

JOB labaar 7:8

Bi laatin mɔtana, ŋaan ji kan ban lami. Li-i tee ki bi kpaanin, n sii kaa.

Barjokit 12:7

Toonbiit damm tuu tan baae ki bi naakuut kur n boont, ŋaan yentinna na ŋarin, bi naakuut yɔɔ see-e.

Aisaya 51:16

Mine jɔnn sanpaak, ki bia teen tingbouŋ fiakir, ki yet Jerusalem teeb a, ‘I tee n niibe. N turi n wannu, ki guuri nan n nuu.’ ”

Aisaya 51:18

Sɔɔ kaa ki saa ŋmakita. I ni sɔɔ kaa ki saa soor a nuu ki ŋmakitani.

Aisaya 54:2

Yarikit a ŋaak nba ki a be leŋ na, tantir li ŋmiit ki pukin li dachaata paŋ.

Jeremaya 30:17

N saa te ki yin la laafia, ki te ki i fiat na n buur, nan i datai na nba lek yeen a, ‘Sayɔnn tee digban-yanne, ki sɔɔ ki fiin u po’ na. Min Yennu-e pak na.”

Jeremaya 31:15

Ki Yennu yet a, “Fuur fu Rama doo ni, fuur nba tee kpemɔnii nan fabinii, ki Rachel mɔ u waas paak, ki bi barimɔ ki tan goo, kimaan u waas kaa.

Jeremaya 4:20

Biak yenn tuu gare, ki leer waa. Tiŋ na kur tee langbente. Ti ŋei na biira, ki li mɔpina na pat pat.

Fabinii 1:5

Ki u datai na nyannɔ, ki diau nan yiikoo. Yennu-e te ki u di biak na, u toonbichiɔŋ paak. Bi soor u waas ki yaat namma.

Maika 2:9

Ki i waa beer n niib nba tee poob ki nyintib bi ŋaŋanii ni, ki bia ŋmaab bi waas, ki gaan piisin nba tee bi yar mɔkmɔk nan mɔkmɔk.