Filipi teeb 3:1 - Yennu Gbouŋ Mɔɔr

¹ N naa waas, linba biar tee, ii mɔk parpeenne, kimaan yaa tee ti Yomdaanɔ yab na. Min yaa baka kaa nan man ŋamm sɔb linba ki n poŋ daan sɔb turi sinsinn na; mi-i tuun nna, li sii tee i yumanne.

Yennu Gbounpaauŋ Mɔɔr

¹ Li gbennu nira, n naa waas, yii mɔk parpeenn yimm nan ti Yomdaanɔ benu ni. Min yaa baka kaa nan ma ŋamm sɔb linba ki n poŋ daan sɔb turi sinsinn na; mi-i tuun nna, li sii tee i yumanne.

Filipi teeb 3:1 Iomraidhean Croise

1 Barkperii 15:28

Ki Israel teeb kur ji din jii Yennu mɔlor lakir na, ki saan nann Jerusalem nan parpeenn nan tintantpaarii, ki peeb pejai yina nan naatuna nan naagbai nan yerii ki faa biat.

1 Barkperii 16:10

Ii mɔk parpeenn man, nan ti tee u yabe, ki te niib nba kur jiantirɔ-ii kpamm.

1 Barkperii 29:22

Li daar bi din mɔk parpeenn bonchiann ki dii ki bia nyuu Yennu tɔɔnn. Bi din mɔɔnt taar munlee-e nan Solomonn-e tee kpanbar. Yennu sannie ki bi din mɔɔn kpan u paak nan ŋɔɔe tee bi kpanbar, ki bia mɔɔn kpan Sadok paak ki u tee bi manntɔɔ.

Nehemaya 8:10

Mɔtana, ii kun man ki saa teen jaamm. Biitir i jeet nan i daan ki tur binba ki mɔk ki li yab na. Dinna tee kasii daare ki tur ti Yomdaanɔ, li paak i daa mɔk parbiiri. Parpeenn nba ki Yennu teeni na saa turi paŋ.”

JOB labaar 22:26

Ki a sii yɔɔ tee Yennu yada, ki bia bann nan ŋɔɔe tee a parmaasir nyakir.

Yaŋ 149:2

Israel teeb, ii mɔk parpeenn man, kimaan i naamii daanɔ paak. Sayɔnn teeb, ii kpamm man, kimaan i Kpanbar maŋ paak.

Yaŋ 32:11

Yimm nba tee niŋamm na, yii mɔk parpeenn kii kpamm, kimaan Yennu nba tun linba ki turi na paak. Yimm nba saak u mɔb na, ii yikin nan parpeenn.

Yaŋ 33:1

Ii yin yaŋ nan parpeenn ki tur Yennu, yimm nba tee niŋamm na. Li ŋan ki niŋamm na n jiantɔ.

Yaŋ 37:4

Lomin parpeenn Yennu boor, ki u saa tura a par nba loon linba.

Yaŋ 42:4

Mi-i tiar linba gar, n yan tuu yêt bonchiann, ŋanne tee maa tuu lakin saan nan nibur Yennu ŋasaakak ni na. Ki n tuu ŋmakitir nibur maŋ, ki bi somm nan parpeenn, ki yiin yanii ki dontir Yennu nan kunkɔpaara.

Yaŋ 5:11

Ŋaan binba kur teena yada na be nan parpeenn, ki saa fit yin parpeenn yanii. Ii guu daansiab nba loona na, kimaan a paake ki bi mɔk parpeenn.

Yaŋ 97:1

Yennu-e tee kpanbar. Tingbouŋ, ii mɔk parpeenn. Yimm tinii nba foo mɔkgbeŋa ni na, ii kpamm man.

Aisaya 41:16

I saa faa donnib sanpaapo, ki wouŋ n pebirib ki yaat, ki wonpaaruk saa yatib. Ki i ji sii mɔk parpeenn, kimaan mine tee i Yennu; ki i saa dont min nba tee yimm Israel teeb kasii Yennu na sann.

Aisaya 61:10

Jerusalem kpamm linba ki Yennu tun na paake. U tee nan pooyookir nba tuu lia tiat ki teen siir nan chiann nae. Yennu-e turɔ tinnu nan nyannu.

Aisaya 65:14

Bi sii yiin parpeenn yaniie, ŋaan ki i mɔ nan yanyêtuk.

Joel 2:23

“Sayɔnn teeb, ii mɔk parpeenn man; ii kpamm man linba ki i Yomdaanɔ Yennu tun ki turi na paak. U te kpafusaak baa ki li jaŋiti, ki te saak baa sabouŋ, ki bia baa sakoouk nan waa tuu baa biaŋinba na.

