Fabinii 1:1 - Yennu Gbouŋ Mɔɔr

¹ Jerusalem doo nba tuu gbee nan niib na ji dɔɔ yanne. Durinya na niib din baakitɔ, ki mɔtana ki u ji tee nan pakɔɔk na; u tuu tee digbanjaanne ki gar digbanlia, ŋaan ji biir ki butin.

Fabinii 1:1 Iomraidhean Croise

1 Kpanbara 4:21

Solomonn yent din nyii Yufrates mɔkir ki saan tuu Filistia nan Ijipt teeb kpaar. U yent niib kur din pa lampo ki teen ŋɔɔe, ki tee u jiamm, u manfoor ni kur.

2 Kpanbara 23:33

U naan din gbenn, yoo nba ki Ijipt kpanbar Neko teenɔ yommik, Ribla doo, Hamaf tiŋ ni, ki te ki Juda teeb pa salimpeena tusaa ŋantaa nan kobii ŋanna, nan salimmɔnkuna piintaa nan ŋanna, ki li tee jiɔŋ nae.

2 Kpanbara 23:35

Kpanbar Jehoyakim din gaar niib na lampo ki jaŋ nan bi mɔkint nba tee biaŋinba, a bin fit la likirii ki pa naan jiɔŋ nba ki Ijipt kpanbar jiarib na.

2 Barkperii 9:26

Ŋɔɔe din tee kpanbar jaann nba dia kpanbarleeb nba kur be Yufrates mɔkir po, ki saan dian Filistia nan Ijipt teeb kpaar.

Esra 4:20

Kpanbar jaana kar leŋa, ki bia dia yent kur nba be Yufrates mɔkir yonbaa po na, ki gaar lampo booru booruwa.

Nehemaya 5:4

Ki siab mun yaa, “Ti kpentir likiriie ki fit pa naan lampo nba ki bi gaan ti sarwaat nan ti daan tiinii kpaant paak na.

Nehemaya 9:37

Linba ki tiŋ na naan na, li tee kpanbara nba ki a sennib ki bi diat na yarae, kimaan ti yanbɔmm paak. Bi diat nan ti tee bonkobit nae, ki tuun nant baa loon biaŋinba, ki ti be parbichiɔŋ ni.”

Yaŋ 122:4

Leŋe tee siaminba ki nibooru na baar, booru nba tee Israel teeb na, a bin tur Yennu niipoouk nan u sennu nba tee biaŋinba na.

Aisaya 14:12

Babilonia kpanbar, fin nba yeen nan sanyafaar ŋmaajar na, a nyii sanpaapo ki baawa. Sianyoo a bo nyann digbana, ŋaan mɔtana bi lua tiŋ niwa.

Aisaya 22:2

Doo na kur be fuut nie, ki gbee nan fuur nan kpinkpammuk. I jab nba kpo tɔb na ni din ki kɔn kaa ki tan kpo.

Aisaya 3:26

Doo na tammɔi saa mɔ ki fabin, ki doo na mɔŋ sii tee nan poo nba ki bi gbabitɔ, ki kaanɔ yann tiŋ ni nae.

Aisaya 49:21

Li yoo na, a saa yet a mɔŋ a, ‘Ŋmee mar waas na kur ki turimi? N din kɔŋ n waas, ki ji din ki fit mar waasi. Bi din ber ki nyinnin ki teenin yommik. Ŋmee wubir waas na? N din biar n kɔɔe, ki waas na nyii lee?’ ”

Aisaya 50:5

Yennu turin bannuwa, ki n ki yêt, koo ki lek n numm ŋaan nyikɔ.

Aisaya 52:2

Jerusalem, yokin a mɔŋ, ki yent a mɔŋ. Fiit tiŋ ni ki kar a naan gbant paak. Cheet bant nba ki bi baana na, yimm Sayɔnn teeb nba be yommisin ni na.

Aisaya 52:7

Li fan bonchiann nan ki a la toomii ki u nyii kunkona paak, ki baat nan labamann, ki li tee parmaasir barŋanii. U mɔɔntir nyannue ki piak Sayɔnn a, “A Yennu-e tee kpanbar.”

Aisaya 54:4

Daa tiin jaŋmaanii, a ji kan di fei, a kan sik tiŋi. A saa tamm biit nba ki a din tee poopaaŋ ki tuun na, ki bia tamm faa tuu be a kɔɔ nan pakɔɔk na.

Jeremaya 31:7

Ki Yennu yet a, “Yinin yanii nan parpeenn ki tur Israel nba tee digbana kur digbanjaann na. Yinin i dontir yaŋ a, ‘Yennu tinn u niiba, u fat binba kur biar nawa.’

