Banntɔɔ 5:8 - Yennu Gbouŋ Mɔɔr

⁸ A daa te ki li bakitira, li-i tee ki a tan la doo yudamm diin nandamm, ki ki teemm mɔnii. Saakabarik kur saak wunba garɔ mɔbe, ki bi kur saak tɔɔndamm nba garib na mɔi.

Banntɔɔ 5:8 Iomraidhean Croise

2 Barkperii 26:10

U bia din maa difoot kunkoouk paak, ki bia lukir gbeet bonchiann, kimaan u din mɔk bonkob-buruŋ, ki bi be yonbaa po, kunkonbis ni nan paanu ni. Waa din loon kpaab maan na paake teen ki u din chekint niib na, a bii buur tilontii, kunkona tiŋ na ni, kii ko tinii nba mɔk koorin na ni.

JOB labaar 24:23

Yennu saa fit te ki u be u yamani, ŋaan ki u ninbina paa u paak yoo kur.

Yaŋ 12:5

Ŋaan Yennu yeen a, “N saa baar mɔtana, kimaan talas damm di biake, ki binba be mabir ni na kurii nan gbananyekitir. N saa turib yandɔɔnn binbeŋ nba ki bi tuu daan nawa.”

Yaŋ 55:9

Yennu, ŋmatir nɔɔnbiit damm na pinpakit, kimaan n laat kunkɔna nan kpikpiruk doo ni.

Yaŋ 82:1

Yennu kar u naangbouŋ paak, ki barbuura bonchiann be u tɔɔnn, ki u bu bi buut ki yaa,

Yaŋ 83:18

Ŋaant ki bin bann nan fine tee Yennu, ki tee yabint daanɔ, tingbouŋ na kur po.

Yaŋ 95:3

kimaan ti Yomdaanɔ tee Yabint Yennu-e, yabint kpanbar nba gar yenbis kur.

Barjokit 22:16

Fi-i piin mɔkita piinii, koo ki fiar tatimm a fan mɔkit, see namu soora.

Barjokit 24:12

A saa yet a li ki tee a toonn kaa, ŋaan Yennu mi ki saa bu a bibikit maŋa. U laat ki mia, ki saa tura nyɔɔt nan a toonn nba tee biaŋinba. -- 26 --

Barjokit 8:17

N loon binba loonin nae; wunba lomin see ki u lan.

Banntɔɔ 3:16

N bia la linba pukin durinya na ni tee, tonue be siaminba ki barmɔnii nan linba ŋan bo sii be.

Banntɔɔ 4:1

Ki n bia ŋamm got toonbiit kura nba tuun durinya na ni. Ki talas damm na yikin, ŋaan sɔɔ kaa ki saa sommib. Sɔɔ kaa ki saa fit sommibi, kimaan binba diimm na tee yiikoo damme.

Banntɔɔ 5:9

Tiŋ na nyɔɔt tee niib na kur yare. Kpanbar gbaa, ŋaan u laat nyɔɔt u jaanu nie.

Banntɔɔ 7:7

Yandaanɔ-i ŋmab sɔɔ, u bontiteet tee nan jatuk nae. Li-i tee ki a gaar fobit piinii, a biir a binbeŋe.

Banntɔɔ 8:9

N la linba na kur yoo nba ki n dukin linba tuun tingbouŋ na ni, ki li tee tingbouŋ nba ki nisiab mɔk yiikoo, ki dia bi leeb ki bi di farae.

Aisaya 10:12

Ŋaan Yennu yet a, “Mi-i gbenn linba ki n tuun Sayɔnn kunkonn paak nan Jerusalem na yoo nba, n saa dat Asiria kpanbar tubir nan waa want u mɔŋ ki faa kpinkpant na.”

Aisaya 3:15

Yaa biir n niib, ki bia ŋmaŋit tarii na, li ki ŋani. Min i Yomdaanɔ Yabint Yennu-e pak na.”

