Hosea 1:10 - Yennu Gbouŋ Mɔɔr

¹⁰ Israel teeb sii tee nan mɔkgbeŋir paak tanbiinii nae, ki sii yab, kaa kann, koo bibuk. Mɔtana, Yennu beerib a, “I ki tee n niib,” ŋaan yoo baat ki u tan saa yetib a, “Yimme tee Yennu nba fo na waas.”

Hosea 1:10 Iomraidhean Croise

Pinpiik 13:16

N saa te ki a yaaboona sii yab ki tee nan tanbiinii na, ki wunba fit kan tanbiinii, wun mun fit kan a yaaboona.

Pinpiik 22:17

n sent mɔsonn nan n saa tura yaaboona bonchiann, ki bi tan sii tee nan ŋmaabira nba tee biaŋinba sanpaapo nae, koo mɔkgbianu paak tanbiiuŋ nba tee biaŋinba na. A yaaboona tuu tan saa kɔn nyann bi datai.

Pinpiik 32:12

Tiat nan a senn mɔsonn nan a saa te ki bona kur n saan fanu ki turin, a ki a bia saa turin yaaboona bonchiann, ki sɔɔ kan fit ki kammi, ki bi kann yabint sii tee nan mɔkgbianu tanbiiuŋ nae.”

2 Samuel 7:24

Fin Yennu-e te ki Israel teeb teen a tiɔŋ niib, ki a tee bi Yennu.

Aisaya 43:6

N saa pak gaŋ po ki wun te bin kun, ki bia pak diitu po ki u daa gɔibi. Ŋaant ki n niib n nyi banfɔka, durinya na munn po, ki ŋmat kun.

Aisaya 48:19

I yaaboona bo sii yab nan tanbiinii nae, ki n bo kan te ki biiru n baaribi.”

Aisaya 63:16

Fine tee ti baa. Ti yeejamm, Abraham nan Jakɔb ki gaariti, ŋaan fin Yennu-e tee ti baa nba yɔɔ tintit.

Aisaya 64:8

Ŋaan fin Yennu-e tee ti baa. Ti tee nan yɔk nae, ki a mun tee nan yɔkmaarɔ na. Fine nant,

Aisaya 65:1

Yennu yet a, “N bo teen siir maa n gbat n niib miarue, ŋaan ki bi ki miarin; n teen siir maa bin lame, ŋaan ki bi ki lomin. Digbann na ki miarin, ŋaan ki n bo teen siir maa n gatib a, ‘Mine na, n saa sommiwa.’

Aisaya 66:20

Bi saa nyi nan i tiŋ ni nileeb na kur digbana ki jen namm, ki bi sii tee piinii ki turin. Bi saa jakinib taanii nan bontaanii nan laagumiinba nan taantorit nan jika torite, ki jen namm Jerusalem, n kasii kunkonn paak, ki li sii tee nan Israel teeb nba tuu teen jeet piinii, bona nba yeen na ni, ki baar nann jiantu ŋasaakak ni biaŋinba na.

Jeremaya 33:22

N saa pukin n toontunnɔ Defid yaaboona kann, ki bia pukin mannteeb nba nyii Liifai booru ni na kann, ki bi kanu sii paar nan ŋmaabira kanu nba paar na, koo mɔktant kanu nba paar nae.”

Daniel 6:26

N senn sennu nan wunba kur be n naan yent ni, wun tin jaŋmaanii ki bia baakit Daniel Yennu na. U tee Yennu nba foe, ki be mɔkmɔk nan mɔkmɔk. U naangbouŋ kan ban biiri, ki u yiikoo kaa gbennu.

Hosea 1:9

Ki Yennu yet Hosea a, “Purin u sann Lo-Ami, kimaan Israel teeb ki tee n niib, ki n mun ki tee bi Yennu.”

Hosea 2:23

N saa kaan n niib tiŋ na paak, ki te bin mɔkit. N saa wann n lomm ki tur damm nba ki bi yib ‘Lomm kaa’ na, ki damm nba ki bi yib, ‘I ki tee n niib’ na, ki n saa yet a, ‘I tee n niibe,’ ki bi saa jiin a, ‘Fine tee ti Yennu.’ ”

Jɔɔnn 1:12

Ŋaan binba kur gaarɔ ki teenɔ yada, ŋamme ki u chabib yaak ki bi ji teen Yennu waas.

Rom Teeb 8:19

Linba ki Yennu nan na guu nan ninmɔnne nan yoo nba ki Yennu tan saa nyinn u waas yeenin ni,

2 Korint teeb 6:18

N sii tee i Baae, ki i tee n naasimm nan n sapaamm. Min, Yabint Yennu-e pak na.”

Hiibru teeb 11:12

Li paak, Abraham nba din ji tan ki fɔk nan kuun na, ŋaan u kuukɔɔ yaaboonae tan yab nan ŋmaabira nba yab biaŋinba na, ki bia yab nan mɔktanbiinii nba yab ki kaa kann biaŋinba na.