Jeems 3:8 - Yennu Gbouŋ Mɔɔr

⁸ ŋaan nisaarik kan fit soor u jerinn. Li mɔk biite, ki gbee nan lɔbii nba baat nan kuun, ki bia ki foi.

Yennu Gbounpaauŋ Mɔɔr

⁸ ŋaan nisaarik kan fit soor jerinn; li mɔk biite, ki bia gbee nan lɔbii nba baat nan kuun, ki bia ki foi.

Jeems 3:8 Iomraidhean Croise

Yaŋ 140:3

Bi mɔi ton nan waalabirii yara nae, ki bi maan ton nan waajiɔŋ lɔbit na.

Yaŋ 55:21

Ki u mɔb ban ki gar kpan, ŋaan ki naŋ gbee u para; ki u mɔmaan ŋarii ki gar kpan, ŋaan porii yian nan jukbanjai na.

Yaŋ 57:4

N datai lintima, ki naan nan yanbɔra nba so niib na, ki bi nyana tee nan kpana nan tɔrbann peenii na, ki bi jerima di nan jukbanjai na.

Yaŋ 58:4

Ki bi mɔi gbee nan lɔbiie, nan waalabirii yar na, ki kpaa bi tuba nan waajiant nba kpaa bi tuba biaŋinba na,

Yaŋ 59:7

Gbiintir sukit nan mabiit nba nyi bi mɔi ni. Ki bi jerima tee nan jukbanjai na ki nyi bi mɔi ni, ki bi dukii nan sɔɔ ki gbia baa yeen linba na.

Barjokit 17:20

Wunba dukii biit, ki bia piak mɔbonbiit kan la bonŋansiari, see biiru kuukɔɔ.

Banntɔɔ 10:11

Li-i tee ki a mi waauk sooru ki tan ŋaan ki u juma sinsinni, u sooru ji kan somma.

Rom Teeb 3:13

bi mɔi yaa nan kayaant nae, ki fai nyi bi mɔi maŋ ni, ki linba nyi bi mɔi ni tee nan waauk lɔbii na;

Sennu 32:33

ki tee nan daan nba ki bi jii walabiri lɔbii ki ŋaa na.

Jeems 3:6

Jerinn tee nan muu nae; li tee ti gbanant bɔkire ki mɔk biitbooru booru, ki saa fit biir ti gbanant kur, ki bia di nisaarik binbeŋ nan muu na; li muu nyii Sintaanii boore.

Jeems 3:7

Nisaarike mɔk bonkobit, nan nɔɔnii, nan wai, nan nyun ni bona kur yaak,

Fiitu 12:9

ki bi nyinn waakperbiiuk na; u poŋ tuu tee waauk nba be-ewa, ki u sann tee Sanbiirtɔɔ koo Sintaanii, ki tuu kpann tingbouŋ na teeb kur na. Ki bi nyinn ŋɔɔ nan u malakanba ki lub tingbouŋ na ni.