Hosea 11:3 - Yennu Gbouŋ Mɔɔr

³ Mine lek din tumii Israel teeb sommir, ki tebir n niib maŋ n nuu ni, ŋaan ki bi lek ki bann nan mine goriibi.

Hosea 11:3 Iomraidhean Croise

Yaŋ 107:20

ki jii u mɔbona ki turib laafia, ki nyinnib kuun ni.

Nyinu 15:26

U din yetib a, “Li-i tee ki i saa sak n mɔb fanu kii tuun linba ŋan, ki bia dia n sennii na, n kan jii yiarii nba ki n din jii ki dat Ijipt teeb tuba na nan yenna ki dat i tuba. Mine tee Yennu, wunba teeni laafia.”

Nyinu 19:4

“I la min Yennu nba tun linba ki tur Ijipt teeb, ki baar nani nna na, nan biaŋinba ki baakir tuu jii u waas ki saan namm na.

Nyinu 23:25

Li-i tee ki i jiantir min, i Yomdaanɔ Yennu, n saa teen piisin i paak, ki turi jeet nan nyun, ki bia nyinn yiarbooru kur i ni.

Aisaya 1:2

Ki Yennu yet a, “Tingbouŋ nan sanpaak, gbiintir linba ki n piak na. Waas nba ki n wubirib na yêt n mɔba.

Aisaya 30:26

Ŋmaarik sii yeen nan yonnu nae, ki yonnu yentu saa ŋamm pukin taar munlore, ki li yeeuŋ sii tee nan daa ŋanlore nba saa taan ki yent dayenn kɔɔ ni na. Linba na kur tan saa tun, yoo nba ki Yennu saa lor u niib fiat nba ki u turib na a lin buur nae.

Aisaya 46:3

“Jakɔb yaaboona, gbiintir turin man, yimm n niib nba tenn na kur. Mine dia-i bisin niŋa.

Aisaya 63:9

bi biak dinu kur ni. Li din ki tee malaka kaa, ŋaan Yennu tiɔŋo din tinn u niib. U lomm nan u ninkpabauŋ paak ki u nyinnib. Yoo nba gar, u yɔɔ goriib,

Jeremaya 30:17

N saa te ki yin la laafia, ki te ki i fiat na n buur, nan i datai na nba lek yeen a, ‘Sayɔnn tee digban-yanne, ki sɔɔ ki fiin u po’ na. Min Yennu-e pak na.”

Jeremaya 8:22

Tebuk kaa Gilead yent ni-i? Tebira kaa leŋe-e? Ki bee teen ki n niib ki la laafia?

Hosea 14:4

Yennu yet a, “N saa te ki n niib n jen n boor. N sii loomm nan n par kur, ki n ji kan ban donn wutoor bi paaki.

Hosea 2:8

“Ki poo maŋ yêt wun bann nan min Yennu tee daanɔ nba teenɔ jeet, nan daan, nan olif tiinii kpan, nan salimpeena, nan salimmɔna bona nba ki u dia jiantir tingbann Baal na.

Hosea 7:1

“Yoo nba kur ki n yaa man te n niib Israel teeb n la laafia, ki ŋamm mɔkiti, ŋaan maa laat linba tee bi tonue, nan toonbiit nba ki bi tuun. Bi ŋmab leeb ki kɔɔ niib ŋei ni ki jaan, ki bia fiar niib sɔnjot ni.

Hosea 7:15

Mine lek din wubiib ki te bi la paŋ, ŋaan ki bi tan lor n paak bonbiir,

Toona 13:18

Ki baa din be muuk ni binpiinna na, ki u goriib.

Sennu 1:31

nan kunkoouk paak na, siaminba ki u sommi nan baa nba tuu somm u bik na, sɔnu nba kur ki i tɔkin, nan yaa tan baar nna.’

Sennu 33:27

Yennu nba tun be na yɔɔ tee i sindant boore, ki u nuu yɔɔ teebi. Ki u saa ber i datai ki bin fɔkit ŋaan nyiki, ki beti a yin biir bi kur.

Sennu 8:2

Tiat biaŋinba ki i Yomdaanɔ Yennu ŋmakiti sɔnfoouk nba ki i tɔkin bina piinna nba gar, kunkoouk paak na, ki baar nan wahala ki bikini, ki loon lin fiit i para, ki wun bann yaa saa sak ki dia u sennu na koo yaa kan dia.