Fabinii 1:2 - Yennu Gbouŋ Mɔɔr

² U tuu bui nyɔtunmunn, ki ninnyuut lɔ siik u kpianii ni, ki u yɔkperii na kur, sɔɔ ki biar ki saa maan u pari. Ki u tɔknanleeb na kur gbii u paak, ki ji tee u datai.

Fabinii 1:2 Iomraidhean Croise

JOB labaar 6:15

Ŋaan yimm nba tee n yɔɔsnba na tee kpinkpannii damm, nan bunii nba tuu koon biaŋinba, yoo nba ki saak ki baa nae.

JOB labaar 7:3

Ki ŋmaarik n tuu ŋmaarik, li ki mɔk linba paak te ki n be, ki nyiɔk n tuu nyiɔk, ki li teenin parbiir.

Yaŋ 126:5

Ŋaant ki binba buur bonboorii ŋaan mɔ na n tan jaan jeet kii laa.

Yaŋ 31:11

Ki n datai kur, mantik n leeb na, dian diabiike. Binba min fanu, ki bi tiinin jaŋmaanii, bi-i lan sɔnu ni, bin chiar.

Yaŋ 6:6

N bak nan parbiira, nyiɔk kur, n dindɔɔnu tuu pɔɔk ninnyuut nie. N ninnyuut tuu borik n yukpakitire.

Yaŋ 69:21

Ki kon nba mɔkin yoo nba, ki bi turin lɔbii, ki nyunnyukuru soorin, ki bi turin damiituk.

Barjokit 19:7

Nandaanɔ ki mɔk nyɔɔt u ninjamm boor, li paak u kan la yɔɔsnba, wuu lekii yiab u mɔŋ paak biaŋinba, ŋaan sɔɔ ki nakiiɔ.

Jeremaya 13:17

Li-i tee ki i kan gbiint, n saa bɔr buiwa, kimaan i yuwannu paak. N saa bui bonchiann, ki n ninnyuut tan sii puube, kimaan baa yaat nan Yennu niib ki teemm yommii na paak.

Jeremaya 2:25

Israel digbann, a daa chat a taa, koo ki koot a kunkɔr nan boorganii yenbis weiu. Ŋaan a tuu yet a, ‘Aaii, n kan ŋmat poor. N loon boorganii yenbis nae ki sii waab.’ ”

Jeremaya 3:1

Ki Yennu yet a, “Jɔɔ-i yêt u ŋaapoo, ki poo na yaat saan kun jaganɔ, u sɔrkperɔ na ji daa gaarɔ. Linba na saa biir tiŋ nae fas. Ki fin Israel digbann mɔk yɔɔsnba bonchiann, ŋaan bia loon fan jen n boor.

Jeremaya 30:14

I yɔɔsnba kur tamm i powa, bi ji ki fiin i po. N leki nan n tee dataak nae. I tubdatu na paar, kimaan i biit na yab bonchiann, i nɔɔntont na paak niiwa.

Jeremaya 4:30

Jerusalem, a boonta. Bee ki a lia taŋanti? Bee ki a lia salinbana ki ban chɔrɔ? A faŋit a mɔŋ yanne. A yɔɔsnba yêtawa, ki loon bin kpia.

Jeremaya 9:1

N sunman ki n yur bo tee bunbunne, ki n ninbina tee ninnyuut nyuntonn, ki man bo bui n niib nba ki bi kpiib na paak, yonnu nan nyiɔk.

Fabinii 1:19

“Ki n tun yiin n yɔɔsnba, ŋaan ki bi yêt ki ki sommin. Ki mannteeb nan tɔɔndamm kpenn doo na sɔnjot ni, ki loon jeet a bin di ki foor bi mɔŋ.

Fabinii 1:21

“Gbiintir n kukura, sɔɔ ki be ki saa maan n pari. N datai na kpamme, kimaan faa te biiru baarin na paak. A tun linba ki a sat mɔb na, ki te n datai na n di biak nan maa dii biaŋinba na.

Fabinii 1:9

U jakint toona na nyɔɔn paanu nie, ŋaan ki u baka kaa nan biiru nba saa baarɔ na po. U baak na yab, ki sɔɔ kaa ki saa fit maan u par. U datai na nyannɔwa, ki u bui fabin ki tur Yennu a wun tinɔ ninbaauk.

Fabinii 2:11

Ki n ninbina ji bak nan mɔnii; ki n kpak nyann. N ji bake nan ninbaatir, kimaan n niib nba kpo na paak. Ki waas nan sanpantii kpenn doo na sɔnjot ni.

Esekiel 16:37

Li paak, n saa tikir a yɔkperii na kure, binba ki a loon bi maan, nan binba ki a ki loon bi maan. Bi saa set ki linta, ki man gbabita, ki bi saa la a yann ni.

Hosea 2:7

Ki u saa wei ber u yɔɔsnba ŋaan kan baarib, ki u saa lin kpaanib ŋaan kan lab, ki ji yet a, “N saa ŋmat n sinsinn jɔɔ boore. Maa tuu be leŋ na sɔ maa be mɔtana na.”

Maika 7:5

A daa tee a lɔɔ koo a yɔɔk yada. Ii mi faa piak linba, li-i lekii tee ki a piak nan a sɔrɔ koo a ŋaapoo gbaa.

Fiitu 17:13

ŋaan bi piik na tan saa taan mɔb, ki jii bi paŋ nan bi yiikoo na ki tur bonkobuk na,

Fiitu 17:16

a yina piik nba ki n la na, ŋamm nan bonkobuk na sii nan poochonchonn na, ki fat linba kur ki u mɔk na ki nyikɔ gbananbir, ki pat u gbanant ki ŋman, ki bia joou muu,