Jeems 1:12 - Yennu Gbouŋ Mɔɔr

¹² Binba nyann bikinu, parpeenn tee bi yare, kimaan Yennu saa turib nyɔɔt nba tee manfoor nba ki u din senn mɔsonn a u saa tur binba loonɔ na.

Yennu Gbounpaauŋ Mɔɔr

¹² Binba nyann bikinu na, parpeenn tee bi yare, kimaan Yennu sa turib nyɔɔt nba tee manfoor nba ki u din senn mɔsonn a u sa tur binba loonɔ na.

Jeems 1:12 Iomraidhean Croise

Pinpiik 22:1

Sian yoo ki Yennu din tan bikin Abraham. U din yiinɔe a, “Abraham,” ki Abraham toon a, “Mine na.”

Nehemaya 1:5

“N Yomdaanɔ Yennu nba be Yendɔuŋ ni, a tee Yenjaanne, ki ti tiina jaŋmaanii. A dia a mɔlora fanu nan binba loona ki bia saak a mɔb.

JOB labaar 2:10

Ki Job jiin a, “A piak baryanae na. Li-i tee ki Yennu turit bonŋansiar, ti tuu gaarire fanu, ki nlee ki ti sii piak biirɔ, li-i tee ki u te daamii baariti.” Daamii nba na kur ni lek, ŋaan Job ki yet siar ki biir Yennu.

JOB labaar 5:17

Parpeenn be daanɔ nba ki Yennu ŋmakitirɔ na paak. A daa biir a par, li-i tee ki u yakii nana.

Yaŋ 11:5

U bikii niŋamm nan biitdamm kure. U ki loon tubkangbata damm na.

Yaŋ 119:67

N tuu tuun ki kpete, ki a daar n tubir, ŋaan mɔtana n saak a mɔb.

Yaŋ 119:71

N tubdatu na ŋammime, kimaan li te ki n tumii a senniie.

Yaŋ 119:75

Yennu, n mi nan a sennii tee kasiie, ki a mɔk mɔnii nan faa dat n tubir na.

Yaŋ 5:11

Ŋaan binba kur teena yada na be nan parpeenn, ki saa fit yin parpeenn yanii. Ii guu daansiab nba loona na, kimaan a paake ki bi mɔk parpeenn.

Yaŋ 94:12

Yennu, parpeenn be daanɔ nba ki a tumiiɔ na paak, wunba ki a wantɔ a sennu na.

Nyinu 20:6

ŋaan want n lomm ki teen binba loonin ki saak n mɔb na yaaboona tusaa tusaa.

Barjokit 17:3

Bi tuu jii muue ki bikin salimmɔna nan salimpeena, ŋaan nisaarik par ŋarin, Yennu-e bikii.

Aisaya 64:4

Sɔɔ ki ban la, koo ki gbat yensau po ki u tee nan fin na, ki tuun li toonbooru ki teen binba teen bi dindann u ni na.

Sekaria 13:9

Ki n saa bikin bɔkyenn nba biar bi manfoa ni na, ki ŋammib, nan biaŋinba ki bi tuu pur salimpeena muu ni ki ŋammir na. N saa bikimm nan baa tuu bikin salimmɔna biaŋinba nae, ki bi ji saa miarin, ki n gat bi miaru maŋ. N saa betib nan bi tee n niibe, ki bi saa jiin a mine tee bi Yennu.”

Matiu 10:22

Ki sɔɔ kur tan sii nami kimaan yaa waan na paak; ŋaan wunba tan gubin nan biak yoo na joontu tan saa la tinnuwa.

Matiu 25:34

Ki min Bat saa yet binba see n niidiitu po na a ‘Yimm nba ki n Baa Yennu teen piisin i paak na, ii saana man ki tan kɔɔ naan nba ki Yennu ŋamm ki guuni durinya piinu niwa na,

Barŋanii nba ki LUK din sɔb nae na 6:22

“Niib-i nami ki bɔkitiri, ki sukii-i ki biir i sana, kimaan yaa waa min nisaarik Bik na paak, parpeenn tee i yare.

Rom Teeb 5:4

ki sukuru mun baat nan binbenŋaŋ, ki binbenŋaŋ mun baat nan dindann,

Rom Teeb 8:28

Binba ki Yennu yiimm na, u mɔk linba paak ki u yiimme, ki bi mɔk lomm nanɔ, ki ti mi nan linba kur tuun, u te ki li tee bonŋann ki teen ŋamme.

1 Korint teeb 2:9

Li sɔb Yennu gbouŋ ni a: “Linba ki nirɔ ki la, ki bia ki gbati, linba ki nirɔ ki dukin a li saa fit teen na, ŋanne ki Yennu teenir siir ki guun binba loonɔ na.”

1 Korint teeb 8:3

Daanɔ nba loon Yennu, ŋɔɔe ki Yennu miu.

1 Korint teeb 9:25

Nantatinna kur so bi mɔŋe bont kur ni a bin gaar paatii nba ki wa nan lin gbenn na, ŋaan timm so ti mɔŋ a ti tan gaar paatii nba kaa gbennue.

