Jeems 1:6 - Yennu Gbouŋ Mɔɔr

⁶ Fi-i mei Yennu, fan teen yada ki daa mɔk birsuku; ŋaan wunba meiɔ nan birsuk, u tee nan mɔkgbeŋir nyunpana nba ki wouŋ tuu da ki li fi ki baa nae.

Yennu Gbounpaauŋ Mɔɔr

⁶ Fi-i mei Yennu, fan teen yada ki daa mɔk birsuku; ŋaan fin nba meiɔ nan birsuk, a tee kaman nan mɔkgbeŋŋir nyunpana nba ki wouŋ da ki li fi ki baa nee.

Jeems 1:6 Iomraidhean Croise

Pinpiik 49:4

A tee nan nyunmɔnn nba gaar nae, ŋaan fin kaa sii tee wunba kpaa talasi, kimaan a dɔɔ nan n ŋaapoowa, ki dinn min a baa fei.

Matiu 14:28

Ki Piita yetɔ a “N Yomdaanɔ, li-i setiki tee finie, fan te ki n somm nyun na paak ki cheta.”

Toona 10:20

Li paak, fiit ki sik, ki daa biris nan a tɔk nammi, kimaan mine tumm.”

Efesus teeb 4:14

Ti ji kii tee waas kaa, ki nibiit nan kpinkpannii damm sii diat laŋ, nan baa tee nileeb biaŋinba na.

1 Timoti 2:8

N loon ki jab-ii mei Yennu siar kur boor. Jab nba set tee popeendamm ki ki mɔk wutoor koo mɔniɔk na saa fit donn bi nii sanpaapo ki miar Yennu.

Hiibru teeb 10:23

Ii ŋaan ki tii dia dindann nba ki ti fiit wann na fanu ki daa birisi, kimaan wunba din senn mɔsonn ki turit na tee barmɔnii daanɔe.

Hiibru teeb 11:6

Nirɔ-i kii teen Yennu yada, li yɔɔ kan fit penn ŋɔɔ Yennu pari, kimaan wunba kur baat Yennu boor, li kpaa talas ki li yɔɔ n teen yada nan Yennu set be, ki teen binba loonɔ na nyɔɔt.

Hiibru teeb 13:9

I daa ŋaant ki wannsaanbooru booru n boonini, ki i tan saa mann tut sɔnŋanu maŋ. Li ŋan ki Yennu sommir n tur nirɔ paŋ u par ni; jeet sennii nba jiin jeet dinu po weiu kan turɔ paŋi. Nisiab nba dia jeet sennii na poŋ ki laat sommsiar li ni.

Jeems 1:7

Li nibooru daa dukii nan u saa la siar Yennu boori,

Jeems 5:15

Bi-i miar nan yada, u saa la laafiawa, ti Yomdaanɔe saa te ki wun la laafia; ki li-i tee ki u tun toonbiitie, Yennu saa nyik u biit maŋ ki chabɔ.

2 Piita 2:17

Niib maŋ booru tee nan bunbunn nba kaa nyun nae; bi tee nan sayuŋ nba ki wouŋ tuu gaanɔ nae. Yennu tan saa jiib ki lub bunbɔnchiɔŋ ni, mɔkmɔk nan mɔkmɔk.