Jeremaya 40:9

Gedalia din pakib a, “N teeni n mɔmaan nan i daa te ki siara jaŋmaanii mɔki nan yin jii i mɔŋ ki chab Babilonn teebi. Karin tiŋ na ni ki jiant Babilonn kpanbar, ki bona saa saan fanu ki turi.

Jeremaya 42:2

“Yabit ki tun linba ki ti wanna. Miat ti Yomdaanɔ Yennu ki turit. Miat ki tur timm nba kur tinn na. Sianyoo ti din yab bonchiann, ŋaan mɔtana ti ji tenn waaminnae, nan faa la na.

Jeremaya 44:2

Yabint Daanɔ nba tee Israel teeb Yennu na yet a, “I mɔŋ la biiru nba ki n baar nann Jerusalem nan Juda dolia kur paaka. Bi bia lek daa tee langbente, ki sɔɔ ki kɔɔ leŋi,

Jeremaya 44:6

Ŋanne te ki n mɔɔn n wutochiɔŋ Jerusalem nan Juda dolia ni, ki joo doi maŋ muu. Doi na din kpant langbente, ki tee jaŋmaansooruk boor nan dinna.

Jeremaya 50:23

Babilonn jab toor durinya kure ki bit bit, ki mɔtana li jaar mun bia biira. Digbana kur jeke nan linba tun ki tur tiŋ na.

Jeremaya 9:11

Ki Yennu yet a, “N saa te Jerusalem n kpant langbent, kii tee mɔbɔi binbeboor, ki Juda doi bia saa kpant langbent, ki tee siaminba ki sɔɔ kan fit kar.”

Fabinii 1:19

“Ki n tun yiin n yɔɔsnba, ŋaan ki bi yêt ki ki sommin. Ki mannteeb nan tɔɔndamm kpenn doo na sɔnjot ni, ki loon jeet a bin di ki foor bi mɔŋ.

Fabinii 2:1

Yennu din donn wutoor ki te bunbɔnn piin Sayɔnn. U te ki Sayɔnn mɔkint bonchiann biir, ki nyɔr nyik u ŋasaakak na, daar nba ki u be wutoor ni na.

Fabinii 2:10

Ki Jerusalem nikpera na kar tiŋ ni ki ŋmin soon nna, ki puk tanbiinii bi yura paak, ki bia lia bɔtoliant, ki sapaanbis na tibint bi yura nan fei.

Fabinii 4:1

Ti salinnyinyira na ji biire; ki Yenjiantu ŋasaakak na tana yat ki dɔɔ sɔnjot ni.

Fabinii 5:16

Taa tuu mɔk parbifaant linba paak na, li siar ji ki biari. Ti tun yanbɔmma, ki mɔtana ti ji be biiru nie.

Esekiel 26:16

Ki kpanbara nba kur kɔɔ kpia mɔkgbeŋa na saa sik bi naan kokii paak. Bi saa liat bi naan liant nan bi taŋant, ki kar tiŋ ni, ki jekir. Jaŋmaanii saa soorib nan i biiru na paak, ki bi kan fit nyik ki kan jekiri.

Esekiel 26:2

“Nisaarik, Taya doo niib na yiin yaniie ki kpamm, Jerusalem biiru paak. Bi hoote ki yeen a, ‘Jerusalem baawa. Li tuu tee digbanjaann nba tee kpinkpouŋ boore, mɔtana doo na baawa, ki ti saa gaar u setu.’

Esekiel 5:5

Mine tee Yabint Yennu, mine ŋamm Jerusalem, ki li tee siaminba mantik kpaa talas durinya na kur po, ki digbana nba kur lintir na numm gboor.

Liifai teeb 26:31

N saa te ki i doi n kpant langbent, ki biir i jiantboa, ki yêt i maruŋ.

Liifai teeb 26:33

N saa te ki tɔbii n faai, ki yati, ki yin kɔɔ digbangana ni, ki i tinii n biar yann, ki i doi n kpant langbent.

Sefania 2:15

Linba nae saa tun ki tur doo nba mɔk garuk, ki dukii a u mɔŋ yiikooe saa tinnɔ na. Ki doo maŋ niib dukii a bi doo nae tee digbanjaann durinya na ni. Li tan sii tee langbente, siaminba ki muuk ni bonkobit sii dɔɔ foi. Ki wunba kur gar li po, jaŋmaanii saa soorɔ, ki wun ŋmat poor.

Fiitu 18:7

Bin te wun la mukisuk nan parbiir ki lin jaŋ nan waa din tuu be u yamani ki dont u mɔŋ biaŋinba na, ki yeen u par ni a ŋɔɔ poobate kar na, a u ki tee pakɔɔk kaa, a li paak, u kan mi la parbiiri.