Banntɔɔ 8:8 - Yennu Gbouŋ Mɔɔr

⁸ Sɔɔ kaa ki saa fit nyinn u mɔŋ kuun ni, koo ki gaan u kuun daar. Linba na tee tɔb nba ki ti kan fit lɔke, ti kan fit bɔr ki nyi li ni.

Banntɔɔ 8:8 Iomraidhean Croise

2 Samuel 14:14

Ti kur saa kpowa. Ti tee nan nyun nba tuu yat tiŋ ni, ki ji kan fit wot nae. Yennu ki nyint niib nba ki u loon manfoori, ŋaan u tuu lon sɔniie, ki nirɔ nba ki bi berɔ na n jen.

2 Kpanbara 7:15

Ki jab na saan ki saa baar Jɔɔdann mɔkir, ki laat tiat nan liant nba ki Siria jab tiin lubin na sɔnu ni. Li poorpo ki bi jen ki tan wann kpanbar na.

JOB labaar 14:5

Yennu daan senn nisaarik manfoor ki jaŋ u ŋmaarii kann nba tee-e, ki u kan fit yakir.

JOB labaar 34:14

Li-i tee u loriie, ki u te ki foon jiti,

Yaŋ 89:48

Ŋmee sii yɔɔ be u manfoor ni, ki kan ban kpo? Nisaarik saa teen nlee, ki kan sik kaauk ni?

Yaŋ 9:17

Biit damm nan binba ki mi Yennu na ŋarin, kuume tee bi joontu.

Barjokit 12:3

Toonbiit kan tura setŋanu, ŋaan niib nba tee popeenn damme see fanu.

Barjokit 14:32

Tondamm toonbiite tuu baar nan bi mɔŋ baak, ŋaan niŋamm na ŋarin tuu la fatue, kimaan bi ŋamm paak.

Banntɔɔ 3:21

Nlee ki nirɔ setik saa fit bann nan nisaarik nariŋ do paapoe, ŋaan ki bonkobuk nariŋ ŋmat siik tinpɔɔr ni?

Banntɔɔ 8:13

ŋaan li kan ŋamm toonbiit damm. Bi manfoor tee nan yunyuŋ nae, ki bi saa kpo ŋaan daa paan, kimaan bi ki sak Yennu mɔb.”

Banntɔɔ 9:12

A ki mi a ninbɔŋ yoo, a tee nan nɔɔnii nba ki bi tuu tan soorib tiɔk ni nae, ki bia tee nan janii nba ki bi tuu soorib janlaauŋ ni na. Ti tuu tan kɔɔ bonbiir nie, yoo nba ki ti ki daanir.

Aisaya 28:15

I faa kpinkpant a yimm nan kuun lor ki taan mɔba, ki yimm nan kpeentiŋ soor sooruwa. I mɔk dindann nan biak-i baar, ŋaan li saa lɔkit yimma, kimaan i tinnu dindann maa faak nan kpinkpannii paake.

Aisaya 28:18

Mɔlor nba ki yimm nan kuun lor na saa biir, ki yimm nan kpeentiŋ mɔtaauk na saa taat. Biak-i baar yoo nba, li saa nyanni.

Aisaya 47:10

“A din teen a mɔŋ yadae, a toonbiit ni, ki dukin nan sɔɔ kan la-a. A yan nan a bannu nae kɔɔna muuk, ki a yet a mɔŋ a, ‘Mine tee Yennu, ki sɔɔ ji kaa ki tee nan min na.’

1 Korint teeb 15:43

Bi ki piit nan fanti, ŋaan ti tan saa fiir nan fante; bi bia ki piit nan paŋi, ŋaan ti tan saa fiir nan paŋe.

2 Korint teeb 13:4

U din jii u paŋ maŋe ki bakin bir ŋaan sak ki bi kpaau dapunpunn paak. Mɔtana, Yennu paŋ paak ki u be manfoor ni. Timm nba lakin be u ni na ki mɔk paŋi, ŋaan taa lakin taan nanɔ na paak, ti mun mɔk manfoor, Yennu paŋ paake, ki fit wanti li paŋ.

Hiibru teeb 9:27

Yennu senn a see ki nirɔ kur n kpo yomkɔɔ, ki li poorpo ki wun bu u buut.