Sennu 13:3

ŋaan a daa gbiin. Yennu-e jiiu a wun bikina, ki laan a loon ŋɔɔ Yennu nan a par kurii.

Sennu 7:9

Ii mi man nan i Yomdaanɔ Yennu kɔɔe tee Yennu, ki tee barmɔnii daanɔ, ki dia u mɔlor nan u ninbatinu ki teen binba loonɔ mɔtana, nan yaaboona nba saa wei tusir.

Sennu 8:2

Tiat biaŋinba ki i Yomdaanɔ Yennu ŋmakiti sɔnfoouk nba ki i tɔkin bina piinna nba gar, kunkoouk paak na, ki baar nan wahala ki bikini, ki loon lin fiit i para, ki wun bann yaa saa sak ki dia u sennu na koo yaa kan dia.

2 Timoti 2:15

Yabit a mɔŋ paak ki Yennu n paka, kii tee toontunnɔ nba dia barmɔnii mɔmaan ki want niib fanu, ki tan daa di fei u toona ni.

2 Timoti 4:8

Li paak, nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ, wunba bu niib buut nan barmɔnii na tan saa turin nyɔɔt maŋ, buut daar. U tan kan tur min kuukɔɔ kaa, ŋaan u tan saa tur binba kur mun loon wun jen nae.

Hiibru teeb 10:32

Ii tian man yoo nba gar na labaar; Yennu maŋ yentu nba din yent i paak na poor po, i din dii biak bonchiann, ŋaan li siar din ki nyannini.

Hiibru teeb 11:17

Yoo nba ki Yennu din bikin Abraham na, u yada paake ki u din jii u bija Aisak, a wun mann mannu ki tur ŋɔɔ Yennu. Gotir, ŋɔɔ Abraham nba din gaar Yennu mɔsona maŋ na, ŋɔɔe bia din jii u biyemmir a wun mann mannu ki tur Yennu.

Hiibru teeb 12:5

I ki tian Yennu nba kpaani, nan baa nba tuu kpaan u waas biaŋinba na-a? Li sɔb a: “N bik, Yennu-i teena kpaanii yoo nba, fan gbiint, li-i tee ki u dat a tubir, faa daa nyikit a yabiru,

Hiibru teeb 6:15

Abraham din mɔk sukurue, ki tan gaar linba ki Yennu senn a u tan saa turɔ na.

Jeems 2:5

N naa walonkai, gbiintir man, Yennu-e gann binba tee nandamm tingbouŋ na niib boor, a bin teen mɔkita u boor, kimaan bi teenɔ yadae, ki teen u waas nba saa di naan nba ki u senn mɔsonn a u saa tur binba loonɔ na.

Jeems 5:11

Baa din mɔk gbankur na, ti yib parpeenn damme. I poŋ gbat Job nba din mɔk sukuru nan gbankur biaŋinba, ki li poorpo ki Yennu tan nyinnɔ u biak ni. Li want Yennu nba mɔk ninbatinu ki tiinit ninbaauk biaŋinbae.

1 Piita 3:14

Li-i lekii tee ki i la tubdatu i toonŋana paak, parpeenn sii tee i yare; i daa tiin nisaarik, ki bia daa te ki li daamiini.

1 Piita 4:13

Yaa di biak Masia paak na, ii mɔk parpeenn man, ki yoo nba ki u tan saa nyi paanu nan yentsaakar na, i saa la parpeenn bonchiann.

1 Piita 4:14

Bi-i sukii-i Masia sann paak, parpeenn tee i yare, kimaan Yennu Seyeeŋ nba mɔk paŋ bonchiann na be i ni.

1 Piita 5:10

Ŋaan li-i tee ki i dii biak yoo waaminna, Yennu nba mɔk ninbatinu kur na saa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u manu nba kaa gbennu na.

1 Piita 5:4

Ki Masia nba tee yudamm kur yudaanɔ na-i taŋi jen, i saa la nyɔɔt nba kan biiri.

1 Jɔɔnn 4:19

Yennu-e sint loonit; ŋanne teen ki ti mun mɔk lomm.

Fiitu 2:10

I daa tiin jaŋmaanii nan biak nba baat i paak na. Gotir man, Sintaanii saa te bin soor i siab ki kɔɔmm dansarik ki bikimm, i bia tan saa di biak ki saa dian daa piik; ŋaan ii teenin yada mɔkmɔk nan i kuun, ki n tan saa pi-i piinii nba tee manfoor.

Fiitu 3:19

Binba kur ki n loonib na, n kpaamme ki daar bi tuba. Li paak, nyikin man i toonbiit ki daa jerimi.

Fiitu 3:21

Wunba nyann nyannu na, n saa turɔ yaak ki wun tan lakin kar nanin, n naangbouŋ na paak, nan maa nyann nyannu kur ki lakin kar nan n Baa Yennu, u naangbouŋ paak biaŋinba na.