Aisaya 37:36

Ŋanne ki Yennu malaka saan Asiria teeb kaaŋ ni, ki saa kpii jab tusaa kobik nan piinniin nan ŋanŋmu. Laa yent sanyiɔk ki bi dɔɔ ki kpowa.

Aisaya 5:7

Israel teebe tee Yabint Yennu daan tiinii kpaab; Juda teebe tee daan tiinii nba ki u bur. U daan a bin tun linba ŋane, ŋaan ki bi kpi niib. U daan a bin tun linba tooke, ŋaan binba ki bi mukisib na mɔ ki loon sommir.

Aisaya 57:15

“Mine tee Yenjaann, ki bia tee kasii, ki yɔɔ be. N be sanpaapoe, siaminba tee kasii, ŋaan n bia be nan niib nba sikint bi mɔŋ ki nyik bi biit, a man maan bi para ki turib dindann.

Esekiel 18:18

U baae ŋmab, ki fat, ki bia tun bonbiir ki tur sɔɔ kur. U saa kpo, kimaan toon bibooru nba ki u tun na paak.

Amos 5:12

N mi i biit nba yab biaŋinba, nan i toonbiit nba tee biaŋinba. I so niŋamm na, ki gaan fobit piinii, ki ki teen talasdamm mɔnii, buut ni.

Amos 6:12

Taanii tiin jɔɔt ni-i? Niib koo nan naakookii mɔka niŋi-i? Ŋaan ki i kpintir barmɔnii ki li tee lɔbii, ki bia kpintir bonŋann ki li tee bonbiir.

Maika 2:9

Ki i waa beer n niib nba tee poob ki nyintib bi ŋaŋanii ni, ki bia ŋmaab bi waas, ki gaan piisin nba tee bi yar mɔkmɔk nan mɔkmɔk.

Sekaria 8:6

“Niib nba tenn na sii dukii nan linba na tee bonpaarire, ŋaan min Yennu boor ni ŋarin, li ki paari.

Malakai 3:5

Yabint Yennu yet a, “N saa baar i boor ki tan bu binba tee jabaabuura, nan bonchonchona, nan faak siara damm, nan binba ŋmaab bi toontunna bi paauk ni, nan binba fiar pakɔi nan kpeebii nan nigamm bona, nan binba kur ki teenin baakir na buut.”

Barŋanii nba ki LUK din sɔb nae na 1:32

U tan sii tee nijaanne, ki bi yiu Yabint Yennu Bija. Ti Yomdaanɔ Yennu saa te ki wun di u yeeja Defid naan,

Barŋanii nba ki LUK din sɔb nae na 1:35

Ki malaka na yetɔ a, “Yennu Seyeeŋ saa sik a ni, ki Yabint Yennu maŋ paŋ n bakin a paak; li paak, bik nba ki a tan saa marɔ maŋ sii tee popeendaanɔe, ki bi yiu Yennu Bija.

Barŋanii nba ki LUK din sɔb nae na 1:76

N bik, bi tan sii yia, ‘Yabint Yennu sɔkiniie.’ A saa gar ti Yomdaanɔ tɔɔnne ki ŋamm u sɔnii ki turɔ,

Toona 12:23

Li taakpaak ni ki ti Yomdaanɔ Yennu malaka te ki yiarbiiuk baa u paak, ki tee gungobii ki mɔɔu ki u kpo, kimaan u din ki tur Yennu dontir maŋi.

Rom Teeb 11:33

Yennu mɔkint ki mɔk gbennu; ki u yan nan bannu sumii bonchiann. Ŋmee mi ŋɔɔ Yennu dudukit ki saa fit bann u sɔnii?

Jeems 2:13

Binba ki tin bi leeb ninbaauk, Yennu saa bu bi buut ki kan tinib ninbaauku; ŋaan ninbatinue nyant tubdatu.

1 Piita 4:12

N naa walonkai, yaa di biak nba bikii-i na, i daa te ki li bakitiri ki tee bonsaann i boori.

1 Jɔɔnn 3:13

Tɔn, n naa waas, li-i tee ki tingbouŋ na ŋaateeb nami, i daa te ki li teei bakitnauŋu.