Hosea 13:9 - Yennu Gbouŋ Mɔɔr

⁹ “Israel teeb, n saa boontie, ki ŋmee saa fit sommini?

Hosea 13:9 Iomraidhean Croise

2 Barkperii 28:23

U din mann maruŋ ki tur Siria tingbana nba din nyannɔ na, ki u yet a, “Siria teeb tingbana nba sommit Siria kpanbara na, mi-i munii mann maruŋ ki turibi, bi saa sommima,” ŋaan linba nae din sikin ŋɔɔ nan Israel teeb tiŋ ni.

Yaŋ 146:5

Parpeenn be daanɔ nba ki Yennu nba ki Jakɔb jiantir na tee u sommtɔɔ na paak, wunba ki u dindann maa u Yomdaanɔ Yennu maŋ paak na,

Yaŋ 33:20

Ti dindann maa Yennu paake, ŋɔɔe tee ti guutɔɔ nan ti sommtɔɔ.

Yaŋ 46:1

Yennu-e tee ti paŋ daanɔ nan ti guutɔɔ, ki teen siir nan wun sommit daamii ni, yoo kur.

Barjokit 6:32

Ŋaan jɔɔ nba tuun bonchonchonn toonn, u ki mɔk yami, u kpan biir u mɔŋe.

Barjokit 8:36

Daanɔ nba ki lan, u tur u mɔŋe daŋ, wunba ki loonin, li yɔɔ loon kuume.”

Aisaya 3:11

Ŋaan yanbɔndamm boonta; baa tun linba ki tur bi leeb na, nnae mun ki bi saa tun ki turib.

Aisaya 3:9

Bi ningorsime saa pak biirib. Bi tuun biit paanu nie, nan Sodom teeb nba din tun na. Bi boonta. Ŋamme lon bi tiɔŋ biiru.

Jeremaya 2:17

Israel digbann, fine baar nan linba na a mɔŋ paak. A yêt min a Yomdaanɔ Yennu-e, yoo nba ki n tɔk nana sɔnu maŋ ni na.

Jeremaya 2:19

A tiɔŋ toonbiite saa dat a tubir; faa nyikin na, ŋanne saa biira. A saa bann laa ton ki bi biaŋinba nan fan nyik min a Yomdaanɔ Yennu, ki ji ki waa n sɔnii na. Min Yabint Yennu-e pak na.”

Jeremaya 4:18

Juda, fine baar nan linba na a mɔŋ paak, kimaan faa be biaŋinba, nan faa tun linba na paak. A biite baar nan biak na, li ŋmuu ki saar a wuba.

Jeremaya 5:25

I toonbiite boon linba na. I biite te ki i kɔŋ linba na.

Hosea 13:4

Yennu ŋamm yet a, “Mine tee i Yomdaanɔ Yennu, wunba nyinni Ijipt tiŋ ni na. I ki mɔk Yensau ki pukin n po, min kuukɔɔe tee i tinntɔɔ.

Hosea 14:1

Israel teeb, jenin man i Yomdaanɔ Yennu boor. I yanbɔmm nae te ki i jarin ki baa.

Hosea 7:14

Bi ki mein nan bi para kuri, ŋaan baa birin tiŋ ni, ki hoot nan binba ki waan na nba tuun biaŋinba na. Ki li-i tee ki bi miarin jeet nan tilɔɔna daan yoo nba, bi tuu ŋma bi mɔŋe nan tingbann mannteeb nba tuu tee biaŋinba na. Bi tee tubkangbatae.

Hosea 7:15

Mine lek din wubiib ki te bi la paŋ, ŋaan ki bi tan lor n paak bonbiir,

Malakai 1:12

Ŋaan yimm ŋarin ki teenin baakir, kimaan i yeen a n maruŋ binbintir na ki mɔk nyɔɔt, ki bia dia jeet nba ki i mɔŋ ki loon na, ki mann maruŋ li paak.

Malakai 1:13

I tuu yet a, ‘Ti mantik bak nan linba na nba kura,’ ki ji yisimin. I baat nan nanyuk-bonkobit, koo bonkobdianii, koo bonkob-baatit ki li tee piinii ki teenin. I dukii a n saa gaar i piinii maŋa-a?

Malakai 1:9

Tɔn, yimm mannteeb, yabit ki yet Yennu ki wun tint ninbaauk. Yennu kan jiin i miaru maŋi, ki li sii tee i biite.

Sennu 33:26

Israel teeb, yensau ki tee nan i Yennu na, wunba purin sanpaapo nan u bonŋana, ki bia purin sanpagbant ni ki teen siir nan i sommir.

Sennu 33:29

Israel teeb, i mɔk parpeenne. Sɔɔ ki be ki tee nan yimm na. I tee digbann nba ki Yennu tinnie. Ŋɔɔe tee i naagbankɔŋir nan jukbanjiak, ki guu-i ki bia saa turi nyannu. Ki i datai tan saa baar i boor ni ki barimi a yin nyikib, ki i tan saa ŋmaatib tiŋ ni.