Jeems 1:10 - Yennu Gbouŋ Mɔɔr

¹⁰ ki ti naa waas nba tee mɔkita-ii munii mɔk yuugontir Yennu nba sikinib na paak, kimaan li kan yukiri ki bi saa gar nan mɔɔt puuk nba tuu koor ki baa na;

Yennu Gbounpaauŋ Mɔɔr

¹⁰ ki ti naa waas nba mun tee mɔkita-ii munii mɔk yuugontir Yennu nba sikinib na paak, kimaan li kan yukiri ki bi sa gar kaman nan tipuuk nba tuu koor ki baa na;

Jeems 1:10 Iomraidhean Croise

JOB labaar 14:2

Ti kpaatire, ki suur yian yian nan tipuuk na. Ti boore nan yunyuŋ nba boor biaŋinba na.

Yaŋ 102:11

N manfoor tee nan daajoouk yinyuŋ nae; ki n tee nan mɔkoont na.

Yaŋ 103:15

Timm ŋarin, ti manfoor tee nan mɔɔt nba tuu pia nae, ti tuu kpaat ki yite, ki tee nan tipuuk na,

Yaŋ 37:2

Bi tan saa boonte nan mɔɔt nba tuu koor na, ki bia kpo nan mɔmaata nba tuu tan koor na.

Yaŋ 39:6

Nisaarik tee nan yinyuŋ nae, waa tuun linba kur tee yanne. U kpaan mɔkint, ŋaan ki mi wunba tan saa yent.

Aisaya 40:6

Kunkɔr hoot a, “Mɔɔntir mɔmaan.” Ki n boi a, “Mɔmaan boorbee ki n saa mɔɔnti?” Ki kunkɔr na jiin a, “A mɔɔnt nan nisaarii kur tee nan mɔɔt nae. Bi ki yukii nan puuk nba ki yukii nae.

Aisaya 40:7

Mɔɔt tuu jɔɔke, ki puuk n koor, yoo nba ki Yennu tun wouŋ ki li da gar li paak. Nisaarii ki yukii nan mɔɔt nba ki yukii nae.

Aisaya 57:15

“Mine tee Yenjaann, ki bia tee kasii, ki yɔɔ be. N be sanpaapoe, siaminba tee kasii, ŋaan n bia be nan niib nba sikint bi mɔŋ ki nyik bi biit, a man maan bi para ki turib dindann.

Aisaya 66:2

N tiɔŋo nan durinya na kur. N par mei nan binba sikint bi mɔŋ ki mɔ kɔɔ bi biit paak nae, ki tee binba tiinin ki saak n mɔb na.

Matiu 5:3

“Binba mi nan Yennu-e teemm bont kur na, parpeenn tee bi yare, ŋamme tee Yennu naan ni yab.

Matiu 6:30

Yennu-i faŋit mɔɔt nba be dinna, ŋaan wonn ki bi joo muuwa na, u kan lannini-i? Yimm yadkanpɔɔna damm na!

1 Korint teeb 7:31

ki binba di tingbouŋ na manu, li ŋan ki bii be nan bi baka kaa leŋ na. Kimaan tingbouŋ na nba tee biaŋinba mɔtana na, li kan yukir nan garu.

Filipi teeb 3:8

Li ki tee li kuukɔɔ kaa ki mɔk nyɔɔt turimi; min yiin bonsiar kura linba kaa nyɔɔte; kimaan maa bann n Yomdaanɔ Yiisa Masia, ki li bannu nyɔɔt yab bonchiann na paak, kimaan u paake ki n fok bonsiar kur ki lu; min yi li kur tanpenn paak mɔɔte, maa n tan la Masia nan n ninbinn,

1 Timoti 6:17

A kpaan mɔkita na ki bi daa mɔk dont-n-mɔŋ, koo ki tee bi dindann mɔkint ni, kimaan li mɔkint tee wouŋo; ŋaan bin teen bi dindann kur Yennu ni; ŋɔɔe turit bont kur a ti gaar kii mɔk parpeenn.

Jeems 4:14

i ki mi linba saa baar wonni. I manfoor tee bee? Li tee nan wunn nba tuu baa sanyiɔk ni, ŋaan li-i yann lin yant nae.

1 Piita 1:24

Li sɔb Yennu gbouŋ ni a: “Nisaarik kur tee nan mɔɔt nae, ki u fant tee nan mɔɔt puuk na. Mɔɔt jɔɔkit ki li puut suur baa,

1 Jɔɔnn 2:17

Tingbouŋ na tan saa gbenn, ki tingbouŋ na ŋaateeb niɔŋ na mun bia saa gbenn, ŋaan wunba tuun Yennu yanbɔɔtoona, ŋɔɔe tan sii be mɔkmɔk nan mɔkmɔk.