Hosea 4:1 - Yennu Gbouŋ Mɔɔr

¹ Yennu mɔk maan nba ki u yaa wun pak biir Israel teeb nba kɔɔ tiŋ na ni na. Israel teeb, gbiintir maan nba ki Yennu yete na, “Sɔɔ ki be tiŋ na ni ki waan fanu, koo ki mɔk lommu, niib na bia ki mi min Yennu binbeŋ nba tee.

Hosea 4:1 Iomraidhean Croise

1 Kpanbara 22:19

Ki Mikaya ŋamii yeen a, “Tɔn, gbiintir linba ki Yennu piak. N la ki Yennu kar u binbintir paak Yendɔuŋ ni, ki u malakanba see u boor ni.

Yaŋ 81:9

I daa ban jiantir yensau.

Aisaya 1:10

Jerusalem, a diateeb nan a niib tee nan Sodom nan Gomora diateeb nan li niib nae. Gbiintir linba ki Yennu piaki na. Gbiintir linba ki u wanti na.

Aisaya 1:18

Yennu ŋamm yet a, “Ŋaant ki tin ŋamm maan maŋ. I toonbiit bɔnniwa, ŋaan n saa wuuri ki yin penn nan ŋmaarik na. I biit nba lek te ki i bɔn bonchiann na, ŋaan n saa wuuri ki yin penn nan pegbonpeeŋ na.

Aisaya 28:14

Yimm garuk damm nba kar Jerusalem ki dia niib na, ii gbiint linba ki Yennu piak na.

Aisaya 34:1

Digbana niib kur, baat man. Tikit man ki gbiint. Ŋaant durinya kur, nan wunba kur be li ni n baar nna, ki tan gbiint.

Aisaya 34:8

Yoo nba nae ki Yennu saa fat Sayɔnn doo, ki kɔn nan li datai.

Aisaya 5:3

Ŋanne ki n yɔɔk na yet a, “Yimm niib nba be Jerusalem nan Juda na, ii bu min nan n daan tiinii kpaab na buut.

Aisaya 59:4

I tuu saan buut, ŋaan ki ki mɔk mɔnii. I tuu loon yin jii faake ki di mɔnii. I tuu lor a yin paan leeb daŋe.

Aisaya 59:8

Ki yi-i baar sian, sɔɔ kur tuu weribe. Linba ki i tuun kur tee biite. I tɔk sɔnŋmarimae, ki wunba tɔk li sɔnu kur ki be u yamani.

Aisaya 66:5

Gbiintir linba ki Yennu piak, yimm nba tiinɔ ki bia saak u mɔb na a: “Yaa saak n mɔb na paak, ki i nisiab nami, ki ki mɔk siara lor nani. Bi laai ki yeen a, ‘Ŋaant ki Yennu n wann u paŋ ki tinni, ki tin la kii kpamm,’ ŋaan bi mɔŋe saa di fei.

Jeremaya 11:7

Maa din nyinn bi yeejamm Ijipt tiŋ ni, n din kpaanib nan bin sak n mɔb. N bia tukin kpaanib nnae nan dinna.

Jeremaya 19:3

U bia pakin a n yet a, “Juda kpanbara nan Jerusalem teeb, gbiintir linba ki min Yabint Daanɔ nba tee Israel teeb Yennu loon man pak turi. N yaa man baar nan biake nna, ki wunba kur gbat li po, li saa jek u gbanu.

Jeremaya 2:4

Gbiintir Yennu maan, yimm Jakɔb yaaboona nba tee Israel teeb na.

Jeremaya 2:9

Li paak, min Yennu saa ŋamm pak n maan ki jiin n niib po. N saa baar nan maan ki jiin bi yaaboona po.

Jeremaya 25:31

ki li fuut saa nik tingbouŋ na fiakir. Yennu mɔk maan nan digbana. U saa bu sɔɔ kur buut ki kpi biit damm na. Yennu-e pak na.’ ”

Jeremaya 34:4

Sedekaya, gbiintir linba ki n piak ki jiint a po na. Bi kan kpia tɔb niŋi.

Jeremaya 4:22

Yennu yet a, “N niib na tee bonliiniie. Bi ki mimi. Bi tee nan wajata nae ki ki mɔk bannu. Bi mi toonbiit tumue fanu, ŋaan gbar toonŋana tumu.”

Jeremaya 4:28

Tingbouŋ na saa bui kpemɔnii, ki sanpaak saa bɔnn. Yennu-e pak na, ki kan lebit u dudukiti, u soor sooruwa, ki kan ŋmat poori.

Jeremaya 5:4

Ki n dukin a, “Niib na tee tariie ki kaa yan, kimaan bi ki mi Yennu sɔnii, koo waa loon bii tuun linba.

