Jeems 4:10 - Yennu Gbouŋ Mɔɔr

¹⁰ Sikint i mɔŋ Yennu tɔɔnn, ki wun donni.

Yennu Gbounpaauŋ Mɔɔr

¹⁰ Sikint i mɔŋ ti Yomdaanɔ tɔɔnn, ki u sa donni.

Jeems 4:10 Iomraidhean Croise

2 Barkperii 7:14

ki li te ki n niib na miarin, ki mɔ kɔɔ bi biit paak, ki nyik bi toonbiit nba ki bi tuun na, maa be yendɔuŋ ni na, n saa gbat turib, ki nyik chab bi yanbɔmm, ŋaan ŋamm bi tiŋ ki turib.

JOB labaar 22:29

Yennu-e sikint karinbaandaanɔ, ŋaan tint sikin-n-mɔŋ daanɔ.

JOB labaar 5:11

Barmɔnii, Yennu dont sikin-n-mɔŋ damm, ki bia teen binba mɔ fabin na parpeenn.

Yaŋ 113:7

U tuu fiin talas damm tanbiinii nie, ki nyinn nandamm na bi ninbaatir ni,

Yaŋ 147:6

Yennu-e dont binba mɔk sikin-n-mɔŋ na, ŋaan sikint biit damm na tiŋ ni.

Yaŋ 27:6

Ki n saa nyann n datai nba lintin na; ki u ŋasaakak niŋe ki n saa yikin nan kpinkpammuk, ki mann maruŋ, ki yin yaŋ ki dont Yennu.

Yaŋ 28:9

Yennu, tint a niib, ki teen piisin bi paak, kii kpaarib nan yoo nba kaa paak.

Yaŋ 30:1

Yennu, n piak a sann, kimaan a fatima, a ki te ki n datai laami.

Nyinu 10:3

Ki Moses nan Aarɔnn saan kpanbar na boor ki saa yetɔ a, “Timm Hiibru teeb Yomdaanɔ Yennu yet a, ‘Taar munŋaae ki a saa yêt fan sikin a mɔŋ ki turimi? Chabin n niib ki bin saan ki jiantin.

Barjokit 29:23

Karinbaaniie baat nan baak, ŋaan fi-i sikin a mɔŋ bi sii baakitae.

Esekiel 21:26

Min Yabint Yennu-e pak na. Yitir a naan fokirik nan yufintu na. Siar ki be ki ji sii tun tee li bannu. Fiint nandamm na ki turib paŋ, ki sikin binba dia doo na.

Matiu 23:12

Wunba dont u mɔŋ, Yennu tan saa sikinɔwa; ŋaan wunba sikint u mɔŋ, Yennu-e tan saa donnɔ.”

Barŋanii nba ki LUK din sɔb nae na 1:52

ki liat kpanbara, ŋaan donn tatimm,

Barŋanii nba ki LUK din sɔb nae na 14:11

Kimaan wunba kur dont u mɔŋ, Yennu tan saa sikinɔ; ŋaan wunba sikint u mɔŋ, Yennu tan saa donnɔ.”

Barŋanii nba ki LUK din sɔb nae na 18:14

Ki Yiisa ŋamm yetib a “N beerie, lampogaartɔɔ nae, li ki tee Farisii nirɔ na kaa, ki Yennu din sak u miaru ki gaarɔ, ki u ji kun. Wunba kur dont u mɔŋ, Yennu saa sikinɔ; ŋaan wunba mun sikint u mɔŋ, Yennu tan saa donnɔ.”

1 Piita 5:6

Li paak, ii sikin i mɔŋ ki teen Yabint Yennu nuu ni, ki u saa donni yoo nba ki u loon.

1 Samuel 2:7

U te ki siab namii, ki siab mun mɔkitir. U sikint siab, ŋaan tee siab nijaana.

1 Samuel 2:9

“U guu niŋamm manfoa, ŋaan te ki nibiit na kpakin bunbɔnn ni. Nirɔ paŋ kaa te ki u laat nyannu.