Jeems 5:4 - Yennu Gbouŋ Mɔɔr

⁴ I ŋmab i toontunna nba jaan i dii kpaant ni na, ki ki pabi, ki bi mɔ; ki bi mɔnii na kɔɔ Yabint Yennu tuba ni.

Yennu Gbounpaauŋ Mɔɔr

⁴ I ŋmab i toontunna binba jaan i dii i kpaant ni na, ŋaan ki pabi, ki bi mɔ; ki bi mɔnii na kɔɔ yabint Yennu tuba ni.

Jeems 5:4 Iomraidhean Croise

Pinpiik 4:10

Ki Yennu yet a, “Bee ki a tun nna? Gbiintir, a waarɔ sɔn yikin, ki nyi tiŋ ni ki baatin.

JOB labaar 34:28

Bi mukis nandamm, ki bi fabin ki teen Yennu, ki u gbia bi fabinii nba loon sommir na.

JOB labaar 7:2

ki bia tee nan daabir nba lin loon maasu boor na, ki tee nan toontunnɔ nba tuu guu a wun gaar paauk biaŋinba na.

Yaŋ 9:12

Yennu tian daansiab nba be fara niŋ na po, u ki tammit bi mɔnii po, u daar binba dintib biak na tuba.

Nyinu 22:27

kimaan ŋanne tee linba ki u saa lia ki dɔkin waat. Fi-i kii turɔ, u ji saa lia bee ki dɔɔri? Li-i tee ki u bui fabin ki yiinin ki loon sommir, n saa gat ki turɔwa, kimaan n mɔk ninbatinu.

Nyinu 3:9

N setik gbat n niib mɔnii, ki la Ijipt teeb na nba dintib biak biaŋinbawa.

Aisaya 1:9

Yabint Yennu-i bonni kii foor siab, Jerusalem bo saa biire nan Sodom nan Gomora doi na.

Aisaya 5:7

Israel teebe tee Yabint Yennu daan tiinii kpaab; Juda teebe tee daan tiinii nba ki u bur. U daan a bin tun linba ŋane, ŋaan ki bi kpi niib. U daan a bin tun linba tooke, ŋaan binba ki bi mukisib na mɔ ki loon sommir.

Aisaya 5:9

N gbat ki Yabint Yennu yeen a, “Ŋagbeŋa nba fan bonchiann na, ŋaan li kan yukir kaawa, ki li sii see langbenkoont.

Jeremaya 22:13

Biiru be wunba jii fobit ki maa u ŋaak, ki jii ŋmabir ki yarikir na paak; wunba te ki u doo ni niib tuun toonn yann, ki u ki pab na paak.

Liifai teeb 19:13

“A daa fiar koo ki ŋmab lɔɔ. Daa ŋmab wunba tun a toonn ki kan pau u likirii, a daa dia u likirii ki li yentir sanyiɔku.

Habakuk 2:11

I ŋaadikpina tana na yikine, ki biiri, ki yɔkaa na mun bia mɔ li bannu.

Malakai 3:5

Yabint Yennu yet a, “N saa baar i boor ki tan bu binba tee jabaabuura, nan bonchonchona, nan faak siara damm, nan binba ŋmaab bi toontunna bi paauk ni, nan binba fiar pakɔi nan kpeebii nan nigamm bona, nan binba kur ki teenin baakir na buut.”

Matiu 9:37

Ŋanne ki u bet u poorpoweiteeb a “Dii na beer ki bia yaba, ŋaan ki dijaara waar.

Barŋanii nba ki LUK din sɔb nae na 18:7

Waa yaa u saa turɔ mɔnii na, ki Yennu nigannkab nba meiɔ yonnu nan nyiɔk na, ŋɔɔ Yennu kan bu ki turibi-i? U saa taantira-a?

Rom Teeb 9:29

Li tee nan Aisaya maŋ nba bia din yet nae a, “Ti yabint Yennu-i bonni kii tennit waas, li bo tan saa tun turit nan laa din tun Sodom nan Gomora doi ni niib biaŋinba nae.”

Sennu 15:9

A daa yêen nan fin kpentɔ siari, ŋaan yaa pann piinu binn per na. I daa te ki dudukbiit maŋ kɔɔ i yur ni. Li-i tee ki a yêt nan fin kpentɔ, u saa fabine ki lin baar Yennu, ki fin kɔɔ biit ni.

Kolosa teeb 4:1

Yomdamm, ii tuun fanu kii teen i daaba man, kii mi nan i mɔŋ mun mɔk Yomdaanɔ Yendɔuŋ ni.