Jeems 4:9 - Yennu Gbouŋ Mɔɔr

⁹ Ii mɔk parbiir kii bui kii fabin i biit paak; i ji daa laa, ii mɔ man; ki ŋaan ki i parpeenn n kpant parbiir.

Yennu Gbounpaauŋ Mɔɔr

⁹ Yii mɔk parbiir ki bui nan ninnyuut i biit paak; i daa ji laa, yii mɔ man; ki ŋaan ki i parpeenn-n kpint ki teen parbiir.

Jeems 4:9 Iomraidhean Croise

Nehemaya 8:9

Yoo nba ki niib na gbat sennu na nba loon biaŋinba na, ki li damm bi para, ki bi jak mɔnii. Ki Nehemaya, wunba tee yent yudaanɔ na, nan Esra, wunba tee manntɔɔ ki bia tee sennu maŋ banntɔɔ na, nan Liifai teeb nba wantib sennu na, bet niib na kur a, “Dinna tee kasii daare ki tur ti Yomdaanɔ Yennu, li paak, i daa fabin koo ki mɔ.

JOB labaar 30:31

Siaminba ki n tuu gbia jinjeruk nan kpinkpammuk na, mɔtana n ji gbia fabinii nan mɔniie leŋ.

Yaŋ 119:136

N ninnyuut puub nan mɔkir nae, kimaan niib nba ki dia a sennu na paak.

Yaŋ 119:67

N tuu tuun ki kpete, ki a daar n tubir, ŋaan mɔtana n saak a mɔb.

Yaŋ 119:71

N tubdatu na ŋammime, kimaan li te ki n tumii a senniie.

Barjokit 14:13

Laat tuu dɔkin parbiire waan, ŋaan parpeenn-i yaat yoo nba, parbiir bee yoo kur.

Banntɔɔ 2:2

N tan la nan laat tee jatiie, ki bia la nan manu dinu ki sommita siari.

Jeremaya 31:13

Ki sapaamm saa waa waak ki mɔk parpeenn, ki naasimm nan jakpera sii kpamm. N saa maan bi para, ki saa kpint bi mɔnii na ki teen kpinkpammuk, ki kpint bi parbiir ki teen parmaasir.

Jeremaya 31:9

N niib sii jent ki mɔe, ki mein yoo nba ki n kpent namm na. N saa saan namm kpenii nba mɔk nyun boor, ki tɔkin namm sɔnu nba kaa boota, ki bi kan gbiat. N tee nan baa nae ki tur Israel teeb, ki Efraim boorue tee n bijakper.”

Fabinii 5:15

Parpeenn nyii ti binbeŋ niwa, ki parbiir gaar ti sawaanu yiar.

Esekiel 16:63

N saa nyik chaba a biit, ŋaan a saa dukin a yanbɔmm po, ki fei saa di-a, ki a kan fit yet mɔbonni.” Min Yabint Yennu-e paak na.

Esekiel 7:16

Ki binba biar ki mɔk manfoa na, bi siab saa chiar ki do kunkona paak, nan ŋmana nba tuu tin jaŋmaanii ki yukir nyi baat ni biaŋinba na. Ki bi kur saa fabin bi toonbiit paak.

Matiu 21:41

Ki bi jiin a, “U saa kpi toonbiit damm maŋ gbenna, ŋaan jii u kpaab maŋ ki tur toontunsiab nba saa sak kii yɔɔ kii teenɔ li lɔɔna, punpɔɔr yoo.”

Matiu 5:4

“Binba mɔ ki fabin, parpeenn tee bi yare, kimaan Yennu saa maan bi parawa.

Barŋanii nba ki LUK din sɔb nae na 16:25

Ŋaan ki Abraham yetɔ a ‘N bik, tiat faa tuu be a manfoor ni na, a tuu mɔk bonŋanae, ŋaan Lasarus mun mɔk bonbiit. Mɔtana u be u yamanie nna na, ŋaan fine ji be biak ni na.

Barŋanii nba ki LUK din sɔb nae na 6:21

Yimm nba ki kon mɔki mɔtana, parpeenn tee i yare, kimaan i tan saa gboowa. Yimm nba mɔ mɔtana, parpeenn tee i yare, kimaan i tan sii laae.

Barŋanii nba ki LUK din sɔb nae na 6:25

“Yimm nba gboo mɔtana, li sii bi i paak, kimaan kon tan saa gbatiwa. “Yimm nba laa mɔtana, li sii bi i paak, kimaan i tan sii fabin ki mɔ.