Filipi teeb 4:6 - Yennu Gbouŋ Mɔɔr

⁶ I daa biir i para bonsiar paaki. Yimm-ii mei Yennu linba kpaa talas turi paak. Ii mei Yennu, kii teenɔ niipoouk i para ni yoo kura, ki betɔ yaa loon linba.

Yennu Gbounpaauŋ Mɔɔr

⁶ I daa biir i para bonsiar paaki. Yimm-ii mei Yennu linba kpaa talas turi paak. Yii mei Yennu, kii teenɔ niipoouk i para ni yoo kura ki betɔ i loomm nba tee linba.

Filipi teeb 4:6 Iomraidhean Croise

1 Kpanbara 8:28

N Yomdaanɔ Yennu, n tee a toontunnɔe. Gbiintir n miaru, ki tun maa mei ki loon linba dinna na.

2 Barkperii 32:20

Ŋanne kpanbar Hesekia nan Yennu sɔkinii Aisaya, wunba tee Amos bija na, miar Yennu sanpaapo, ki loon sommir,

Yaŋ 51:15

Yennu, lootir n mɔb, ki man pak dont a sann.

Yaŋ 55:17

Li daajoouk, nan sanyiɔk, nan yonsuuk ni kur, ki n bui fabin ki teenɔ, ki u gbia n kunkɔr.

Yaŋ 55:22

Jiin a daamii kur ki tur Yennu, ki u sii guua; u kan ban te ki binba be fanu na n baa.

Yaŋ 62:8

N niib, teent Yennu yada yoo kur, ki betɔ i daamii kur, kimaan ŋɔɔe tee ti sindandiiuk.

Barjokit 15:8

Yennu tuu mɔk parpeenne, niŋamm-i meiɔ yoo nba, ŋaan ki loon toonbiit damm maruŋ nba ki bi teenɔ na.

Barjokit 16:3

Boin Yennu ki wun teen piisin a lora paak, ki fan fit tun nann fanu.

Yankpaŋii 2:14

A tee nan ŋmandajuuk nba bɔrii tanfiat ni biaŋinba nae. Ŋaant ki man la a ningorsin nba ŋan na, ki bia te ki n gbat a kunkɔr nba man na.

Jeremaya 32:16

Maa tur Baruk tiŋ daanu gbant na, ki n miar Yennu a,

Jeremaya 33:3

“Yiintin, ki n saa toon; n saa paka bakitnauŋ nan yaarlituk bona nba ki a ki mi siar jiin li po.

Daniel 3:16

Ki Sadrak nan Mesak nan Abednego jiin a, “Chanbaa, li ki kpaa talas ki tin nɔi ti mɔŋ paak maan na ni.

Daniel 6:10

Yoo nba ki Daniel gbat nan bi senn sennu na na, ki u fiir kun ŋaak ni. U din tan doo u ŋaak ditɔɔtii paak, ki gbaan, takoru nba loot ki tor Jerusalem po na boor, ki mei Yennu nan waa tuu mei biaŋinba na, taar muntaa daar nɔɔk ni.

Matiu 10:19

Ŋaan bi-i taŋi saan nani buut damm boor, i daa te ki li daamii-i nan yaa saa pak linba, nan biaŋinba ki i saa pak, kimaan li yooe ki Yennu Seyeeŋ saa turi mɔbona nba ki i saa pak jiinib,

Matiu 13:22

Bonboorii nba baa kunkonii jiina ni na mun tee nan wunba gbat Yennu maan na, ŋaan ki tingbouŋ na daamii nan mɔkint lomm nyakin maan maŋ u par ni nae, li kan nami.

Matiu 6:34

Li paak, daa te ki wonn barii mukisini, kimaan wonne saa dukin u mɔŋ po; daar kur mɔk daamii nba jaŋitɔe.

Matiu 6:8

I daa tee nan ŋamm na, kimaan i Baa Yennu poŋ mi linba ki i loon ki i daa ki miarɔ.

