Jeremaya 10:12 - Yennu Gbouŋ Mɔɔr

¹² Yennu jii u yiikooe ki nan tingbouŋ na, ki jii u subinii ki nan durinya na, ki tant sanpaak.

Jeremaya 10:12 Iomraidhean Croise

Pinpiik 1:1

Pinpiik ni dinn ki Yennu nan sanpaak nan tiŋ.

Pinpiik 2:5

bonbubursiar daa din ki be, ki bonpipiasiar mun daa din ki pia, kimaan ŋɔɔ Yennu daa din ki te saak baa tiŋ na paaki, ki nisaarik bia din kaa ki saa ko tiŋ na,

1 Barkperii 16:26

kimaan digbanlia yenbis na kur tee yanne, ŋaan Yennu-e nan sanpaak,

JOB labaar 26:7

Yennu-e tant sanpaak nba be niigaŋ po na, ki jɔnn tingbouŋ na, ki siar ki diari.

JOB labaar 37:18

A saa fit somm Yennu ki wun lat sanpaak na, ki ŋammir ki lii wakii nan kut nawa-a?

JOB labaar 9:8

Sɔɔ ki somm Yennu ki u lat sanpagbanti, koo ki sommɔ ki u ŋmaat nyun ni bonsusoouk paaki.

Yaŋ 104:2

A gbee nan yabinte nan baakir, ki gbab yentu, ki li linta nan chinchenn na. A tant sanpagbouŋ nan nyungbouŋ nae,

Yaŋ 104:24

Yennu, a nan bona bonchiann. A nan li kur nan subinchiɔŋo; tingbouŋ na gbee nan a naamiie.

Yaŋ 119:90

A binbenŋaŋ yɔɔ be-e maaru kur ni, fine senn tingbouŋ na li seenu ni.

Yaŋ 24:2

Ki u nan tingbouŋ ki paan mɔkgbeŋa paak, ki teen li fiakir ki li be nyun tiŋ po.

Yaŋ 33:6

Yennu yet mɔmaame ki nan sanpaapo, ki bia yet mɔbonn ki li nan yonnu nan ŋmaarik nan ŋmaabira,

Yaŋ 65:7

Mɔka nyunpana nba fi biaŋinba, ŋaan fine te ki li baŋit, ki fit so nyunpana fuur; ki niib-i tɔɔ jat paak, fine fit sikint bi wutoa.

Yaŋ 78:69

Leŋe ki u maa u ŋasaakak, ki li fɔk nan sanpaak na, ki te ki li yoo be nan tingbouŋ nba yoo be na.

Yaŋ 93:1

Yennu-e tee kpanbar, u gbee nan yabinte nan paŋ, u senn tingbouŋ na fanue, ki li kan ban nyat.

Barjokit 3:19

Yennu din nan tingbouŋ nan u yanfoome; ki jii u bannu ki nan sanpaak.

Barjokit 30:4

Ŋmee mi bann sanpaapo bannu? Ŋmee mi soor wouŋ u nuu ni? koo ki mi pɔbin nyun chinchenn ni? koo ki chaan tiŋ terii? Li daanɔ tee ŋmee ki a miu? Ki ŋmee tee u bija?

Aisaya 37:16

“Yabint Yomdaanɔ, timm Israel teeb Yennu nba kar a naan binbintir paak, bona nba mɔk kpinkpant na paapo, fin kɔɔe tee Yennu, ki dia durinya na naan gbant kur. Fine nan tingbouŋ nan sanpaak.

Aisaya 40:22

Wunba kar u naan gbant paak nae din nan durinya na. U be tingbouŋ nan sanpaak liik poewa, ki nisaarii nba be tingbouŋ na ni waar ki tee nan lannyanii na. Ŋɔɔe jɔnn sanpagbouŋ na nan jinjɔŋ na, ki li naan diiuk nba ki nirɔ sii be li ni.

Aisaya 42:5

Yennu-e nan sanpaak ki jɔnnir, ki ŋamm tingbouŋ na nan linba kur be li ni, ki tur li niib kur manfoor nan foon. Ki mɔtana, Yomdaanɔ Yennu maŋe yet u toontunnɔ a,

Aisaya 44:24

“Mine tee Yennu, ki tee i tinntɔɔ. Mine tee wunba nami. Mine tee Yennu nba nan bont kur. Min kɔɔe din jɔnn sanpaak. Maa din naan tingbouŋ na yoo nba, sɔɔ ki sommin.

Aisaya 45:12

Mine nan tingbouŋ na, ki nan nisaarii a bii be leŋ. N jii n yiikooe ki jɔnn sanpaak, mine ŋmakitir yonnu nan ŋmaarik nan ŋmaabira.

Aisaya 45:18

Yennu-e nan sanpaak, ŋɔɔe tee Yenmɔnu. Ŋɔɔe nan tingbouŋ na, ki li see fanu, ki bia saa wei. U ki namir ki li dɔɔ yann kaa, ŋaan u te ki li tee boor nba ki niib sii be-e. Ŋɔɔe yet a, “Mine tee Yennu, ki yenlɔɔ ji kaa ki pukini.

Aisaya 48:13

N niie din nan tingbouŋ na fiakir ki jɔnn sanpaak. Mi-i yiin tiŋ nan sanpaak, bi tuu baare yian, ki jii bi mɔŋ ki turin.

Aisaya 49:8

Yennu yet u niib a, “Yoo-i baar nan man tinni, n saa sommi, ki saa gbat i mɔnii nba jiin sommir po na. N saa guuri ki nyinni, ki i paak, n saa lor mɔlor nan nibooru kur. N saa te ki yin ŋamm kar i tiŋ nba dɔɔ yann na ni.

Jeremaya 10:13

U tur mɔbe, ki nyun nba be sanpagbouŋ liik po na fu. Ŋɔɔe te ki sanpagbant nyi siar kur po ki lakii. Ŋɔɔe te ki sanyikintii nyikintir, ki wonpaaruk nyi u boore ki da.

Jeremaya 10:16

Israel teeb Yennu na ki tee nan pata maŋ na kaa, ŋɔɔe nan bona kur, ki gann Israel teeb a bii tee u tiɔŋ niib; u sanne tee Yabint Yennu.

Jeremaya 14:22

Tingbana na sɔɔ kaa ki saa fit tur saaki. Sanpaak mɔŋ kan fit te saak n baa. Ti teen ti dindann fin ti Yomdaanɔ Yennu nie, kimaan fine tuun linba na kura.

Jeremaya 27:5

“N yiikochiɔŋ nan n paŋ nie ki n nan durinya nan nisaarii nan bonkobit nba kur be tingbouŋ na paak, ki tuu jiib tur wunba ki n loon.

Jeremaya 32:17

“Yabint Yennu, a jii a paŋ nan a yabinte ki nan tiŋ nan sanpaak. Siar kaa ki paar turani.

Sekaria 12:1

Mɔmaan nba na nyii Yennu nba nan sanpaak nan tingbouŋ ki tur nisaarik manfoor na boore, ki teen Israel teeb. U yet a,

Jɔɔnn 1:3

ki u nie ki Yennu nan bont kur, ki siar din kaa ki Yennu nan ki li ki nyii u ni,

Kolosa teeb 1:16

kimaan u nie ki Yennu din nan bonsiar kur nba be sanpaapo nan tingbouŋ na ni. Ŋɔɔe din nan taa laat bona nba, nan taa ki laat bona nba kur, narimii nba tee yentdamm, nan yomdamm, nan yudamm, nan yiikoo damm. Li din nyii Masia nie ki Yennu nan bonsiar kura ki jii bonsiar kur turɔ.