Jeremaya 51:5

Min Yabint Yennu nba tee Yomdaanɔ na ki nyɔr nyik Israel teeb nan Juda teeb, nan baa lek tun ki biir min nba tee Israel teeb Kasii Yɔɔ na.

Jeremaya 6:13

Nijaana nan tarii kur loon bin tɔkin sɔnbiite ki la likirii, ki n sɔkiniinba nan mannteeb ŋmaab niib na.

Jeremaya 7:28

A saa pakib nan bi digbann na ki sak min nba tee bi Yomdaanɔ Yennu na mɔbi, koo ki tumii yan bi tubdatu ni. Mamɔmm kpowa. Sɔɔ poŋ ji ki piak li po.

Jeremaya 9:20

Ki n yet a, “Yimm poob n gbiint ki tur Yennu; ki i baka-ii be u maan ni. Ii tumii i bonpoi kpemɔnii, ki wann i yɔɔsnba kuun yanii yinu.

Jeremaya 9:3

Bi teen siir nan faake yoo kur, bi nyik mamɔmme ŋaan dia doo na nan faak. Ki Yennu yet a, “N niib tuu nyi toonbiyenn ni, ki lɔɔr toonbileer nie, ki ki sak nan n tee bi Yennu.”

Jeremaya 9:7

Linba na paak ki Yabint Yennu yet a, “N saa pur n niib nan kut nae ki bikimm. N niib tun biita, n ji saa tun namm lannpoe?

Esekiel 16:35

Ki Yennu ŋamm yet a, “Jerusalem, fin bonchonchonn na, gbiintir linba ki min Yennu piak.

Hosea 12:2

Yennu mɔk maan ki saa bu nan Juda teeb. U bia saa dat Israel teeb tuba, binbeŋ nba ki bi be na paak. U saa pa paatii ki jiimm, nan baa tun linba na paak.

Hosea 12:3

Bi yeeja Jakɔb nba din be u naa poor ni yoo nba na, ki u soor u jaak lɔɔ Esɔɔ taagbinn. Waa tan teen jɔɔ yoo nba, ki u gbaa nan Yennu,

Hosea 5:1

“Yimm mannteeb, gbiintir linba na. Yimm Israel teeb, teent soon nna. Gbiintir man, yimm nba tee naan ŋaateeb na. Li bo tee ki yii kpaŋ-ii bu barmɔnii buute. Li paak, bi tan saa bu biiriwa. Ki i kpant barit, Mispa doo ni, ki bia tee nan laant na, Tabor kunkonn paak.

Hosea 5:4

Toonbiit nba ki niib na tuun na gɔib, ki bi kan fit baar Yennu boori. Bi jii bi mɔŋ ki waa tingbana, ki ki jiantir Yennu.

Joel 1:2

Yimm nba tee nikpera na, gbiintir man; wunba kur kɔɔ Juda tiŋ ni, gbiintir. Linba na booru ban tuma, laa tee i yoo, koo i yeejamm yoowa-a?

Amos 3:1

Israel teeb, gbiintir maan nba ki Yennu pak ki jiin i po na, yimm booru nba ki u nyinni Ijipt tiŋ ni na. U yet a,

Amos 7:16

Mɔtana, gbiintir linba ki Yennu yeen na. Fine betin a man nyik ki daa sɔkint Yennu maan, ki bia nyik ki daa mɔɔntir Yennu maan ki teen Israel teebi.

Maika 6:2

Yimm jɔjaana, nan yimm nba tee tingbouŋ na fiakir nba tun be na, gbiintir Yennu buut. Yennu mɔk maan nan u niib. U yaa wun wann ŋamm Israel teeb bi biite,

Jɔɔnn 8:55

I ki miu, ŋaan min ŋarin miu. Li-i bonni tee ki n yaa n ki miu, n bo saa teen faak daanɔ nan yimm nawa. Ŋaan n miu, ki bia saak u maan.

Rom Teeb 1:28

Nisaarii nba din ki loon bin bann Yennu na, li paake ki Yennu nyikib nan bi dudukbiit, ki bi tuun toona nba bi bonchiann.

1 Korint teeb 15:34

Ŋaant ki i yan n jen, ki ji daa tuun toonbiiti. I siab ki mi Yennu; ŋanne ki n sɔbin na ki yaa n dinni fei.

Fiitu 2:11

“Wunba mɔk tubir, wun gbiint linba ki Yennu Seyeeŋ na yeen ki teen Masiaweira na. “Wunba nyann nyannu maŋ, u kan la kuun nba pukin munlee na.”

Fiitu 2:29

“Wunba mɔk tubir, wun gbiint linba ki Yennu Seyeeŋ na yeen ki teen Masiaweira na.”