Fabinii 1:9 - Yennu Gbouŋ Mɔɔr

⁹ U jakint toona na nyɔɔn paanu nie, ŋaan ki u baka kaa nan biiru nba saa baarɔ na po. U baak na yab, ki sɔɔ kaa ki saa fit maan u par. U datai na nyannɔwa, ki u bui fabin ki tur Yennu a wun tinɔ ninbaauk.

Fabinii 1:9 Iomraidhean Croise

2 Samuel 16:12

Li pasiar u sii tee nnae ki Yennu n la n ninbaatir ki teen piisin n paak, ŋaan nyinn mɔtont nba ki n gaan na.”

2 Kpanbara 14:26

Yennu din la Israel teeb nba di biak bonchiann biaŋinba, ki sɔɔ din kaa ki saa sommibi.

Nehemaya 9:32

“Yennu, ti Yennu, a mantik tee Yenjaanne. A tee jaŋmaansooruk nan yiikoo daanɔe. A dia a mɔlor nba ki a din senn na nan barmɔnii. Laa nyii yoo nba ki Asiria kpanbara din dintit biak na ki tan tuu mɔtana, ti mantik dii farawa. Ti kpanbara, nan ti tɔɔndamm, nan mannteeb, nan a sɔkiniinba, nan ti yeejamm, nan ti niib na kura dii biaka. Tiat taa mantik dii fara biaŋinba.

Yaŋ 119:153

Gotir n daamii na ki fatin, kimaan n ki tamm a sennu.

Yaŋ 140:8

Yennu, a daa teen biitdamm na baa loon linba; a daa te ki bi laat nyannu bi lorbiit ni.

Yaŋ 25:18

Gotir n ninbaatir nan daamii nba tee, ki nyik chab n yanbɔmm.

Yaŋ 69:21

Ki kon nba mɔkin yoo nba, ki bi turin lɔbii, ki nyunnyukuru soorin, ki bi turin damiituk.

Nyinu 3:17

N dukin nan man nyinnib Ijipt tiŋ maŋ niŋe, siaminba ki Ijipt teeb dintib biak na, ki saan namm tiŋ nba ŋan, ki bia mɔk koorin ni, tiŋ nba ki Keenann teeb nan Hef teeb nan Amor teeb nan Peris teeb nan Hif teeb nan Jebus teeb be na.

Nyinu 3:7

Ŋanne ki Yennu yet a, “N la Ijipt teeb nba dint n niib biak biaŋinba, Ijipt tiŋ niwa. N gbat ki bi mɔ ki loon sommir a bin nyi bi yomdamm nii ni. N mi bi fara kur dinu po.

Nyinu 4:31

ki bi teen yada. Ki baa gbat nan Yennu baar bi boor ki la baa di biak biaŋinba na, ki bi gbaan ki jiantɔ.

Banntɔɔ 4:1

Ki n bia ŋamm got toonbiit kura nba tuun durinya na ni. Ki talas damm na yikin, ŋaan sɔɔ kaa ki saa sommib. Sɔɔ kaa ki saa fit sommibi, kimaan binba diimm na tee yiikoo damme.

Aisaya 3:8

Barmɔnii, Jerusalem be biiru ni. Juda tiŋ boontire. Linba kur ki bi piak ki bia tuun na tee biite ki tur Yennu. Bi sukii Yennu tiɔŋo yeenin ni.

Aisaya 37:17

Yennu, gotir linba tuun ki teent na. Gbiintir linba ki kpanbar Senakerib piak ki sukii fin Yennu nba fo na.

Aisaya 37:23

A dukii a tuu sukii ŋmee ki fiakitɔ na? A ki tur min Israel teeb kasii Yennu baakiri.

Aisaya 37:29

N gbat labaar ki jiin a wutoor nan a parbifaant na powa, ki mɔtana n saa tuun janpeenu a miar ni, ki kɔɔn garika a mɔb ni, ki tɔkin nana sɔnu nba ki a tɔkin baar na, ki jiina.”

Aisaya 37:4

Asiria kpanbar tun u kunkɔnkɔnna saakawakitire, ki u baar sukii Yennu nba fo na. A Yomdaanɔ Yennu n gbat sukit na, ki dat binba sukii na tuba. Li paak, a miar Yennu ti niib nba daa tenn na paak.”

Aisaya 40:2

Turin Jerusalem teeb na parcheenn. Pakimm nan bi dii fara ki li yukir jaŋa, ki mɔtana bi biit la nyikinchaba. N dat bi tuba bi biit kur paaka.”

Aisaya 47:7

A dukin nan a sii yɔɔ tee poobate, ki ki jii bona na ki teen a par ni, koo ki dukii laa tan saa gbenn biaŋinba.

Aisaya 51:19

Biak munlee baarawa, tɔb biir a tiŋa, ki a niib tun kon. Sɔɔ kaa ki saa tina ninbaauk.