Sefania 3:14

Israel niib, ii yiin yanii man, kii yikin nan kpinkpammuk. Jerusalem teeb, ii mɔk kpinkpammuk man nan i para kura.

Sefania 3:17

I Yomdaanɔ Yennu be nani; u yiikooe teeni nyannu. U par sii peen i paak, ki u saa turi manfopaann, u lomm ni. U sii yiin yanii ki mɔk kpinkpammuk i paak.

Sekaria 10:7

Israel teeb na sii mɔk paŋ nan kunkɔnkɔnna nae, ki mɔk parpeenn nan jab nba tuu nyu daan na. Bi yaaboona tan saa tiar nyannu nba na po, ki mɔk parpeenn, kimaan linba ki Yennu tun na paak.

Matiu 5:12

Bi-i taŋi teei nna, ii mɔk parpeenn bonchiann man, kimaan i nyɔɔt tan sii yab Yendɔuŋ ni; nnae ki bi din mukis Yennu sɔkiniinba nba din be yaayoo ni na.

Barŋanii nba ki LUK din sɔb nae na 1:47

ki mɔk parpeenn, Yennu nba tee n Tinntɔɔ na paak,

Rom Teeb 5:11

Ŋaan li kur kaa na; ti bia mɔk parpeenn Yennu nba sommit bonchiann biaŋinba, ti Yomdaanɔ Yiisa Masia paak na, kimaan u paake ki Yennu ji teent u yɔɔsnba.

2 Korint teeb 13:11

N naa waas, linba ji biar tee min chabie. Ŋammit i sɔnu kii saak n kpaanii man, kii mɔk mɔtaauk nan parmaasir; ki Yennu nba loonit ki teent parmaasir na sii be nani.

Efesus teeb 6:10

Linba joont tee nnae, ii chee i para ti Yomdaanɔ ni, kii mɔk yabint paŋ nba ki u turi na.

Sennu 12:18

Yimm nan i waas, nan i daaba, nan Liifai teeb nba kur be i doi ni n di maruŋ na, i Yomdaanɔ Yennu tɔɔnn, boyennkɔɔ boor nba ki u gann na. Ki ii sii mɔk parpeenn toonn kur nba ki i tuun paak.

Sennu 16:11

Ii mɔk man parpeenn Yennu boor, yimm nan i waas nan i daaba nan Liifai teeb nan boorganu nan kpeebii nan pakɔi nba be i yent ni na. Tumin nna boyennkɔɔ nba tee jiantu boor na.

Filipi teeb 3:3

Timm jiantir Yennu u Seyeeŋ nie, ki mɔk yuugontir Yiisa Masia paak; linba nae tee barmɔnii punpotu. Timm ki teen nisaarik yar kaa yada.

Filipi teeb 4:4

Yaa tee ti Yomdaanɔ yab na, ii mɔk parpeenn yoo kur man. N bia ŋammit beerie, ii mɔk parpeenn man.

Filipi teeb 4:8

N naa waas, linba joont tee nnae, ii ŋaan ki i dudukit n gbee nan barii nba tee mɔnii, nan linba jaŋ nan baakir, nan linba ŋan, nan linba mɔk burchint, nan linba took, nan linba yeen, nan linba mɔk fant, nan linba ŋan nan paku.

1 Tesalonika teeb 4:1

Ti naa waas, yaa din tumii ti peŋ yaa sii tuun biaŋinba ki pent Yennu par na, nnae ki i poŋ tuun. Mɔtana, ti barimie ki kpaani ti Yomdaanɔ Yiisa sann paak, ii ŋammit kii tuun nna man,

1 Tesalonika teeb 5:16

Ii mɔk parpeenn yoo kur man,

Jeems 1:2

N naa waas, ii mɔk man parpeenn, yoo nba ki i di farbooru booru na,

1 Piita 3:8

Linba biar tee nnae; i kur-ii mɔk dudukyenn man, ki i baka-ii be i leeb ni, kii mɔk lomm nan Masiaweira, kii tiin i leeb ninbaauk, kii sikint i mɔŋ.

1 Piita 4:13

Yaa di biak Masia paak na, ii mɔk parpeenn man, ki yoo nba ki u tan saa nyi paanu nan yentsaakar na, i saa la parpeenn bonchiann.

2 Piita 3:1

N naa walonkai, maa sɔbin gbouŋ nba ki teeni na ji pukii gbant ŋanlee-e na. Li gbant ŋanlee kur ni, n poŋ tiari bona na powa, maa n fiin i dudukŋant.

1 Samuel 2:1

Ki Hana miar Yennu ki yet a: “Yennu turin parpeenna. Li maŋin bonchiann nan waa tun linba turin na. N laa n dataie, ki bia mɔk parpeenn, kimaan Yennu sommima.