Fabinii 2:2 - Yennu Gbouŋ Mɔɔr

² Yennu biir Juda digbanbis kur, ki ninbatinu kaa; ki bit joonpaara nba guu doi na, ki te digbann na nan li diara dii fei.

Fabinii 2:2 Iomraidhean Croise

JOB labaar 2:3

Ki Yennu yetɔ a, “A la n toontunnɔ Job nba tee biaŋinbawa-a? Sɔɔ ki be tingbouŋ na paak, ki waan fanu ki bia tee niŋanɔ nan ŋɔɔ na. U jiantirin, ki dia u mɔŋ fanu, ki ki tuun biiti. A wei tukilin a man te ki a lekɔ, ki li ki mɔk paak nan waama, ŋaan u lek tee wunba waan fanue nan waa tuu waan na.”

Yaŋ 21:9

Ki u tan saa lekit bi boor ki dib, ki boontib nan muyeruk nba saa di siar na. Yennu saa donn u wutoor bi paak, ki di boontib.

Yaŋ 74:7

ki joo a ŋasaakak na muu, ki biir a niib nba jiantira siaminba na,

Aisaya 22:5

Mɔtanae tee yanputuk nan biiru nan ŋmatir yoo, Yirintu Baauk na ni, ki ti Yomdaanɔ Yabint Yennu-e te ki li baar ti paak. Bi yeer ti doo joonjot ki sikin tiŋ niwa, ki mɔnii yat kunkona na paak ki loon sommir.

Aisaya 23:9

Yabint Yennu-e lor linba na. U lor nna a wun boon bi parbifaant nba ki bi mɔk bi toona ni nae, ki dinn bi jab nba ki bi baakitib na fei.

Aisaya 25:12

U saa biir Moab ŋapaara nan bi joonfɔkit na, ki sikinir tanbiinii ni.

Aisaya 26:5

U sikin binba tuu dont bi mɔŋ nawa, ki biir digbanpaarir nba ki bi tuu be leŋ na, ki yeer bi joona ki lur tiŋ ni.

Aisaya 27:11

Tiinii na yiinii koore ki kɔnn baa, ki poob tɔkii ki kuunt. Niib na nba ki bann siar na, Yennu nba tee bi nantɔɔ na kii mɔk ninmaanii, koo ki timm ninbaauku.

Aisaya 43:28

ki i doo diara biir n kasii boor. Ŋanne ki n baar nan biiru yimm Israel teeb paak, ki te ki bi sukii yimm n tiɔŋ niib.”

Aisaya 47:6

N wutoor din doo n niib paake, ki n diab nan bi ji ki tee n yab na, ki jiib teen a yiikoo ni, ki a ki timm ninbaauk. Ki nikpera na gbaa, ki a diab nan ninmɔnn.

Jeremaya 13:14

Li poor po, n saa butib nan soa nba tuu lia leer na, saakab nan waas kur yomm. Ninbaauk koo ninkpabauŋ kan fit te man nyik bi kpinu.”

Jeremaya 19:15

nan Yabint Daanɔ nba tee Israel teeb Yennu na yet a, “N yaa man baar nan tubdatu nba ki n yet nae doo na paak, nan doi nba kpia kur paak, kimaan i tee tubkangbatae ki ki saak gbiintir linba ki n piaki.”

Jeremaya 21:7

Ŋaan fin nan a saakab nan a niib nba saa nyi tɔb nan kon nan yiarii ni na, n saa te ki Nebukanesar nan u jab nba loon bin kpi-i na n soori. Nebukanesar saa kpi-i. U kan nyik i sɔɔ, koo ki tinɔ ninbaauk, koo ki mɔk ninkpabauŋ nanɔ. Min Yennu-e pak na.”

Jeremaya 5:10

Saant bi daan tiinii kpaant ni ki biirib, ŋaan i daa biirib chainchain. Ii chɔɔ yiinii maŋ, kimaan bi ki tee min Yennu yab kaa.

Fabinii 2:17

Yennu poŋ tun waa lor a wun tun linbawa. U biirite, ki ninbatinu kaa, nan waa din wannit sianyoo biaŋinba na. U te ki ti datai na la nyannu, ki te bi kpamm ti biiru na paak.

Fabinii 2:21

Nipaauŋ nan nikpera kur dɔɔ sɔnjot ni ki kpowa, ki datai jukbanjai na kpii naasimm nan sapaamm; ki a kpiib, ki ki mɔk ninbatinu namm, daar nba ki a wutoor doo na ni.

Fabinii 2:5

Yennu biir Israel teeb nan u tee bi dataake na, ki te bi joonpaara nan nijaana ŋei kpant langbent, ki te parbiir nba kaa gbennu baar Juda teeb paak,

Fabinii 3:43

“A wei berite, ki kpiit, ki wutoor dɔɔk a ninbatinu na paak.

Esekiel 5:11

“Li paak, nan min nba tee Yennu nba fo na, yaa tun ki biir min Yennu ŋasaakak nan i toonbiit na, n saa chɔɔ lui, ki kii mɔk ninbatinu nani. Min Yabint Yennu mɔmaame na.

Esekiel 7:4

N kan nyiki, koo ki tini ninbaauku. N yaa maa n dat i tubae, toonbilankant nba ki i tun na paak, ki lin te yin bann nan mine tee Yennu.”

Esekiel 7:9

N kan nyiki, koo ki tini ninbaauk. N yaa man dat i tuba, toonbilankant nba ki i tun na paake, ki lin te yin bann nan mine tee Yennu, ki tee daanɔ nba dat i tuba.”

Esekiel 8:18

Li paak, bi saa la n wutoor nba tee. N saa dat bi tuba, ki kan tinib ninbaauk, ki bia saa yêt ki kan gbiint turib, yoo nba ki bi mein nan kunkɔpaarir na.”

Esekiel 9:10

Ŋaan n kan tinib ninbaauku. N saa teenib nan baa tun biaŋinba ki tur leeb nae.”

Maika 5:14

N saa ŋabir tingbanpook nba sann tee Asera na ninnauŋ i tiŋ ni, ki bia biir i doi.

Malakai 1:4

Li-i tee ki Esɔɔ yaaboona nba tee Edom teeb na yet a, “Ti doi nba ki bi bit na, ŋaan ti saa ŋamm maa doi maŋa,” Yennu saa jiin a, “Ŋaant ki bin ŋamm maa, ŋaan n bia saa bit doi maŋa. Niib sii yib a ‘Digbanbiiuk,’ nan ‘Booru nba ki Yennu wutoor kan ban maak bi paaki.’ ”

Matiu 18:33

Li mun bo ŋan nan fan chab a lɔɔ na ki tinɔ ninbaauk, nan maa bo chaba biaŋinba na.’

2 Korint teeb 10:4

Li paak, ti ki jikit nisaarik paŋ kaa a ti kɔn li kɔnni, ti jikit Yennu paŋ nba saa biir Sintaanii paŋ kur nae ki kɔn. Ti piak ki nyant niib nba ki saak Yennu mɔmaan nae,

Sennu 28:52

Bi saa lek doi kur, tiŋ nba ki Yennu jikit ki teeni na ni, ki i joonjaana nba linti, ki i maa bi paak na saa baa tiŋ ni.

Sennu 32:22

N wutoor saa doe nan muyeruk na, ki di linba kur be tiŋ na paak. Li saa di ki baar tinpɔɔr ni, ki bia di kunkona nba fɔk fiaka.