Aisaya 54:11

Ki Yennu yet a, “Jerusalem, fin doo nba di biak ki kaa sommtɔɔ, ki sɔɔ kaa ki saa maan a par na, n saa ŋamm maa a fiakir nan tanbinyinyira nba ki li daauk paare.

Jeremaya 13:27

U la-a ki a tuun linba tee u kɔɔr. U la-a ki a jiantir tingbana, kunkona paak nan kpaant ni, nan jɔɔ nba tuu mɔk niɔŋ nan u lɔɔ ŋaapoo, koo nan taanjak nba tuu ŋakit tannaaŋ paak nae. Jerusalem teeb, i boonta. I saa ban teen kasiiwa-a?

Jeremaya 16:7

Sɔɔ kan di koo ki nyu nan daanɔ nba ki u nikpiimɔ kpo, a wun maan u pari. Sɔɔ kan joi u lɔɔ, li-i lekii tee wunba ki u baa koo ki u naa kpo.

Jeremaya 2:34

I tiat mɔnn nan talas damm nan nikaat sɔme, li ki tee fat-teeb sɔn kaa. “Ŋaan linba na kura,

Jeremaya 48:26

Yennu yet a, “A te ki Moab tiŋ na n yib daan, kimaan u yêt n mɔba. Moab saa dɔɔr birint u mɔŋ siit ni, ki niib saa laau.

Jeremaya 5:31

Yennu sɔkiniinba na fa faak kɔɔe; ki mannteeb na tuun nan sɔkiniinba nba wannib biaŋinba na, ki n niib ki mɔk siar ki saa paki. Ŋaan li joontu yoo-i baar, bi tan saa teen nlee?”

Jeremaya 50:29

“Pakin tɔrbantɔɔra na ki bin lek Babilonn. A te ki wunba kur saa fit tɔ tɔrbann ki wun saan. Loont doo na ki daa te sɔɔ nyi. Ii pa linba ki bi tun, ki jiinib ki tumm nan baa teen leeb na, kimaan bi tun nan yuwannue ki tur min Israel teeb kasii Yennu.

Fabinii 1:17

“N tantir n nii, ŋaan sɔɔ kaa ki saa sommin. Yennu te ki datai nyii lokir kur po ki lekin, ki ŋmaŋitin nan n tee bon-yanne na.

Fabinii 1:21

“Gbiintir n kukura, sɔɔ ki be ki saa maan n pari. N datai na kpamme, kimaan faa te biiru baarin na paak. A tun linba ki a sat mɔb na, ki te n datai na n di biak nan maa dii biaŋinba na.

Fabinii 2:13

Jerusalem, n mantik loona, n saa pak a bee? Nlee ki n saa maan a pari? Sɔɔ daa ki ban dii biak nan linba na na. A biiru na yab, ki tee nan mɔkgbeŋir nba yab biaŋinba nae. Ki siara dindann ji ki be.

Fabinii 4:1

Ti salinnyinyira na ji biire; ki Yenjiantu ŋasaakak na tana yat ki dɔɔ sɔnjot ni.

Fabinii 5:1

Yennu, ii tian linba teenit na po. Gotirit, ki la ti fei.

Hosea 2:14

“Li paak, mɔtana n ji yaa man jiiue ki saan nanɔ muuk ni. Leŋe ki n sa saa jii lomm ki fat u yan.

Sefania 2:10

Moab nan Amonn teeb nba saa la tubdatu biaŋinbae na, bi dont-n-mɔŋ nan karinbaanii nan sukit nba ki bi sukii Yabint Yennu niib na paak.

Jɔɔnn 11:19

Li paak teen ki Juu teeb bonchiann din baar Maata nan Meeri peŋ, a bin maan bi para, kimaan bi naa bik na kuun paak.

Sennu 26:7

Ki ti bui fabin ki tur ti Yomdaanɔ Yennu, wunba tee ti yeejamm yɔɔ na. Ki u gbiint ki turit, ki la ti daamii nan ti ninbaauk.

Sennu 32:27

ŋaan n ki loon ki bi datai n donn bi mɔŋ nan ŋamme kɔn ki nyann n niib na, ŋaan ki li tee n mɔŋe biiribi.’

Sennu 32:29

Bi ki bann linbae teen ki bi datai nyannib. Bi kan fit bann linba tumi.

1 Piita 4:17

Yoo baara ki Yennu saa piin ki bu niib buut. U saa bu u tiɔŋ niib buute sinsinn; ki li-i tee ki u bu timm nba tee u niib na buut sinsinn, ki binba ki sak u barŋanii na yar ji sii tee nlee?

1 Samuel 1:11

Ki Hana senn mɔsonn ki yet a, “Yabint Yennu, gotir a daabir nba be ninbaatir, a daa tammit n po, ii tian n po. N senn mɔsonn nan li-i tee ki n mar bonjak, n saa jiiu ki pi fin Yennu nan u manfoor gbennu, ki bia kan ban te barik n do u yur paaki.”