Banntɔɔ 5:4 - Yennu Gbouŋ Mɔɔr

⁴ Li paak, li-i tee ki a sat mɔb ki tur Yennu, fan gbeenir yian. Jatuk ki mɔk nyɔɔt Yennu boori. Tumin linba ki a sat mɔb nan a saa tun na.

Banntɔɔ 5:4 Iomraidhean Croise

Pinpiik 28:20

Ŋanne ki Jakɔb por senn mɔsonn ki yet Yennu a, “Li-i tee ki a sii be nanin ki nyinnin bonbiir ni, sɔnu nba ki n somm na ni, ki bia turin bondikar nan bonliakar,

Pinpiik 35:1

Tɔn, ki Yennu yet Jakɔb a, “Ii saa Betel yian, ki saa kɔɔ leŋ. A saa maa maruŋ binbintir leŋ ki tur min Yennu nba din lekit a paak, yoo nba ki a din tiin ki yaatir, ŋaan nyikin a ninja Esɔɔ na.”

Pinpiik 35:3

Ti nyi nnae ki saa Betel, siaminba ki n saa maa maruŋ binbintir ki tur Yennu, wunba sommitin wahala yoo, ki be nanin siaminba kur ki n saa.”

Yaŋ 116:14

U niburchiɔŋ na sinsuuk nie ki n saa turɔ maa senn mɔsonn nan n saa turɔ linba na.

Yaŋ 119:106

N saa dia n mɔsonjaann nba ki n senn nan n saa dia a kasii sennu na.

Yaŋ 22:25

Nibur tintaanu niŋe ki n saa pak a sann linba ki a tun turin na paak, ki jii n piinii nba ki n senn mɔsonn na, ki mann maruŋ niib nba jiantira na tɔɔnn.

Yaŋ 50:14

Ii ŋaan ki i niipoturu-ii tee i maruŋ ki teen min Yennu, ki bia tuu tur min Yabint Daanɔ linba kur ki i senn mɔsonn.

Yaŋ 76:11

Turin i Yomdaanɔ Yennu linba ki i senn mɔsonn a i saa turɔ na. Ii baar nan i piinii ki turɔ. Digbana nba kur kpiai na n baar nan bi piinii ki tur Yennu nba ki nisaarik tiinɔ na.

Barjokit 20:25

Dukint fanuwa ki fit sat Yennu piinii mɔsonn, ki tan daa mɔ kɔɔŋaani.

Aisaya 19:21

Yennu saa fiit u mɔŋ ki wann Ijipt teeb, ki bi saa gaarɔ ki jiantɔ, ki turɔ maruŋ nan piinii. Bi saa senn mɔsonjaana ki turɔ, ki bia gbeen bi mɔsona maŋ.

Jona 2:9

Ŋaan min saa yin yaŋ ki dont fine. N saa mann maruŋ ki tura, ki bia tun linba ki n senn mɔsonn nan n saa tun na. Tinnu nyi Yennu boore.”

Malakai 1:10

Yabint Yennu yet a, “N sunman ki i yenɔe n bo loon n Ŋasaakak na gana, ki lin gɔɔri ki i daa jokit muu nba ki mɔk nyɔɔt n binbintir na paaki. N ki mɔk parpeenn i paaki. N kan gaar i piinii nba ki i baar nann ki turin na.

Nikant 30:2

Li-i tee ki i jasɔɔ senn mɔsonn nan u saa tur Yennu siar, koo ki por kat ki kɔɔn u mɔŋ bonsiari, u daa biir u mɔsonn maŋi, wun tun gbeen u mɔsonn maŋ.

Matiu 5:33

“I poŋ gbia ki bi yeen yaayoo ni niib a ‘Ii mi ki a por faak mɔpor, ŋaan li-i tee ki a por mɔpor Yennu sann ni, li ŋan ki a tun gbeen a mɔpor maŋ;’

Hiibru teeb 10:6

A ki mɔk parpeenn nan bonkobit nba ki bi mann maruŋ ki jokitir muu, biit paak na.

Barbuura 11:35

Waa la u bipoo yoo nba, ki u pat u liant nan parbiir, ŋaan yikin a, “N bipoo, a turin parbiira. Bee ki a te ki li toŋin nna? N senn mɔsonn ki tur Yennu-wa, n kan fit biirir.”