Banntɔɔ 6:2 - Yennu Gbouŋ Mɔɔr

² Yennu fit teen nisɔɔ mɔkint nan baakir nan faar, nan linba ki u loon kur, ŋaan u kan te daanɔ maŋ n di ki lin maakɔ. Niganɔe lek tan saa dir. Li ki mɔk nyɔɔti, li bia ki ŋan.

Banntɔɔ 6:2 Iomraidhean Croise

1 Kpanbara 3:13

N bia saa tura linba ki a ki boi li po. A manfoor ni kur a sii mɔk mɔkint, ki niib teena baakir ki gar kpanbara kur.

1 Barkperii 29:25

Yennu din te ki Israel teeb kur tiin Solomonn, ki baakitɔ ki gar kpanbara nba tuu diab nawa.

1 Barkperii 29:28

U din tan kpetewa ki kpo. U din dii manu u manfoor ni, ki mɔk mɔkint, ki bia la baakir niib boor; ki u bija Solomonn-e din gaar u setu ki dii naan.

2 Barkperii 1:11

Ki Yennu yet Solomonn a, “A gann linba ŋana. A bo saa fit boin mɔkint koo likirii po, koo yudantuk po, koo a datai n kpo po, ki bia fit boi a mɔŋ manfofoouk po, ŋaan ki a boi yanfoon nan bannu po, a lin te ki a fit dia n niib nba ki n teena bi kpanbar na.

Yaŋ 17:14

Nyintin binba mɔk linba kur ki bi loon na nuu ni. Datir bi tuba nan biak nba ki a bir guumm na. A ŋaan ki lii yaba ki baar bi waas nan bi yaaboona.

Yaŋ 39:6

Nisaarik tee nan yinyuŋ nae, waa tuun linba kur tee yanne. U kpaan mɔkint, ŋaan ki mi wunba tan saa yent.

Yaŋ 73:7

ki bi para nyint bonbiir, ki bi yan dukii toonbiit tumu ki ki bakitii.

Banntɔɔ 4:4

Ki n bia tumii ki bann linba paak teen, ki niib tuun toonpaara a bin mɔkit, kimaan bi mɔk funfunn nan bona nba ki bi leeb mɔk na. Ŋaan li ki mɔk nyɔsiati. Li tee nan faa sii waa beer wouŋ nae.

Banntɔɔ 4:8

Nisɔɔe be u kuukɔɔ, ki ki mɔk bik, ki ki mɔk ninja, ŋaan u tuune yoo kur, ki mɔkint nba ki u laat na ki gboot u numm. Ŋmee paake ki u mantik tuun ki bakit, ki bia nɔi u mɔŋ ki ki di manti? Linba na mantik ki mɔk nyɔɔti, ki tee parbiir binbeŋ nba ki nirɔ be.

Banntɔɔ 5:13

Bonbilankant nba ki n la durinya na nie na: Niib bekii bi likirii a bin tuu tan jii yoo nba ki bi loone,

Banntɔɔ 5:16

Li kpan ki ŋan. Ti tan saa saan nan taa baar biaŋinba nae, ki ti tuun toona ki koor a tin soor wouŋ, ti tan saa la bee li paaki?

Banntɔɔ 5:18

Maa fiit ki la linbae na: nisaarik nba kpan saa tun linba tee wun di ki bia nyu, ki gboon u mɔŋ nan waa tun ki la linba, yoo nba ki u daa be manfoor nba ki Yennu turɔ waaminna na nie; nisaarik joontue na.

Banntɔɔ 5:19

Li-i tee ki Yennu tur nisaarik mɔkint nan faar, ki te ki u di manu, li ŋan ki wuu mɔk niipoturu ki di linba ki u tun la na ki gboo. Li tee piiniie ki nyii Yennu boor.

Aisaya 55:2

Bee ki i biir likirii linba ki gboot paaki? Bee ki i di i paauk ŋaan bia be komi? Gbiintir turin man, ki tun maa wanni linba; ki i saa di jeet nba man ki gar jeet kur ki lin maŋi.

Fabinii 5:2

Ti mɔkint na be boorganu nuu nie; ki boorganu niib ji kɔɔ ti ŋei ni.

Daniel 5:18

“Yabint Yennu-e teen a baa Nebukanesar batgbeŋir, ki turɔ sann nan baakir nan mɔkint nba yab.

Hosea 7:9

Ki bi ki bann nan bi lora nba ki bi mɔk nan digbanlia niib na warii bi paŋi. Bi per boontuwa, ŋaan ki mi.

Sennu 28:33

Tingaŋ niibe tan saa di i jeet kur nba ki i koo nan ninbinmɔnii na, i kan gaar siari see mukisuk nyɔɔ nyɔɔ.

Sennu 28:43

“Boorganii nba kɔɔ i tiŋ ni na sii laat yiikooe ki gaari, ŋaan ki i yar warii yoo kur.

Barbuura 18:10

I-i sakii baar leŋ, i saa la nan leŋ niib ki dukii nan siar be. Li tee digbanjaanne, ki mɔk bont kur nba ki nisaarik sii loon. Yennu jii yent na ki turiwa.”