Barŋanii nba ki LUK din sɔb nae na 10:41

Ki Yiisa jiinɔ a “Maata, n mi nan a gbaa nan bona bonchiann, ki li mukisa ki biir a par,

Barŋanii nba ki LUK din sɔb nae na 12:22

Ŋanne ki Yiisa yet u poorpoweiteeb a, “Li paak ki n beeri, i daa te ki li mukisi i binbeŋ po nan yaa saa di linba, ki bia daa te ki li mukisi i gbanant po nan yaa saa lia linba,

Barŋanii nba ki LUK din sɔb nae na 12:29

“I daa gbaa nan yaa saa di linba koo yaa saa nyu linba, ki bia daa mukis i dudukit,

Barŋanii nba ki LUK din sɔb nae na 18:1

Li yoo na ki Yiisa yimm barjouk a wun wannib nan li ŋan ki bii mei Yennu yoo kura, ki daa mɔk kpinkpangbatuku, ki betib a

Barŋanii nba ki LUK din sɔb nae na 18:7

Waa yaa u saa turɔ mɔnii na, ki Yennu nigannkab nba meiɔ yonnu nan nyiɔk na, ŋɔɔ Yennu kan bu ki turibi-i? U saa taantira-a?

1 Korint teeb 7:21

Li-i tee ki a din tee daabir yoo nba ki a teen Masiaweirɔ na, a daa te ki li daamiia ni, ŋaan fi-i saa la yaak ki nyinn a mɔŋ daabisin ni, fan teen nna.

1 Korint teeb 7:32

N ki loon ki siar n daamiini. Jakpakir ŋarin gorii waa saa teen biaŋinba ki tun ti Yomdaanɔ toonae, ki lin penn ti Yomdaanɔ par;

2 Korint teeb 1:11

Yi mun bia sommit nan Yenmiaru man, ki u saa gat niib bonchiann miaru nba ki bi mei ki teent na, ki saa sommit, ki niib bonchiann saa turɔ niipoouk ti paak.

Efesus teeb 5:20

Yoo kur, ii teen ti Baa Yennu niipoouk bonsiar kur paak, ti Yomdaanɔ Yiisa Masia sann ni.

Efesus teeb 6:18

Ii mei Yennu yoo kur nan ninmɔnn, u Seyeeŋ nba sommiti biaŋinba na; ki chekin i mɔŋ nan gbankur ki pukin Yenmiaru kii teen Masiaweira kura,

Kolosa teeb 3:15

Ii ŋaan ki Masia parmaasir na-ii ŋmakitir yaa dukii linba; Yennu lakin yiini gbananyennkɔɔ ni, a yii mɔk parmaasir maŋe. Li paak, ii teen Yennu niipoouk man.

Kolosa teeb 3:17

Li paak, yaa tuun linba, koo yaa yeen linba, ii tuun ti Yomdaanɔ Yiisa sann ni, kii teen ti Baa Yennu niipoouk u paak.

Kolosa teeb 4:2

Ii yiab nan Yenmiaru man, kii mei ŋɔɔ Yennu nan ninmɔnn, kii teenɔ niipoouk,

1 Timoti 2:1

Li paak, linba kpaa talas tee yii puk Yennu, kii meiɔ, kii boiɔ, kii teenɔ niipoouk niib kur paake.

1 Timoti 5:5

Pakɔɔk nba be u kuukɔɔ ki kaa sɔɔ, ŋaan ki u dindann be Yennu ni, ki u mei Yennu yoo kur, ŋɔɔe tee barmɔnii pakɔɔk.

1 Piita 4:7

Bona kur gbennu ji ki fɔk; li paak, ii soor i mɔŋ kii sub ki fit kii mei Yennu.

1 Piita 5:7

Jiin man i daamii kur ki turɔ, kimaan u baka be i ni.

1 Samuel 1:15

Ki Hana jiin a, “Li ki tee nna kaa, chanbaa, n tee poo nba be parbiir nba kaa bikinu niŋe. N ki nyuu daan kaa, n mei Yennu-e ki nyint n daamii ki teenɔ.

1 Samuel 30:6

Defid ji din be parbiir nie, kimaan u jab na para din biir nan baa kɔŋ bi bonjai nan bonpoi na, ki bi ji piak nan bin jaat Defid tana. Ki ti Yomdaanɔ Yennu chee Defid par.

1 Samuel 7:12

Tɔn, ki Samuel jii tann ki chaan Mispa nan Senn doi sinsuuk ni, ki yet a, “Yennu-e sommit nan mɔtana,” ki purir Ebeneser,