Banntɔɔ 7:1 - Yennu Gbouŋ Mɔɔr

¹ Sanŋann chee tulaarii nba ki li nubiru man; faa saa kpo daar nba chee daar nba ki bi mara.

Banntɔɔ 7:1 Iomraidhean Croise

JOB labaar 3:17

Kaat niŋewa ki nitont na tuu nyik bi toonbiit, ki jab nba tun bak na tuu tan la foon.

Yaŋ 133:2

Li tee nan kpanŋanin nba ki bi jii mɔɔn Aarɔnn yur paak, ki li lɔɔ siik u tiaŋ paak ki siik u liatir turu ni nae.

Barjokit 15:30

Niib-i laa mɔmiin, li tuu tura parpeenne, ki labaŋann teena pardɔɔnn.

Barjokit 22:1

Bi-i senn sanŋann nan mɔkint ki yaa a gann, fan gann sanŋann.

Barjokit 25:10

Nna-i kaa, sɔɔ kur saa banne nan a kan fit dia barbɔrkai, ki a kan ban nyi fei niŋi.

Barjokit 27:9

Tulaarii nan kpanunubite saa tura parpeenn, ŋaan daamii ŋarin tuu jii a parmaasire ki yaat nann.

Banntɔɔ 10:1

Kpajukpeena saa fit te salenn nba tulaarii be li ni na-ii nubir kii pɔi, ki liinsin waaminna saa fit boon yanfoon nba yab.

Banntɔɔ 4:2

Binba kpo na mɔk yumann, bi yare sɔ nan binba daa be bi manfoor ni na.

Banntɔɔ 7:8

Bont joontue ŋan ki chee li pinpiik. Sukuru gar dont-n-mɔŋ.

Yankpaŋii 1:3

A nubiru man ki tee nan bonnunubit nae; ki a sann tee nan bi kpaar bonnunubit ki mɔɔn na. Li ki tee birisuk kaa nan sapaamm na loona.

Yankpaŋii 4:10

N pooloŋir, n pooyookir, a lomm na manin, a lomm na ŋan gar daama, a tulaarii na nubiru man ki gar bonnunubit nba bewa.

Aisaya 56:5

ŋann bi sii yɔɔ tian a sann, n jiantu ŋasaakak ni, nan n niib boor, ki lin yukir gar faa bo sii mɔk bonjai nan bonpoi. Ki a sann kan ban piini.”

Jona 4:3

Yennu, nyint n manfoor, mi-i kpoe sɔ nan maa fo na.”

Barŋanii nba ki LUK din sɔb nae na 10:20

Ŋaan i daa mɔk parpeenn nan narinbiit nba saak i mɔi na kuukɔɔ paak kaa, ŋaan kii biaki mɔk parpeenn nan baa poŋ sɔb i sana Yendɔuŋ ni na.”

Jɔɔnn 13:2

Li yoo na ki ŋɔɔ nan u poorpoweiteeb di jeet; ki Sintaanii poŋ dɔŋ te ki Judas Iskariot nba tee Simonn bija na dukin a wun nyi Yiisa poora.

2 Korint teeb 5:1

Tɔn, ti mi nan gbanant nba ki ti mɔk mɔtana na-i taŋi kpo, ti mɔk ŋaak nba ki Yennu saa turit sanpaapo, ki li ki tee nisaarik kaa maa ŋaak maŋi, ki li bia tan sii be nan yoo nba kaa gbennu.

2 Korint teeb 5:8

Ti mɔk parcheenn ki sunman tin nyi gbanant na nie ki kun ti Yomdaanɔ boor.

Hiibru teeb 11:2

Yennu din pak yaayoo ni niib na, bi yada paake.

Hiibru teeb 11:39

Binba na kur yada paake ki Yennu din pakib, ŋaan ki bi daa ki gaar linba ki u senn a u saa turib na,

Fiitu 14:13

Ki n bia gbat kunkɔr nyii Yendɔuŋ ni ki yeen a man sɔb maan na a “Laa nyii mɔtana ki saa, parpeenn be damm nba kpo ti Yomdaanɔ sɔnu ni na paak.” Ki Yennu Seyeeŋ na sak a “Mamɔmm, bi saa la foon bi toongbeŋa paak, kimaan bi toona nyɔɔt nae waab.”

RUF labaar 3:14

Ki Ruf dɔɔr Boas taa po, ki li tan yentir ki u fiir. Li din ki yent gbenn kaawa ki u fiiri, kimaan Boas din ki loon niib n bann nan u won dɔɔr u boori.