Fabinii 1:5 - Yennu Gbouŋ Mɔɔr

⁵ Ki u datai na nyannɔ, ki diau nan yiikoo. Yennu-e te ki u di biak na, u toonbichiɔŋ paak. Bi soor u waas ki yaat namma.

Fabinii 1:5 Iomraidhean Croise

2 Kpanbara 21:15

N saa tun linba na ki tur n niib kimaan bi tun biirin, ki donn n wutoor, yoo nba ki bi yeejamm din nyii Ijipt nawa ki tan tuu mɔtana.”

Yaŋ 80:6

A te ki ti datai kɔn nant, a bin fat ti tinii ki sukiit.

Yaŋ 89:42

Ki a te ki u datai nyannɔ, ki te bi kur mɔk parpeenn.

Aisaya 22:5

Mɔtanae tee yanputuk nan biiru nan ŋmatir yoo, Yirintu Baauk na ni, ki ti Yomdaanɔ Yabint Yennu-e te ki li baar ti paak. Bi yeer ti doo joonjot ki sikin tiŋ niwa, ki mɔnii yat kunkona na paak ki loon sommir.

Aisaya 63:18

Timm nba tee kasii niib na din kɔɔ kar a kasii doo na ni waame, ŋaan mɔtana ti datai ji biirira.

Jeremaya 10:20

Ti ŋei kpant langbenta. Ki ŋmiit nba tuu diar na cheera. Ti waas kur yaata, ki sɔɔ ji kaa ki saa ŋamm maa ti ŋei maŋi, sɔɔ kaa ki saa lor ti mɔŋmii na.”

Jeremaya 12:7

Ki Yennu yet a, “N nyɔr nyik Israel teeba, n yêt n nigannkab nawa. N jii niib nba ki n loomm na, ki kubin bi datai nuu niwa.

Jeremaya 23:14

Ŋaan n bia la ki n sɔkiniinba nba be Jerusalem tuun bonbilankant. Bi chomm ki bia fa faak, ki sommit niib ki bi tuun biit, ki li te sɔɔ ki nyik biit tumu. N boor ni, bi kur bi nan Sodom nan Gomora teeb nae.

Jeremaya 39:9

Li joontik ni, ki kunkɔnkɔnna ŋmakit-tɔɔ Nebusaradann jii niib nba biar doo na ni, ki kpab nan binba jii bi mɔŋ ki turɔ na, ki saan namm Babilonia, ki teemm daaba.

Jeremaya 5:29

“Ŋaan min Yennu saa dat bi tuba linba na paaka. N saa pab bi toonbiit na paaka.

Fabinii 1:16

“Li paake teen ki n ninbina luun ninnyuut yoo kur. Sɔɔ kaa ki saa fit maan n pari. Sɔɔ kaa ki saa fit chee n par. N datai nyannima; n niib na ji ki biar nan siari.

Fabinii 1:18

“Ŋaan Yennu-e mɔk mɔnii, kimaan n yêt u mɔba. Gbiintir man, niib nba be lokir kur po, gotir gbanantont nba ki n be li ni. Bi soor n naasinpaauŋ nan sapaamm ki teemm yommii ki yaat namm.

Fabinii 1:8

U baakir gbenne, ki u be payann, ki dii fei. U kuriie ki bɔrii u numpo, ki fei mɔkɔ. Ŋɔɔ Jerusalem kɔɔn u mɔŋ jakint nan toonbilankanta.

Fabinii 2:17

Yennu poŋ tun waa lor a wun tun linbawa. U biirite, ki ninbatinu kaa, nan waa din wannit sianyoo biaŋinba na. U te ki ti datai na la nyannu, ki te bi kpamm ti biiru na paak.

Fabinii 3:46

ki ti datai na kur sukiit ki bia laat,

Esekiel 9:10

Ŋaan n kan tinib ninbaauku. N saa teenib nan baa tun biaŋinba ki tur leeb nae.”

Esekiel 9:9

Ki Yennu jiin a, “Israel teeb nan Juda teeb biir, nan baa tun toonbilankant nawa. Bi tiŋ na gbee nan nikpiirae, ki Jerusalem gbeen nan toonbiit. Bi yeen a min Yennu nyik bi tiŋe ki ki laat baa tuun linba.

Sennu 31:29

N mi nan n kuun poor po, niib na sii mɔk tonu, ki bia saa yêt linba ki n tumiib nawa. Ŋaan li kan yukiri ki bonbilankant saa baarib, kimaan bi saa tun linba ki Yennu yaa bi daa tuume, ki li saa te ki u wutoor n do.”