Jeremaya 10:19 - Yennu Gbouŋ Mɔɔr

¹⁹ Ki Jerusalem teeb yikin a, “Ti la daŋ bonchiann, ki ti fiat maŋ kan buuri, ki ti bo dukii a li tee linba ki ti saa fit gubin gaare.

Jeremaya 10:19 Iomraidhean Croise

Yaŋ 39:9

N ŋmine, n kan yet mɔbonsiari, kimaan fine te ki n di fara na.

Yaŋ 77:10

Ki n ji yet a, “Linba daamiin bonchiann tee nnae: Yennu ji ki dia u panchiɔŋ na ki sommititi.”

Aisaya 8:17

Yennu bɔr u mɔŋe u niib boor, ŋaan ki n teenɔ yada, ki jii n dindann ki maa u paak.

Jeremaya 14:17

Ki Yennu wannin a n pak tur niib na ki jiin n parbiir po ki yet a, “N ninnyuut-ii luun yonnu nan nyiɔk. N kan nyik mɔnii, kimaan n niib la daŋ bonchiann ki li gbatiba.

Jeremaya 14:7

N niib bui ki fabin turin a, ‘Yennu, ti para ni beerit nan ti biira, ŋaan a sommit nan faa senn mɔsonn na. Ti nyika ki li wei bonchiann, ti tun biirawa.

Jeremaya 17:13

Yennu, fine tee Israel teeb dindann, binba yêta na kur saa di feiwa. Bi saa bot nan baa tuu sɔb sana tanbiinii ni nae, kimaan bi yêt fin Yennu nba tee bunbunn nba teen nyunŋanin nawa.

Jeremaya 4:19

Tont be. N kan fit gubin gaar tont na. N wub! N wub ton bonchiann. N kan fit ŋmini. N gbia naatuna nan tɔb hootii.

Jeremaya 4:31

N gbat mɔŋ, ki li tee nan poo nba tuu yaa wun mar na, ki gbat wuyikiŋ ki li naan nan poo nba tuu yaa wun mar u sapaanmar na. Jerusalem mɔ ki loon wamaasin wun foont, ki tantir u nuu ki yeen a, “N boonta. Bi baate a bin kpin.”

Jeremaya 8:21

N niib nba la biiru na paak teen ki n par biir. N mɔ kpemɔniie, n ki mɔk parmaasir nan waama.

Jeremaya 9:1

N sunman ki n yur bo tee bunbunne, ki n ninbina tee ninnyuut nyuntonn, ki man bo bui n niib nba ki bi kpiib na paak, yonnu nan nyiɔk.

Fabinii 1:2

U tuu bui nyɔtunmunn, ki ninnyuut lɔ siik u kpianii ni, ki u yɔkperii na kur, sɔɔ ki biar ki saa maan u pari. Ki u tɔknanleeb na kur gbii u paak, ki ji tee u datai.

Fabinii 3:48

Ki ninnyuut nyi n ninbina ni ki puub nan kpenu na, kimaan n niib biiru na paak.

Maika 7:9

Ti tun biit ki biir Yennu-wa, li paak ti saa kɔɔ u wutoor ni waama, ŋaan li joontu u tan saa kɔn ti paak, ki dat ti datai tuba nan baa tun linba ki turit na paaka. U tan saa nyinnit ki baar nant yentu ni. Ki ti sii be ti manfoor ni, ki la waa saa tinnit biaŋinba.